اخواني :
مشكلتي مع زوجتي هي حاطه فرأسها إني بخيل وكذاب ، ومادري من حاط هذه الصورة
فرأسها علمنا لنا متزوجين من تاريخ2\7\2005 ثلاثة اسابيع ، صراحة أنا كرهتها
والمشكله انها بنت عمي ، وعمي يدري عن الصورة اللى فرأسها ،واتعجب منها اذا زرنا
أحد من (عمتي وعمي واخوها واخواتها تتكلم معهم زي حلوه وامي واخواتي زي الحلوه)
بس إذا جلسنا لوحدنا تعال شوف الله لايبلانا ماتتكلم ولا حرف، وإذا تكلمت معها كلمه ورد غطها، أو دخلت غرفة النوم واقولها تعالِ انا ابتكلم معاكِ شويه تقول انا بنام

وأنا تعبت معاه صراحة، ادخل الغرفه الثانيه وافكر واقول في نفسي:
يمكن عمي زوجنيها غصب عنها أو انها ماتحبني أو مقصر معها بشيء، واسألها وهي
ماترد علىّ ، وافكر اوديها لبيت عمي هناك واتركها عنده
وإذا طلبت شيء لبيته لها لو كان غالى ،،،،،

وآسف إذا على الاطاله،،،،،

اخي الفاضل.....
هذي مو مشكله .....هذا الشيء يصير مع كل الازواج ببداية الزواج...و انت توك معرس جديد ما مداك تزهق و تكرهها و تفكر توديها لبيت اهلها...

عندي لك سؤال مهم...
كنت تكلمها فترة الخطوبه؟؟؟
1- اذا كان جوابك لأ...فهذا شيء طبيعي...البنت ما تعرفك...و يمكن سامعه عنك قبل الزواج اشاعات عن بخلك و كذبك...راح تكتشف هي مع الايام كل شيء و صدقني هي تدريجيا راح تتغير معاك للاحسن ...
2- اذا كان جوابك نعم.....فمن الطبيعي ان يكون كلامها قليل معاك...توكم معاريس و يمكن مستحيه منك....

صدقني موضوعك بسيط بس يبيله طولة بال شوي....عطها مهلة شهر و راح تشوف انكم تغيرتوا انتوا الاثنين.....
و الله ما ابالغ...ان لما تزوجت زوجي ما سمع صوتي اربعة ايام...نهائيا...والله كنت اهز راسي بس ..في حالة النعم و اللأ...اما اذا سألني سؤال يتطلب اجابة طويلة كنت اطنشه و ما ارد عليه من شدة حيائي و هو كان يموت من القهر و يعصب و يتهاوش يحسبني مو محترمته و يروح يشتكي لامه اني طرمه...حتى من الناحية الجنسيه كنت اتهرب منه بحجه ابي انام...الحين كل ما اتذكر هالمواقف اموت من الضحك.....لكن الحين تعال شوفني شطول لساني هههههههه

هو اللي يستحي مو انا....هههههههه

و الله يوفقك و يهنيك


دووووووووووووووووووووت

أخوي الساري

بعدكم في بداية الطريق ..ويمكن زوجتك بعدها ماوصلت لسن النضوج

إذا هي ماخذه عنك فكره سيئه حاول تثبت لها العكس بتصرفاتك الحسنه

واول شي لازم تتتاكد منها إذا هي تحبك ولالأ ..داخل مزاجها ولالأ إسئلها عن رايها بصراحه

وتكلم معها بمنتهى الصراحه ولكن بإسلوب لبق متفهم ..

ولازم انك تتأكد انها قابله فيك كزوج ...انت الوحيد اللي تقدر تقيم هالشي

لأن من اساسيات استمرار الزواج ونجاحه تقبل كلا الطرفين لشخصية الآخر

هذا كنقطه اولى .

وفي بداية الزواج قد يحدث تصادم عند الكثير من الأزواج لعدة اسباب اهمها ان الزواج

حاله جديده بالنسبه لهما والرجل قد يجهل شخصية المراه ولايعرف كيف يتعامل معها
وكذالك بالنسبه للمراه ..

فالطباع والشخصيه لكليهما شيء جديد بالنسبه لللآخر ..
وربما توجد بعض العيوب لايتقبلانها في البدايه ولكن مع الأحتكاك والعشره

يحدث التمازج المطلوب فيولد بعض التغييرات الجزئيه التي تؤدي إلى جعل الطرفان اكثر

توافقاً وإنسجاماً مع بعضهما البعض ..



