08-09-2005, 10:11 AM
درس خصوصي (دلع×دلع) للنساء فقــط
..وانا هنا بتجرأ واكتب عن وجهة نظر عندي ..وهي ان الدلع عمره ماكان كلام بس ولا حركات بس ... وعمر الانوثه ماكانت مجرد ملامح جماليه او شكل انيق بس ..واللي تبي تصير انثى ودلوعه لازم تكون كذا قلبا وقالبا..واقع وخيال ... احساس وتطبيق ..ورايي ان الانوثه والدلع قاعدتها الذهبيه هي الثقه بالنفس عشان كذا تعالي 
...احساسك نابع من شكلك في شي معقدك بقوه؟ طيب طول عمرك كان عندك هالاحساس بعدم الثقه 
؟ يمكن بسبب شي قديم او شي انبنت شخصيتك عليه ؟ معاملة اهلك مثلا ؟ او فمراهقتك احد عقدك فشي 
بشكلك او بصوتك او بحركاتك وكبر معك هالشي ؟ او دائما تتعرضين للانتقاد من صديقات او من قريبات او من اهلك نفسهم؟ ..طيب بما انك تزوجتي وزوجك هو محور حياتك ليش ماتقتنعين انه مرحله جديده وانه مايعرف عن ماضيك شي ولا عن معاملة اهلك القديمه شي ولا عن الاشياء اللي تنتقدين فيها فالمراهقه مثلا وتتعقدين منها ...ادري ان البنت دايم ثقتها تجي من امتداح الشكل ثم الاخلاق ثم الشخصيه والاسلوب فالتعامل ... وبنفس الوقت عارفه انه مو شي صحيح ان كل انسان يتقيم حسب شكله لكن هذا الواقع بالنسبه للبنات خصوصا ففترة المراهقه ... ومايخفى على احد ان فترة المراهقه هي من اهم الفترات اللي الواحد يكتسب فيها ثقته بنفسه 
وشكله ومن تقبل الناس له ..مضايقتك سمنتك وانتي صغيره وكبر هالاحساس معاك... ولا طفشك حب الشباب فوجهك وكرهتي الاجتماعات مع القرايب والصديقات والناس وانزويتي لحد ماكبرتي ونضج تفكيرك لكن مكبلتك هالمشاعر من اعماقك... ولا ماتذكرين اصلا ليش ماعندك ثقه فنفسك..اقولك متى اظن انه مايكون عندك ثقه فنفسك؟
نظرات العين تتغير 
.. مشاعرك تصحى وقلبك واحساسك ينفتح لهالحياه الجديده 
.. لاتكبلين نفسك بحيا الخوف ....لاتقولين مابيتقبلني .. لاتستحين تحاكينه ولاتستحين تضحكين له ضحكة قلب وضحكة سن ...انسي التجارب السيئه اللي تزعزع ثقتك... اللي قدامك صفحه بيضا اكتبي اللي تبينه مع زوجك... بس مو مكتوب فيه أي شي ينقصك قدام نفسك ولاي نزل من ثقتك ولايشوه صورتك الجديده .. انتي كامله قدامه بثقتك وبشخصيتك... خليه يقيبلك زي مانتي بطبيعتك.. وش الداعي انك تقولين له من خلال تصرفانك ان فلانه ماتقبلتك وفلانه ماتحب لبسك ولا خواتك قالوا عنك دبا ولا ينادونك السمرا ولا أي شي ليش ..ليش تعطينه صوره سيئه عن نفسك بنفسك حتى لو ماكان بكلام ... انفتحت لك صفحه جديده عيشيها ... ماكنتي تقدرين تتزينين؟ تستحين ؟ يطنزون عليك كل ماتزينتي؟ طيب الحين تقدرين تتزينين ولك كامل الحق تسوين اللي تحبين دامه مايخالف دينك... انتي معه وفبيتك..انسي اللي مر قبله .. حتى اللي يمر معه فحياتك بس من الناس مو منه انسيه ...عند عتبة بابك ارمي الانتقادات وارمي التحطيم وارمي كل شي وادخليله الانسانه اللي يحب ويبي .. خليك ذكيه وعيشي حياتك زي ماتبين .. والحين اذا عرفتي تلمين بقايا ثقتك ..انا بقولك انها ماتكفي لحالها عشان تدلعين لحبيبك وزوجك والبنت اصلا ايش من دون الانوثه والدلع والمشاعر والحنان والاخلاق ..بس هاذي لازم تجسدينها انتي بيدك عشان تعيشينها ...عشان ترسمين مايكفي تكون عندك الموهبه ؟
08-09-2005, 10:18 AM
08-09-2005, 10:20 AM
...وبرضو اذا كنتي تلبسين نظاره طبيه جا الوقت انك تشيلينها .. عندك ليزر وليزك واذا ماتبين او ظروفك ماتساعد سويلك عدسه طبيه وقضينا ولو ماتبين برضو تقدرين تظلين على نظاراتك بس تختارين موديل يناسب تقاطيع وجهك واطار حلو يناسب كل شي ممكن تلبسينه يعني مايكون مره شكله عملي مثل البرواز البني او الاسود العريض ولا يكون فيه فصوص او كريستال او تدرجات الوان زي اللي طالعه الحين وتطلع عيونك كنها فكرنفال لحالها ... ولو اخذتي الاثنين بتسوين معروف ... اما اذا وحده بس .. فانا لاحظت ان النظاره اللي بتدرجات الزيتي وتدرجات الكحلي وتدرجات العسلي وتكون بدون برواز ملون تجنن على الكل وتحلي أي وجه .. ... 
