بسم الله الرحمن الرحيم
شلونكم حبايبي ان شاء الله بخير

راح اقول قصتي من البدايه وان شاء الله الاقي الحل الي يخليني اعيش مرتاحه مع زوجي

تزوجت وعمري 19سنه وكان زوجي عمره29سنه زوجي من طبعه الجديه وانا من النوع المرح الي تحب التنطيط واللعب والضحك والسوالف اما زوجي ما يسولف معاي الا قليل اهو يشتغل من الساعه 7 الى 4 الصبح يعني يجي العصر على طول يرقد للمغرب بعدها يصلي ويطلع بره ما اشوفه الا الساعه 11 او حتى 12 بالليل على العموم ما حبيت اكلمه وخاصه اني في بداية زواجنا ما حبيت افرض نفسي عليه والله ما اجذب عليكم من تزوجنا لحد اليوم ما ظهرت معاه الا قلييييل وينعدون على الاصابع


ااشهر قليله واحمل ببنتي الله يحفظها وكنت محتاجه تواجده معاي وايد بس نفس الحال ضل بعيد وفي شهر من اشهر حملي الاولى اشترى زوجي تلفون جديد انا مو من النوع الي تنبش ودور في اغراض زوجها بس ذاك اليوم جاني فضول اني اكتشف التلفون وبالفعل دخلت اقرء الرسائل المرسله وشفت فيها رساله من زوجي لوحده كان يعرفها وهي متزوجة ما انكر انه قال لي قبل الزواج انه حب من قبل وحده وكان يبيها في الحلال وصارت ما بينهم علاقه ما تتعدى التيلفون بعدين اكتشف انها متزوجه من قبل رفيجتها ااا وهذا سبب له صدمه ....عاد انا لما شفت المسج ما قدرت اتكلم بس كانت دموع من الصدمه هذا الانسان الي وثقت فيه وعطيته كل الثقه هذا الانسان الي راح اضل معاه طول العمر


ماقمت احب احط عيني في عينه ولا قدرت افاتحه بالموضوع اهو حس فيني اني متغيره مو ذيك البنت الي دايم تضحك وتمزح واتسولف حب يعرف اش فيني بالضبط بس كنت دايم اقول له ما فيني شي وامشي عنه وكنت اقضي طول اليوم في بيت عمي عشان اتحاشاه
المهم ما اطول عليكم بعد كم يووم طرش لي مسج انا رديت عليه قلت له حبيبي اش رايك اتشوف رسايلك المرسله وراح تعرف اش فيني وعلى طول اتصل فيني وقال الي انه هذا رفيقه في الشغل هو لي طرش المسج من تيلفونه >>>>اجذب علي بس اني طوفتها وقلت له اني ما ني مقتنعه بالكلام الي يقوله بس تعرفون لرجال في التبرير وكلام محد يغلبهم وخاصه اني كنت حامل ماحبيت ازيد من معاناتي
اشوي حسيت انه اولى لي بعض الاهتمام في الايام الي توالت بعد هالسالفه بس قام يقفل تيلفونه او يخليه على الكود نمبر عشان اني ما اقدر اخذه وشوف اش فيه
ولدت وكبر ولدي ومثل ما هو نوم وطلعه وأخر الليل يجي وفي يوم بعد كنت ارتب الشقه وشفت في اغراضه وأوراقه ظرف فيه صوره بس في ظهر الظرف كان مكتوب فيه ارقام تيلفون الزوجه الي كان يحبها وارقام زوجها وبيتها .....
واهني اني مت ما قدرت قلت له اني ابي اروح بيت ابوي بدون ما اقلول له السبب وهو ما جادلني واخذني الى بيت ابوي جيت في بيت ابوي وضليت كم يوم بس لما اتصل يسألني عن سبب زعلي قلت له ..أنا راح اسألك سؤال وانت ارجو انك هالمره ولو لمره وحده في حياتك انك اتجاوبني بكل صدق وقلت له المره الي طافت انا شفت مسجات وانت قلت لي رفيجك جذب والله صدق قال لي اش الي جاب السالفه الحين وهي مرت عليها الحين سنه تقريبا المهم بالحاح مني قال لي انه هذي البنت الي عرفها والحين هي متزوجه وعنها اولاد
قام يقول لي انه يحبني وانه ما ادري شنو تعرفون هالكلام بس ما اقدر اصدق منه كلمه لما رحت البيت رويته الارقام قال لي هذلين لرقام من زمان عنده وإذا ابي اتصل في الارقام اتصل بس من غبائي ما تصلت المهم قلت ليش محتفظ بالارقام بدام هي قديمه ومالها اهميه قال لي انه فيه صوره واصلا ناسيه مو عاطنه اي اهتمام

