ما أدري ش و اقووول لاني متضايقة جدا يوم الخميس الماضي عقد قراني علي ولد عمي ما كان في بينا علاقة سابقة وشفته وشافني في يوم الملكة فقط

وأخذ طبعا رقمي بعد الملكة من أخته ... بصراحه كنت ارجو ان يتصل بس أهو ما أتصل

المهم ثاني يوم اتصلت اخته وقالت لي نريد ان نزوركم وهو طبعا جاء مع اخواته وجلست معاه في المجلس لوحدنا وسولفنا شوووي .. الصراحة مو شوووي الا اربع ساعات ..قالي فيها كل شيء عن حياته .. وعقب سار بيتهم

ثاني يوم ما اتصل بس ارسل مسج الصبح يقول صباح الخير

ثالث يوم ما اتصل بس ارسل مسج بعد يصبح فيه

وشكله ما بيتصل بيقضي الملكة تصبيح

سألت أخته شو قالها عني قالت لي اهو واايد مستانس ويوم جلس معي مبين انه مستانس


بس من يوم سار ما عبرني بتليفوووون حتى

لا تقولون عني ملقوووفه لان صديقاتي وخواتي يقولون لي كل ساعه ها شو اخبار الرجل كم مرة في اليوم يتصل

استحي اقولهم انه ما اتصل ولا مرة

شوووووووووووو أسوووووووووي أنا الحين



أعتبر نفسي ما ملكت وأنساه وأعيش حياتي والا كيف اتصرف
ـــــــــــــــــــــــــــــــــــــــــــ

تنبيه اداري : يرجى الكتابة باللغة العربية الفصحى والا سيتعرض الموضوع الى الحذف وشكرا

انتي تقولين انه مستانس مره
طيب ليش كل هذي الضجه لا تخافين موشرط انه اذا ماكلمك تتضايقين الموضوع ابسط من ماتتوقعين
اذا ماكلمك اليوم يمكن الي بعده اصبري شوي وردي عليه برسايل غرام
مع الايام راح يكلمك

حبيبتي، يمكن الرجال مستحي لأنه مش بس البنات يستحون، ترا حتى الرجاجيل..
انزين ليش انتي ما تبدي بالخطوة الأولى وتتصلي اذا لهاذي الدرجة متظايقه؟

عاااااااااااااااااااااااادي!
جدا والله عادي!

بس انت لسه خبرتك في الحياة...

والله زوجي وش سوى فيني في البداية بس اشوف حبه بيطلع من عيونه بس تعبير مافيه!

وكنت اتضايق مرة مرة...

بس احسن الف مرة من اللي يكلم ويدز رسايل كل يوم والثاني وهو مو مرتاح!
مو صح!

اذا الحمد لله انه مرتاح ومبسوط بس بعض الرجال في البداية يصيرون يا ثقيل! يا مستحي..

وراح تملين منه بس صبري شوي!

طيب معليش انت حاولت تردين على رسائله برسالة..
وتصير بنفس مستوى رسالته يعني مو جفسة لا خليك عادية ولكامك رومانسي بس تردين عليه هذا يحسسه بالامان شوي يمكن يتجرأ شوي..

ممكن هاليومين تخلينها كأنها للعيد وتحطين كلام حلو بس عن العيد!! يعني تراني ما أقصد شيء!
وشوي شوي راح تتعودون على بعض!

الله يوفقك ويسعدك ويهنيك يارب
ألف مبروك مقدما

اهم شى النيه وانه يعزك ولك مكانه عنده واذا بعث رساله كانه اتصل ما الفرق؟ فانت بكلا الحالتين بباله والايام جايه بتتزوجون وبتشبعين من الكلام معاه
والف مبروك
لكن عيبنا نحن النساء اننا ندع الغير تحدد طبيعه علاقتنا مع الشريك
فالنساء فيها حشريه فمسائل اتصالاتكم الخاصه امر بينكم وان سئلتك النسوه ردى رد لا توضحين فيه غضبك
ولا تعطينهم الاجابه التى يريدون راوغى بهذا حتى لو تبدل الوضع واصبح يهاتفك مرات عده لا تخبريهم
فالحسد مذكور بالقران كما انها صفه ذميمه الحشريه بين اموركم

كلام اختي منى صحيح اسمعي نصيحتها

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

كلام اخوي نايت صح .. اسمعي نصيحتها

حبيبتي
لا تكدري خاطرك
هو ارسلك مسج يصبح عليكِ لانك في باله من يوم ماأصبح
وانتِ ما أعطيتيه وجه يعني ما ارسلتي له مسج
(هو يقول في نفسه امكن لو تبغاني اكلمها ترسلي مسج
لكن الظاهر مكتفيه بالمسجات)
انا اقولك فاجئيه وارسلي له مسج قولي فيه احبك واذا كنت تعرفي
متى ينام اعطيه رنتين وهو نايم علشان لمن يقوم يندم انه نام ويختبص
ويفكر ايش يعمل
وقولي لي النتيجه!

أريج الزهر

اختي راح اقولك شي بادري انتي بهالخطوه حسسيه انه شوي مقصر بالاتصالات بالمسجات
ارسلي انتي بين الحين ولااخر بس مو دايما عشان ما يمل
ارسلي له مثلا وهو بالشغل وحشتني * او انتظرك على الغداء في بيتنا لانك وااايد وحشتني ÷ انت معزوم على الغدا بالمطعم ومن هالحركات

صدقيني بتلاقيين تجاوب

وقولي اختك ما قالت

الله يسعدك ولا تضايقين روحك
تحياتي

__________________

اختي الكريمة بحر الاحزان
اول شي الف الف الف مبروك على عقد القران و الله يتمم لك على خير
ثانيا انا برأيي انك تاخذي برأي الاخوات اريج الزهر و احبك حبيبي احنا بالنسبه لنا ( البنات ) نحب الخطيب يكلمنا كل دقيقة علشان نحس بمحبتهم و اهتمامهم . علشان كذا انصحك بانك تبادريه بالاتصال برنه وحده و صدقيني ما راح يصدق و راح يتصل على طول و راح تملي من كثرة الاتصالات . او اذا وحده من خواته قريبه لك و بينك و بينها ميانه خليها تحثه على الاتصال بدون علمه انك انت الي طلبتي منها.


و الله يسعدك و يهنيك و نسمع منك اخبار حلوه

__________________