بسم الله الرحمن الرحيم
سأطرح لكم مشكلتي وكلي امل ان اجد الحل عندكم
تزوجت من 3 سنوات طبعا اول سنه تعارف لاني تزوجت بعد الملكة ب3اسابيع فقط فكانت السنه الاولى اصعب سنه كلها مشاكل وسهر واوامر من زوجي صبرت وقلت بكرة يتعدل طبعا ماعرفت شي اسمه شهر العسل كلها اسبوع وهذا الاسبوع من المطار للفندق ورجعنا ثاني اسبوع طبعا سافر وقال عندي دورة بجنوب افريقيا(ما ادري ليه الى الان ماني مصدقته لانه لاجاب ورق يثبت ولا تكلم عن ايش اخذوا بالدورة هذي)
المهم اول اجازة بعد الزواج كانت بالحج ووعدني اننا بنسافر لكن اخوانه تركوا عيالهم وراح يحجون مع حريمهم طبعا مافي احد يقعد مع امه غيري انا وهوه ومرت الاجازة (طبعا امه مرة طيبه بس عيبها ماتحب تطلع تتمشى مع انها ماشاء الله عليها صحتها تمام وانا اموووت من قعدة البيت )
ومرت الاجازة بسلام
ثاني سنه خفت المشاكل شويه وبديت اجاري زوجي بالاشياء الي يحبها حتى السواليف قلبتها فوق تحت صرت اتكلم بالمشاريع والاسهم مع اني ماني فهيمه بها لكن صرت اقراء عنها اكثر وكله عشان زوجي
ثالث سنه حملت بولدي وبصراحه الي اعرفة ان الرجال يكون مررة فرحان بالحمل الاول لدرجه انه مايخلي زوجته تسوي حاجه بالبيت وتكون طلباتها اوامر طبعا الي صار3 شهور الوحم كنت عند اهلى لاني كنت كارهه بيتي وزوجي بس المشكلة انه كان يتفنن في نرفزتي ما ادري ليش ولما اعصب يقوم يضحك طيب ياابن الناس انت ماتعرف ان نفسية الام تاثر على نفسية الولد لكن لاحياة لمن تنادي
لما دخل وقت الجد وصرت بالشهر السابع كنت مرة تعبانه وطبعا شغل البيت عليه وهوه فين وفين لما يشيل صحن او شي ثقيل بالبيت طلبته شغاله (مع ان راتبه يحمل)ولايفوتكم انه وعدني انه يجيب لي وانتظرت ولاحس ولاخبر مع ان اهله واخوته كلهم بشغالاتهم وولدت وراح جاب لي شغاله من المكتب تجلس معي بس فترة الاربعين ويردها
سكتت وتحملت البيت والولد والسهر والرضاعه والرجال
هذا كله كوووووووووووم والمشكلة الحقيقيه كوم
طبعا اول الزواج قالي شروطه الي هيه مافيه صديقات مافي نادي صحي (لانه يعرف اني انا وامي مشتركين بالنادي) ومافي مصروف شهري واذا تبغين تطلعين اما نزور اهلي او اهلك او اخواتي بس ؟؟؟؟
المشكلة انه يدفع كل 5 شهور 20ريال تدرون لايش يدفعها لشخص يشحنها من الانترنت (طبعا ارخص له ) لايش ؟؟ للقنوات الاباحية هذا غير الجوال الي كله صور والايميلات المليانه من الجروبات الي انتشرت الحين عساها ترجع على الي مسوينها بالايدز
تكلمت وتكلمت الين تعبت حاول الطيب والابتسامه حاولت بالمشاكل لكن مافيه فايدة
مع اني اصغر منه ب15 سنه والله العظيم اني ماقد عيرته بفرق السن الي بيننا بالعكس احاول اني ما احسسه
هذا غير اني ما احب الروتين كل فترة اجيب له هديه واغير بشكلي واسلوبي وببيتي حاولت اصرف نظره حتى اني صرت اسوي شي ما يسونه المتزوجات الا بعد فترة طويله على الزواج كل هذا عشان اصرف نظرة
جاب لي صور قديمه من سفراته السابقة ايام عزوبيته ولا راعى شعوري لانه متصور مع عاهرات اجنبيات
تزوج قبلي(تزوج مرتين اجنبيات) مرتين ولاتكلم الا ثاني يوم من الزواج
جاب لي عقود زواجاته السابقة
وكل هذا وانا كاتمه بقلبي واتصبر انا مالي حكم على ماضيه ولكن ماتخاف ان الاشياء هذي تغير مكانك بقلي ماتدري ان الي تسويه مايجوز؟
قبل فترة اخذت منه وعد انه يبطل كل شي محرم لكن مثل وعوده السابقه طارت بالهواء فلقيته شحن كارت جديد للقنوات الاوروبيه ومسجل شريط فيديو وناسيه بالفيديو طبعا انا شلته الاسبوع الي فات امي دخلت المستشفى وسوت عملية فانا واختي جالسين بالغرفة وقاعد احكي لاختي سالفة وهي تضحك المهم زوجي سمعها وعلى باله انها انا الي اضحك المهم امي طلعت والحمد لله بالسلامه وانا كنت على السرير ارضع ولدي دخلوها علينا بسرعه مامداني البس الغطا فرميت شيلتي على وجهي مع انها والله العظيم ساترة وجهي وكان زوج اختي واقف لكنه تقي ويعرف ربه ومارفع عينه وربي يشهد على كلامي طبعا زوجي شافني وكانه شاف عزرائيل في الوقت نفسه جانا خبر وفاة ولد خالتي والله يعلم كيف تالمنا من الخبر هذا لانه تقريبا اخونا متربيين سوا
طلعنا من المستشفى وساكت طول الطريق ولا كلمة حاول اعرف وش فيه ماتكلم ثاني يوم جيت اناقشه قال ضحكك ملا المستشفى وطالعه بوجهك قدام الرجال انا بصراحه كنت مهارة من خبر الوفاه وقمت ابكي احلف له انها اختي وما صدق من الزعل طلعت له شريط الفيديو ونبشنا نفس الموضوع القنوات والصور والجوال تدرون وش قال ؟؟ انا حر مالك شغل فيني
والحين صار له 10 ايام مايكلمني وينام بالمجلس
اكرف بالبيت واسهر مع الولد هذا غير زيارات اهله وماحسستهم بشي بالعكس اضحك واسولف وعادي
يقوم والفطور جاهز ويرجع من العمل واحضر الغدا ويقول ما ابغى غدا وينام الين المغرب ويطلع مايرجع الى الساعه 2 او 3
اسالكم بالله العظيم هذا انسان ؟؟
انا مانكر انه كريم ببيته وكريم على ولده وعليه لكن اني اشوفك يازوجي تطالع غيريواضحك لك لاني احبك اقولك لاتشوف لاني احبك اغار عليك لاني احبك الى الان ساكته على كل هذا طيب انا مالي خاطر عندك ؟؟ فكر في ولدك واجلس ادعي له ان ربي يهديه ويجعله من ائمة المساجد وحفظة القرآن الكريم ؟
ارجو منكم الرد بكل صراحه لاني تعبت من هذه الحياه
اختكم في الله