08-09-2005, 10:23 AM
.. وهاذي بجد مشكله عويصه ومافي حل الا دكتورة الجلديه ..وتمتنعين عن الاكل اللي يطلع لك الحبوب وتحاولين تخفينها بدون ماتخلينها تلتهب ..والحبوب كل ماكثرتي فوقها طبقات مكياج كل مازودت المأساه سواء من ناحيه صعوبه العلاج بعدين لانك تخلينها تتلوث ومنظرها يصير شين .. ..تلاقينه فمحلات وجوه (فيسزز) فجده موجود فسوق حراء وفاماكن كثير وفالرياض موجود وفالشرقيه برضو .. وعلى فكره حاليا هالماركه ماكله الجو بقوه عندها الوان كحل تجنن خصوصا الازرق التركواز سائل مائي تحطينه كحل او ظل يجنن وفي برضو كحل موف يجنن وناعم مره .. والوان الظل حقتهمومميزه .. وكريم الاساس ذا بصراحه بطيح فيه طيحه لانه يجنن وبعد اخذت لصديقتي نفس الاساس بس من درجات الالوان حقت السمر وطلع حلو ان شاء الله يعجب اللي تجربه ....نرجع للحبوب ...خلاص حطينا كريم الاساس واللي اتفقنا مايكون دهني ولا مايل للوردي عشان مايزيد المشكله ..وفي برضو كريم اساس من ماكس فاكتور يمدحونه الل يياخذ درجة لون البشره بكل جزء من الوجه للامانه ماجربته بس اتوقع يطلع حلو للوجه اللي فيه حبوب .. وخصوصا لما تكون كلها ثقه بنفسها ... عمرك لاتحطين كريم اساس او بودره فاتحه عشان مايصير لونك رمادي وعمر مكياجك مايضبط... اذا تبغين تفتحين لونك اختاري درجه لون افتح منك بدرجه وحده بس مو اكثر عشان ماتطلع رقبتك او يدك لما تقربينها لوجهك لون ثاااني وبعيد... كل ماكان الشكل طبيعي طلعتي احلى ...والسمرا كثير الوان تناسبها درجات الترابي والعنابي والذهبي والمشمشي والموف ودرجات معينه من الاحمر تطلع حلوه عليها اللي طلع فساقك وخايفه يلمس بالغلط كوعك الخشن ... ولا خايفه يلمس كف يدك ويلقاه متقطع وخشن سواء بسبب الغسيل والشغل او الاهمال ! اكيد مابيكون عندك ثقه انك تقعدين جنبه براحتك بس مو بعد انك تدلعين وهذا مو لان عندك مشاكل مستعصيه ولا قبيحه لأ.. لازم تعترفين انك عجازه وبس ... ومع الايام مع الميانه والتعود على الزوج واول مايروح الحيا .. بتصيرين ماتهتمين ان شاف ساقك بشعر ولا شاف شعرك منفوش ولا لمس جسمك وهو خشن ... ولاتقولين بطل يحبني زي اول او خلاص مل مني او الكلمه اللي دايم نقولها لانفسنا انك مهمها تزينتي بيمل منك خلاص وتبهتين بعينه... غريبه؟؟ ... لان ببساطه الزين محد يمل منه... لكن انتي تقنعين نفسك بهالشي بالقوه لحد ماتصدقينه... لكن اتحدى اذا كان زوجك يشوفك احلى بنظره بعد شهر اذا كنتي تتنزينين ثلاث مرات بالاسبوع ... ويشوف حلاك اقل اذا تزينتي سبع مرات فالاسبوع ؟؟ هذا التفكير بقمة الغباء ... ماراح يمل دام زينك كل يوم بلون وشكل وشعرك كل شهرين ثلاث بقصه ولون ....اسعدي نفسك واسعديه وخلي ثقتك بنفسك كبيره ... انوثتك مصدرها ثقتك بنفسك والمرأه بهالزمن ثقتها اولا تجي من جمالها او بمعنى اصح اهتمامها بنفسها ...