انا هم سكرت الموضوع وقلت هذا انذار لما الثانيه اشوف عليه شي راح اتصرف معاه تصرف ثاني لما اقول الاهلي

المهم حياتي معها ما فيها تفاهم هو في صوب اوانا في صوب ما يدري بالي فيني ولا انا اقدر اعرف هو من وشنو هو الانه مايتكلم معاي اتصور حياه جذي اساسه ضعيف انا حبيت هذا الشخص بصراخه ونزارته حتى مع مشاكله وحجايجه معاي
حتى لما كان يسعدني شوي في يوم دايم في الاخير يخلي دمعه او غصه او حتى جرح كختام والله اني تعبت وماكتبت لكم الا لما فاض بي اهماله لي وانانيته ابي اغيره ابي اجذبه صوبي ابيه يحس فيني بس ما ني قادره احس لما اقرب صوبه احسه يبعد الف خطوه وراما ادري والله اتعبت






ابي كل يقول لي اش الحل اش اقدر اسوي

وشكرا على كل شي

بصراحه اختي..
مشكلتك حزنتني..
الحل الوحيد اللي تستخدمينه هو الاستخاره
استخيري ربنا

اختي في الله اريج الورد الحل هو انك تحاولين تصارحينه وتشرحين له بكل وضوح مافي صدرك فالمصارحة هنا مهمة جدا ثم عليك بالدعاء في جوف الليل ثم عليك ايضا اختي العزيزة يجب ان تحاولي ان تنضري الى نفسك اسلوبك اناقتك تعاملك يمكن فيها شيئ وانتي مو حاسه فيه فيكون له دور في الحاصل معاك

حبيبتي ...


أولاً ..

أحب أني أهنيك على عقلك الراجح ... وصبرك على زوجك ... وتحملك لهذهِ المشاكل .. لوحدك ...

ثانياً ..

واللــه ثم واللــه أن مافيه أحسن من صلاة الليل - أسئلي مجرب - وبإذن الله ستلاحظين الفرق وستيقنين بأن الله قريب منك أكثر مما تتصورين .....





غاليتي ...

الله عزوجل مايبلي إلا اللي يحبه ... يبغيه يطق بابه .. ويسأله ... ويلح عليه .....؟؟

وشلون أطق الباب ....... !!

قومي .. وتوضي ... وصلي ركعتين ... وأنتي في السجود أدعي .. وأدعي وأدعي ... وأبكي ... وأسأليه بإلحاح ...

وأقسم بالله أن بتشوفين وشلون زوجك بيتغير ....


حبيبتي ..

لاتقولين اني مش حاسه فيك ... بالعكس أنا عشت وعانيت مرارة اللي تعانينه ... ولجأت لكل الطرق .. كل شي ... كل اللي تتخيلينه ... وللأسف أن آخر شي لجأت له ... هو الدعاء في صلاة (الليل) ...


والحين .. ولله الحمد .... تغير 360 درجه ... احس أنه يجيني بشوق ولهفه ... أحس أنه يشتاق لي في غيابي ....


حبيبتي ....

لا تنهزمين ... ولاتدخلين الحزن في بيتك ....

من اليوم ....

أهتمي أكثر في زوجك ... وأكشخي له ... وشوفي النتيجه .....

لا تحطين إيدك على خدك وتقولين شاسوي .....

أنا لما تزوجت كنت أصغر منك كان عمري 16 سنه بس الدنيا علمتني أشياء كثيره واليوم انا عمري 22سنه بس الكل يشهد لي بأن تفكيري أكبر من عقلي ..... تدرين ليه ... لأن المفروض الوحده تصير كذا في هذا الزمن ...


لا تطلعين من بيتك وأنتي مهزومه ....

لا تعطينه مجال أنه يفكر أنه يكلمها ....... وهذا كله يرجع لمعاملتك معاه ....

المشاكل ماتنحل إذا رحتي بيت أبوك ... بالعكس تنحل بالعقل والتفكير الصح ...


حبيبتي ...


غيري نظام بيتك ... وأهتمي فيه أكثر وأكثر ... أطلبي منه أنكم تعيدون شهر العسل بعيد عن الكل ... في فندق .. في سفره قريبه ... أي حاجه حسب ظروفكم ...


