السلام عليكم ورحمة الله وبركاته

يااخوان عندي سؤالين
الحمدلله الله يسر ولقيت عائلة محترمه

المهم ولاودي اتفشل

اهلي شافو البنت وناستبهم وكل شي تمام
وكلمت ام البنت تقول خل الرجال يتقابلون

الحين حددنا معهم موعد السبت اني اروح انا والوالد

ولكن اي اعرف شي الحين اذا رحت لهم هي تكون الشوفة بهذا اليوم؟؟

والا لها موعد ثاني؟؟

والا نحدد مع ابوها لما نقابله؟

يعني وش العاده الي يصير

____________________


السؤال الثاني

لو جا وقت الشوفة ودخلو البنت علي
انا عارف ان علومي بتضيع وبتطلع مني كلجات ولاكلمة صحيحه
انا لاشفت عباية تمشي خقيت
مابالكم وحده بتقعد جنبي

الزبده

وش الكلام الي ينقال يوم الشوفه!!!
يعني اقولها وش تدرسين لاقدر الله!!
والا وشو؟؟

تكفون بحفظ نفسي لين اقول بس والله يخارجنا

دعواتكم :14:

السلام عليكم ورحمة الله وبركاته

هلا اخوي. اول شي مبروك... وتستاهل الخير ان شاءالله

. الصراحه انا بجاوبك على اللي اقدر عليه وان شاءالله تلقى احد من السعوديه بعد يجاوب عليك.. بأذن الله

اول جواب لسؤالك.. تقدر تشوف البنت عادي .. ( طبعا اذا كانوا اهل البنت موافقين تشوفها )

وانا اللي اعرفه انه عادي تقدر تشوفها او تكلمها دام اهلها موافقين على زواجكم ان شاءالله...

***

ثاني جواب لسؤالك:

الاسئله اللي مثلا تبا تسألها اياها تكون سطحيه مو شخصيه مثلا":


حابه تكملين دراستج بعد الزواج ولا لا..

مثلا شو تخصص دراستج ..

مثلا انا ما اباج اتسوقين سياره او مثلا مومشكلة سوقي سياره

او مثلا ماباج تشتغلين بعد الزواج او على كيفك انت على حسبك..

وهكذا ^_^

وبالتوفيق ان شاءالله

اختك: روح دبي...

__________________

أهم شئئئئ خلك مبتسم عشان تدخل قلبها ..

اول شي اخي مبروووووووك عليك

اجاوبك اول حاجه تعملها تتفق مع اهل البنت هل بامكانك ان تشوف البنت وهدا من حقك اخي الكريم

اما ايش بتقول اكيد الي رح تحفظه رح يروح بس المهم هدي اعصابك واثبت شخصيتك امامهم وابتسم وان شاء الله بيكون هناك قبول

والله يا خوي ما عندي فكره ولكن نصيحه خلك طبيعي وعلى سجيتك ولا تعطي لموضوع أكثر ما يستحق وأهم شئ الابتسامه
والله يوفقك
تحياتي

طبعا لن تراها في الزيارة الأولى .....
ثانيا ... عندما تراها عليك بالآتي
1ـ سمي على روحك
2ـ حاول أن تكون طبيعيا وتضبط أعصابك فهي امرأة وليست كائنا مريخيا
3ـ لاتختلس النظرات من تحت لتحت ...بل انظر إليها بشكل طبيعي ... وتأمل جيدا ولا لوم عليك فالرسول صلى الله عليه وسلم صعد النظر إلى المرأة التي جاءت لتعرض نفسها عليه
4 ـ اختلف مع العزيز روح دبي رغم احترامي له لاتسألها عن أشياء بعد الزواج .. تكملين دراسة .. ماأبغاك تسوقين ... إسأل أسئلة عامة : بس اجذر تقوللها من اللبخة : الاسم الكريم ؟
إسألها مثلا : لو طلع لك صوت ساعتها :/ تخصصك إيش ؟ ... عسى المناهج ماهي صعبة مرة .. شادة حيلك في الدراسة ؟
والله يوفقك

---
اخوي روح انت والوالد لبيتهم وتسولفون مع ابوها يمكن بعد ماتعجب ابوها خبرك الاب موب سهله يزوج بنته
واتوقع لو يكون بينكم وبين الابو اتصال بعدين بالنسبه للشوفه او هو ممكن يقول متى تبون الشوفه تصير؟
واذا الله كتب وشفتها بليييييييييز لاتقعد تسأل اسئله بايخه انا زوجي سألني وش تحبين من الالوان والحين يضحك على روحه كل ماتذكر
مافي داعي تسولف صدقني صوتها موب طالع حزتها من الرهبه
اهم شي اترك لها فرصه تشوفك ترى البنات يستحوون عطها فرصه ترفع راسها وتشوفك وانت تسولف مع ابوها مثلا لانه صدقني ماراح تحط عينها بعينك من الحياء
والله يوفقكم ياربي ويكتب اللي فيه خير وصالح

طبعا مستحيل راح يخلونك تشوفها الا في الزيارة الثانيه بعد ما يكونون فكره كامله عنك

اما بخصوص النظرة الشرعية انا رأيي من رأي فرح لا تسألها اي سؤال خلك طبيعي وتفحصها زين ههههههههههه وحاول انك تسولف مع ابوها علشان تعطيها فرصة تشوفك .

__________________

اخوي انتبه وتظبط زين ترى احتمال تكون الشوفه في هاليوم
خاصة اذا كانوا سائلين عنك

__________________
كلما عظم شأن الزوجة دل ذلك على نبل زوجها وعظيم خلقه