هناك امور كان يجب ان تحتسب قبلا ولكن لاداعي لذكرها الآن اختي الكريمه ولكن عليك بالتمسك بما هو باقي وهو الاكثر والاهم بأيمانك بالله اولا وبتمسكك بزوجك سواء لحبك له أو لارتباطك به لأجل ابنك واتمنى ان يكون لأجل الاثنين معا سيكون بمقدورك اختصار الطريق اكثر وتدليل الصعوبات ولكن عليك بالصبر سرا وعلانيه والدعاء فلا يرد القضاء إلا الدعاء نعم يحتاج زوجك جرعه من الايمان والتقرب اليه اكثر ومعرفة ذاته اكثر وتعريفه بك اكثر بالين والفكاهه والحزم والشده حينا اخرى بالروحانيه والترغيب ...
اختي لا اعلم كيف يمكنني ان اساعدك ولكن هذا ما املكه وعسى ان اكون قد افدتك

__________________
وكــم للــــــــه مــن لطــف خفــي ***** يـــدق خفــــاه عـــن فهــم الــذكــــــــــي

اقتباس:

وبديت اجاري زوجي بالاشياء الي يحبها حتى السواليف قلبتها فوق تحت صرت اتكلم بالمشاريع والاسهم مع اني ماني فهيمه بها لكن صرت اقراء عنها اكثر وكله عشان زوجي

بصراحة اللي شجعني على الرد هذا السطر ...
بالفعل تصرف رااااااااائع .. وأستشف من ذلك أنك ممكن تعملي الحلول اللي حنقولها لكي ولو كانت صعبة ...


أختي الكريمة ..
حاولي تفرقي بين حياتك الزوجية وأداء الحقوق الزوجية والأدب الزوجي ... وبين المعاصي المبتلى بها الزوج ...