قولي له أنك تغارين عليه حتى من شغله .... حسسيه بخوفك عليه لما يتأخر .... أتصلي فيه وهو في الدوام ... بس لاتكثرين عشان مايمل ... دزي له مسجات حب و شووووق ....

أتصلي فيه ... وقولي له ... بقولك شي .. بس جد جد جد .. ماتوقعته ... آآآآآه .... تبي الصج ... (وهو خلاااااص بينتهي .... يبي يعرف ايش السالفه ....) آخر شي قولي له ... جد وحشتني ... فديتك وفديت كل شي فيك ......


صدقيني أن الحل بين إيديك ... بس أنتي مستصعبه الأمور .....


وأنسي الماضي .... خليه يكون ماضي ... ولاتفتحين على نفسك أبوابك أنتي في غنى عنها ... لا تفتشين الموبايل أو البوك ....ألخ .

والله بتشوفين انه هو اللي بيرجع لك ... وبيندم على كل اللي سواه .....


أول مايرجع من برع عوديه أنه يبوسك .... ويضمك ...........


أستقبليه بريحه العود ودهن العود والعطور الحلووووه ... والملابس الراقيه والرائعه ..... ولاتنسين شبب الدلع -------> لاتستهنين له مفعول عجيب .... لأني أذكر مره كنت لابسه شبب من كليرز على شكل ضفدع ... أول ماشافه مات علي من الضحك ....


قعدي في حضنه وأنتوا تشوفون التلفزيون مع بعض ... بوسيه .. وتقربي منه ........ صدقيني .. أنه بتلوع كبده من اللي كان يسويه ....


أكتبي له في ورقه وحطيه في جيب ثوبه ولما يروح الشغل دزي له مسج أنه يحط إيده في جيب الثوب ويقراء المسج الموجود .....


حبيبتي ..

كل رجل يخون .... أو بالأصح أغلبهم ... لا تأسين .... ودائماً تذكري .. أن في حريم اصبروا على أزواجهم اللي يشربون ويرجعون آخر الليل ويضربونهم ... وأحمدي ربك على حالك ...



أدري أني طولت عليك ... بس ماوصيك ... لاتنسين الكلام اللي قلت لج إياه ... وموضوع الصلاه ... وبالمره في صلاة الليل أدعي لي أن الله يرزقني بطفل يملي علي البيت ...

أخيراً ..

كل شي إلا أنك تتعبين في يوم من الأيام ... لأن هالبنات همهم خراب البيوت .. وسعادتهم في طلاق وتعاسه الزوجه ...!!




بنت المنتدى ....هنوفه ...

اختي اريج


بصراحة الكلام اللي كتبته الهنوف فيه من العلاج والحلول ما تعمر الاف البيوت

اسأل الله الكريم رب العرش العظيم ان يفك عنك همومك وينور طريقك وينولك اللي ببالك ويهدي زوجك لك

حبيت أساعدك في الموضوع لكن والله أختنا الهنوف جزاها الله خير كفت ووفت وكلامها صدق إسمعي كلام أختنا الهنوف فهي مجربة وفاهمة في المواضيع هذه إسألي مجرب .
تحياتي لكي
وتحياتي الخاصة لإختي الهنوف

مشكورة الهنوف

اما الاخت صاحبة الموضوع اقول ان لكل رجل زلات وسقطات وهفوات

المهم ان تصبر المرأة ولا تتخلى عن زوجها وانصر اخاك ظالما او مظلوما بأن تدفعيه عن ظلمه لنفسه

تحياتي

__________________

بسم الله الرحمن الرحيم

اشكركم خواتي واخواني على كل شي وخاصه الهنوف
حبيبتي الهنوف صدقيني انا الحين اسوي كل الي انتي قلتي عليه حاليا وهذا كله الاني تعبت من المحاتاه تعبت من كثر الهموم امس قلت له قوم خلنا نطلع قال لي وين تبين اتروحين انا تعبان قلت له معلش اني ما اطلع معاك خلنا اليوم نطلع يعني شوي ورضا انا فرحت بهذا الشي وطلعناااااا مع بعض بس حاولت بقدر الامكان ان يكون الوقت الي قضاه معاي اكون ممتع عشان ما يمل وحب يطلع معاي

بس اقول لج حبيبتي الوحده منا ساعات يحب يسمع كلمه حلوه تعبير يرد لها الروح اهو ابداااااا ياااااااااااااااابس