اتمنى انك فهمت قصدي


مع تمنياتي لك بالتوفيق

dot - شاطيء الأمان

dot :
اشكركِ اختي على تجاوبك السرعي ، انا كنت اتكلم معاها في فترة الخطوبه ، وكان اسلوبها معي زي الحلوه
واشتشيرها في اثاث المنزل، ,اشياء اخري
اما بعد الزواج تعال ِ شوفي واهم شيء عندها البرستيج

اخوي شاطيء:
اشكرك اخوي الله يعطيك العافيه ، انا اتكلمت معاه وحلفت عل المصحف اني احبها,وهي عادي عندها ،
وانا الان مادري وش اعمل معها


وشكرا لكما،،،،،،،،،،

*

أخي الكريم


ما يحصل معاك شبه طبيعي

بداية أول زواج يحاول كل طرف إثبات رأيه

ولو بطريقة خاطئة

لذلك أنت ما زالت ببداية الطريق

بالمعاملة الحسنى

والخروج من المنزل

للنزهة أو العشاء خارجاُ

سيكون مفيداُ لكما

أتمنى لك كل السعادة ............ :14: :14:

.

اخى الغالي
انته تثبت العكس والحل بيدك
خير الكلام ما قل ودل حسسها العكس في كل تصرف فية شك انك كاذب وبخيل
بس يمكن زوجتك معتادة عليك وما تستحى منك ( الاحترام والتفاهم اساس العشرة )
تحياتي
ام شهد الحنونة

__________________
حـــــــــــــــــنــــــــــــــــــــــــــونـــ ــــــــــة
طـــــــــيـــــــــــــبـــــــــــــــــــــــــ ــــــــــة
ام الـــــــــــجمـــــــــــــــيع
ابي روح منــــــــــــــــــي

اسمحلي عزيزي بالمداخلة
بداية الزواج
اول شي فترة الخطوبة اذا كنت تكلمها تسولف معها على التلفون هذا ليس كافي لكي تعرف انسان او انسانة على حقيقته فكلا الطرفين سيفعل المستحيل لكي يثبت للاخر الجوانت الاجابية فقط
بعد الزوواج كل شي يظهر السلبي والاجابي .
والشي الاخر يمكن هي تفكر في اهلة امها ابواها خواتها اشتقات اليهم
عزيزي اصبر وحاول تكون انت الشخص المسيطر على الاوضاع في المنزل في كل شي وحاول تكون معها طيب وحنون وتغير من فكرها عنك انك بخيل وغيره وبعد فترة من الزواج بتحس بفرق كبير وتتحسن الامور بينكم
والله يوفقكم ويحفظكم ،،،


الشاااااااكي ناصر

قدم لها هديه تكون فخمه وغاليه علشان يثبت العكس ولا تحسسها انك قدمت الهديه علشان تقول لها انك منت بخيل وقبل ما تقدم الهديه ودها بيت اهلها من بدري وجهزلك انت وياها جو رمنسي في البيت ومو تسويها مره حاول انك تسوي جو رومنسي كل ما شفت علاقتكم فترت واخذا الافكار من المنتديا خلها تفاجأ وانصح ان الهديه تكون سلسال ذهب بتعليقه يكون فيها بيت شعر يبي الحب الي في قلبك لها

مرحبا أخوي
المعروف ان اصعب فترة في الزواج هي السنه الاولى --------------> فما بالك بالاسابيع الأولى
طول بالك وباذن الله مع العشرة كل شي بيتغير ،، بتعرف شخصيتك أكثر ،وانت بدورك حاول تقرب منها أكثر
بالنسبة لموضوع البخل ما تقدر تقول لها انا كريم ن لان هالشي مايجي بالكلام --------> قدم لها هداية مب شرط تكون غالية
مرة باقة ورد والمرة اللي بعدها عطورات خاصة انكم في بداية حياتكم الزوجية،،
اخوي اصبر علها وحاول تقرب منها بالكلام الحلو بالغزل الدلع ترى بنات حواء يعشقون الدلع
واتمنى اني اكون ساعدتك

الاخ الكريم

تحية طيبة ..

بصراحة انا مااشوف الي انت فيه شي طبيعي
الطبيعي ان الاسابيع الاولى من الزواج تكون عسسسسسسسسسل
والسنين الي تليها ايضاً عسل ..

انا معاك يمكن ابوها عضبها عليك
يمكن براسها شي
يمكن معاملتك معاها دفشه وفيها قسوة
هاي احتمالات لازم تتأكد من صحة كل احتمال
خذها عشها برع وسمعها بأسلوب لطيف مشاعرك اتجاهها بكل صراحة
وقول لها انا اباج شريكة حياتي طول العمر .. واشوفج يومي وغدي ومستقبلي
وانتظر متى عيالي يكونون من نسلنا ..ياخذوا من جمالج واوصافج
واذا انتي تشوفين شي ثاني .. ماتوبيني ترى نحن بأول الدرب ومثل مادخلنا بالمعروف نطلع بالمعروف
وقول لها التصرفات الي انت تشوفها فيها والي مب قادر تتحملها . وقول لها انا ما اباج تردين علي الحين
فكري وصارحيني .. وهذي فرصة لنا اما حياتنا تكون مثل ماهي الان غير مريحة
واما تكووون مثل العسسل والسعادة تغشانا
او كل واحد يروح بدربة وربج يكفينا شر باجر ..

شوف ردة فعلها واحكم بعقلك ..واتخذ القرار المناسب
والله يسوي الي فيه الخير
تحياتي لك