08-09-2005, 10:25 AM
؟ بسيطه ياستي 
ولا انعم يالعجازه ولا حتى البخ عجزانه عنه؟ .. تدهنينه على يدك او صدرك او رقبتك او وجهك او أي مكان تبغينه اول شي هو ماينمسح يعني اقصد مايبلل الملابس او لو تمسحينه بكلينكس مايبلل .. مو قادره اوصفه زين لان قوام الجل غريب وماتتشربه البشره بس يعطي نعومه ولمعه طبيعيه تجنن وكله كوم ولما تحطين فوقه شوي بودره لماعه لؤلؤيه او ذهبيه يطلع خياااااااااااااااااااالي اضمن لك تدمنين عليه ادمان وله استخدامات كثير 
08-09-2005, 10:28 AM
ومعجون وخيط تنظيف اسنان + فحم تفركين فيه الاسنان كل كم يوم يشيلك الطبقه المتراكمه على الاسنان من بقايا الاكل تمام ويبيضها او ملح وهيل يطيب فمك ويبيض اسنانك... هذا بشكل شبه يومي ... والحين لازم تسوين تبييض اسنان اذا اسنانك صفرا او متاثره بالشاي والقهوه او لو كنتي لاسمح الله لاسمح الله ربي مبتليك فالتدخين .. واول كان غالي بس الحين الاعلانات ماليه الجرايد عن عروض تنظيف الاسنان وتبييضها من 50 ريال وانتي طالعه ل400 واكثر واكثر حسب اللي يناسب ميزانيتك..
وتطلع لولو زي اللي مسوية اصاله نصري بيااض ناصح واسنان تلمع وابتسامه حلوه .. بس ماعندي فكره عن اسعاره اللي تنحط على واحد من الاسنان الاماميه .. وطالعه حلوه على كثير بنات ممكن تحطينها من باب التغيرر والاحلى تكون صغيره ... سعر ها مع التركيب عند دكتور الاسنان ب400 واذا ماتبين ممكن تشترينها من محلات التجميل العاديه ب20 او 30 ريال تلصقينها وتشيلينها وقت ماتبين وتحلي لك فمك خصوصا اذا اسنانك حلوه
08-09-2005, 10:29 AM
08-09-2005, 10:32 AM
؟ ..وان تكرمتي لبستي بودي ولا بلوزه من اللي كرفتيهم لبس برا او شكلهم طلع مو مره مع جنز قديم ولا أي شي ومشي حالك وغالبا حافيه ولا شبشب من تزوجتي ماغيرتيه ليه؟ طيب ليش الاكسسوار بس برا البيت طيب اقنعيني ؟ يعني بتفقدين توازنك لو لبستي حلق كل يوم؟ ولا يعني اصبعك بيطلع من مكانه اذا لبستي خاتم ناعم .. ولا بتختنقين اذا لبستي سلسله لو بدون تعليقه ؟ او خلينا نتجاوز ونقول مو جذاب ... طيب ليش ممنوع لونه يصير فاتح وحلو ويفتح النفس طيب القميص الواسع اللي مكبر سنك ومزود حجمك ومخفي ملامح جسمك وماظن بتجرأين على حركة دلع وحده وانتي لابسته؟ وتفرس على قولة المصريين ..
08-09-2005, 10:35 AM
والفلم العلاتي ساعه ساعتين وتكلمين صديقتك ربع ساعه ونص ساعه واكثر وتتصفحين مجله خمس دقايق عشر دقايق كل يوم موزعه تهتمين بنفسك؟ مستخسره فنفسك انك تستقطعين من الفلوس اللي تروح بالهبل على الماركه الفلانيه ومحل الفساتين العلانيه بس ميتين ريال كل شهر تجيب لك اربع خمس غيارات للبيت كل شهر .. ومع التعود بتصيرين يوم تلبسين فستان طلعه نعوم عندك فصريه ويوم تملين حتى من البجامه الحلوه وتلبسين لك تنوره ناعمه وبلوزه من اللي تكشخين فيها لصديقاتك؟ ليش ماتنسين شي اسمه قمصان وحوسه فالبيت؟ المكان اللي يعلقون فيه القمصان فالمحلات لاتفكرين تمرين عليه وان اشتقتي لشي واسع .. مري اليشمك او افخم محل وخوذي لك اكشخ واطلق جلابيه باحلى الوان وحطي ذاك المكياج السنع ودهن العود و افردي الشعر الحلو وادعيلي هههههه بس قميص لايطري لك تجيبينه
08-09-2005, 03:36 PM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