تدرين اني لما كلمته عن البنت الي طرش لها مسج وقلت له اني اعرف ارقامها وارقام زوجها حتى بيتهم وقال خاصه لما قال لي انه اهو الي كان مطرش لها المسج قال لي انه يحبني اشلون يحبني وطرش لوحده ماتربطه علاقه بها مسج يترجاها بأن ترد عليه ؟؟؟
قال لي يمكن اني اول ما ارتبط فيكي ذيك الايام ما كنت اعرفج زين وخاصه اني طالع من تجربه مع هذي البنت كنت بعدي معلق بس الحين وحلفلي انه يحبني اقول لي يمكن انا ما اقدر اعبر لك عن حبي او ما اجيد هذا الشي بس اتشوفيني اني مو مقصر معاش في شي قلت له بله بله انت مقصر في حنانك في تواجدك حولي ودي احط راسي على صدرك وقلبي مو مشغول في من انت اتفكر حتى كلمه احبش شكيت فيها عشت في هم والله يخيووو ما اجذب غليج كنت لما يلمسني اقول في نفسي افكر في من فيني والله فيها يقصد الكلمه الي هو قالها والله يقولها لها ........
تعرفين احنا البنات لما نتزوج انسان يكون هو اول حب في حياتناااااا وحرام ان ننصدم فيه واكون اول حب اول جرح في قلبنا


بس الحين حبيبتي ماقمت اهتم فيها بدام هي متزوجه مايقدر يوصل لهاااا واني موحابه اخرب بيتها وخاصه انهاااا متزوجه وعندهااا اولاد الله يسامحهاااااا وسامح زوجي بعد .... اني خاله بالي الحين في اني اخليه يمي اجذبه صوبي ابغيه يشتاق لي وهو بعيد يفكر فيني حتى لما اكون يمه وانشاء الله اقدر واحقق الهدف

اني ما انكر هذا المنتدى والروائع الي فيه شجعتني اني اطرح مشكلتي واحاول احلها مو استسلم لهااااااا حابه اغيره لكنه عنيد بعض الاحيان لما اكلمه في شي احس انه واعي وعشمني في احلااااام وقصور وايام اشوف طبعه احس اني راح اتعب اتعب معااااااه لكن كله يهون عشان ولدي وعشان قلبي ماراح استسلم ومثل ماقلتي انشاء الله الله معاااااااااي



واذا عندش اي نصائح اختي لا تترددي ترى كلامج فرحني


اختكم اريج الورد

السلام عليكم
انا صراحة اطلب نفس طلبش وهو شلون (((اجذبه صوبي ابغيه يشتاق لي وهو بعيد يفكر فيني حتى لما اكون يمه )))) وابي اعرف شلون اقدر احببه فيني لدرجة اني اكون شغله الشاغل يمكن شوي مشكلتي تختلف عنها في بعض التفاصيل بس نفسها خيانه من صوبه وهم من صوبي

والله كررررررررررررررررررررررررررررررررررررررررررررررررر رررررررررررريم
يا ريت تفيدونا اخواني وخواتي

ياأخوات .. عندي سؤال .. وجواب بعد
الله سبحانه دائما ينتصر لعبده إذا كان صادق مع ربه ...
أنتو لما أزواجكم يخونونكم .. وأبغى الصراحة .. تزعلون لأنكم انخدعتو.. والا لإن حرمة من حرمات الله عز وجل انتهكها هذا الزوج ؟
إذا كان غضبكم لأنفسكم فأنا أقول لكم راجعوا إيمانكم وعلاقتكم مع المولى سبحانه
العبد اللي يغضب لنفسه أكثر مما يغضب لربه .. لازم يوعظ وينبه بمثل هذه المواقف ...
الأخت هنوف ماقصرت في ( صلاة الليل )
يالله ياأخوات شدوا حيلكم .. قلوب أزواجكم بيد ربكم سبحانه
والله لو سويتوا المستحيل بدون مايقول أحكم الحاكمين سبحانه للشيء كن فيكون .. ماتنجحون
( لو أنفقت مافي الأرض جميعا ماألفت بين قلوبهم ولكن الله ألف بينهم )
القلوب بين أصبعين من أصابع الرحمن يقلبها كيف يشاء
الله الله بالدعاء في جنح الليل .. ومحاولة أداء حقه سبحانه وتعالى كاملا من صلاة .. وحجاب وطاعات
ووالله العظيم .. ماراح يخيب لكم فال