تذكري ان الرجل لا يحب أحد يواجهه بعيوبه أو يعاقبه ( ليربيه ) فهو يرى مناقشتك له وزعلك بسبب الأفلام إنما هو أسلوب تربوي له ... لذا قلت لك فرقي بين الحياة الزوجية والمعاصي ..

ثم في تعاملك مع عيوبه .. اجعلي دافعك لتعديله من باب حب الخير له وأنه إنسان عاصي وأنتي تريدين إنقاذه ... لا تجعلي التعديل من باب الغيرة .. ( الغيرة قاتله ) أليس كذلك ..

وأما مشكلة المستشفى والضحك والكشف .. فوضحي له وبهدوء .. لأنه غيرة الرجل تعمييييييييييييييييه وقد لا يصدق مرة ومرتين لكن أكدي له بأكثر من أسلوب ..

ولا تنسي أن تكثري الدعاء له ... فالزوج أحق من ننقذه من غضب الله لا سمح الله ....


أخوكم / ساي

__________________

أنك إذا لم ترضى سوى بالأفضل فسوف تحصل عليه - بإذن الله -

بسم الله الرحمن الرحيم
الله يا اختي يفرج لك همك ويهدي لك زوجك ويصلحه لك
المشكله يا اختي أن الوضاع تغيرت وصار الفساد وطلبه سهل وفي متناول اليد من قبل الرجال والنساء .
أما بخصوص مشكلتك فواضح من وصفك أن زوجك مزاجي ومتغير ويزعل ويعصب بسرعه الله يعينك عليه واصبري إذا ليس من شأنك فمن شأن ولدك .
وإذا حبيتي ترتاحين ركزي على ما يميز زوجك وحاولي تتجاهلين عيوبه ، وبعدين ذكرتي أن زوجك يعدك بالصلاح ويخلف الوعد وهذا الشئ يحسب لصالحه وليس ضده لأنه يفكر في الصلاح وسياتي يوم وينصلح حاله إن شاء الله تعالى .
ولكن صارحيه أنه مقصر ولكن ليس كل يوم ولكن أختاري وقت مناسب لذلك يكون فيه رايق ويتقبل الكلام .
أخيرا الله يعينك عليه ولو سألتي اي زوجه عندها مشاكل ولكن بدرجات مختلفه .

ابو اختاروالنسا يادنيا سايكاتريست
لكم كل الشكر على المرور لكن نسيت ان اضيف ان زوجي محافظ على صلاته وهو يصلي الفج في المسجد ولله الحمد
وانا الان احول ان الفت نظرة الي الاذكار مع انه محافظ عليها لكن الذكرى تنفع المؤمنين يعني احط على محفظته ورقة الاذكار اخلي المصحف في مكان بارز حتى يشوفة ويقراه
لكن انا اريد وانت تريد والله يفعل مايريد

__________________

عزيزتى
بصراحه ودى اخفف عنج شوى.....راح اقول لج انج وايد حساسه واضح انج صغيره بالسن وماعندج
خلفيه عن الحياة الزوجيه....شوفى حبوبتى طالما ان الزوج مايمد ايده ولا يحتقر زوجته فهذا شى طيب اما الباقى شوى شوى نحله.... بالنسبه للقنوات الاباحيه انتى عليج النصيحه اذا مافاد فذنبه على جنبه هو اللى يتحملل الاثام والذنوب.... لكن لايشوفها وانتى جاسه معاه .... بالنسبه للخدامه شوى شوى مع كثرة المطالب راح يجيب خدامه خاصه اذا ماقدر يحصل على الاشياء اللى يبيها من نظافة البيت اوالملابس....الخ
طالما ان والدته حبوبه خلج معاها .....صدقينى تالى بروحه راح يتغير راح يعرف معدنج وطيبج وانج صبرتى عليه... بالنسبه للطلعات موشرط اهم شى اهلج ....دايما مدحيه واثني عليه وشكريه على اي شى حتى لو شي بسيط .....صدقينى حبوبه زوجك من النوع اللى يبين فيه الطيب وشوية صبر منج .... حاولى تخففين عن نفسج وتتكلمين مع احد قريب لج اما امج او ام زوجكاو وحده من خواتج فقط للتخفيف عما فى داخلك والله يوفقك.

صدى اصيله

الله يكون بعونك

انا ما ادري ليش الرجال تعاملهم معانا زفت والله نتعب ونشقى ولا نطلب شئ فوق طاقتهم وبرضى مش عاجب
الله يعينى واياك اختي وياما في البيوت مشاكل بس الواحد ساكت عشان العيال اللي ما لهم ذنب ..

الله يفرج همك