السلام عليكم جميعا......
عندي سؤال وياريت احد يكون عده تجربه بالموضوع ويعطيني رأيه
المتعارف عليه انه البنت ممكن تنغصب على الزواج......لكن بالفتره الأخيره حتى الشاب ينغصب على الزواج من بنت عمه مثلا
او قريبته بأمر من الأهل من غير مراعاة لمشاعره...او حتى مشاعر البنت اللي بيتزوجها لأن مجرد احساسه انه مغصوب عليها ممكن يوّلد بنفسه كره لها
واللي امرّ من كذا لما يرفض الولد الزواج بهذي الطريقه ...وتكون ردة فعل الأهل...(إذا ماراح تتزوج البنت اللي اخترناها...لاانت ولدي ولا اعرفك انا بتبرأ منك)..او (مالك مكان بيننا)..
من غير مايتركون مجال للتفاهم.......يعني عقلية متحجره
شنو ردة فعلك لو صار لك هذا الموقف.......وانتي يالبنت ترضين تتزوجين واحد لو عرفتي انه مغصوب على الزواج منك....؟

انا بالنسبه لي كل شيء ممكن يجي بالغصب.....إلا الزواج بالرضى والتفاهم بين الطرفين....

لو احد مر بهذي التجربه.....ابي اعرف كيف تصرّف وقتها.....
خضع للأهل ورغبتهم...؟ ولا رفض وقاوم؟؟ وبنفس الوقت خسر اهله ورضاهم عليه...
ولو خضع لرغبة اهله......كيف حياته بعد الزواج مرتاح؟؟
ولا وصل للطلاق بعد فتره؟؟

Mad Vision

اولا مستحيييييييييييييل ارتبط بأنسان مغصوب علي بالله عليك كيف بدي اعيش مع انسان مو رايدني
تانيا انا كمان مستحيل اسمح لاهلي يغصبوني اتزوج واحد ما بدي اياه والحمد لله انه اهلي مش من نوع الاهالي المتعصبين
بس لو صار لي هيك اكيد بقاوم وبعمل العجايب .. وكل شي بيجي بالخناق الا الزواج ما بيجي الا بالاتفاق ..

__________________

	اللهم اجمعني بمن احب في الدنيا والاخرة .. وارزقني منه الذرية الصالحة.. امين ..امين .. امين

مشكلة والله..

عسى ربي يرزقك بالزوجة الصالحة التي تقر بها عينك ..

__________________
أحب جبالك يالجنوب وأحبك لأنك أنتي الجنوب

لا لا لا لا لا لا لا ومليوووووووووووووون لا

اخوي انتبه توافق على شيء انت مغصوب عليه بالله عليك وش ذنب البنت تظلمها وكذلك وش ذنبك انك تظلم نفسك

حاول عن طريق احد خواتك انك تكلم البنت لعل وعسى قلوبكم تجتمع واذا شفتوا انكم ما ارتحتوا لبعض قلها انها ترفضك اذا طلبتها

واذا كان مالها كلمه انت بنفسك الي ارفض وقل قدام عمك وابوك ومع الزمن راح يرضون للواقع

شف اخوي انا مشكلتي نفس مشلكته تقريباً بس فيها اختلاف

انا كنت طالب الزواج لكن الوالده الله يهديها رافضه مو عشاني إلى الأن مو موظف لا لأنها تبيني اخذ بنت اختها وكذلك اختها وابو البنت يعني العايله كلها حتى قسماً بالله انهم ينادوني بالنسيب والبنت تسمع بعد ومن زود الطين بله خطبني اخوها الكبير لي بنفسه وجلس معي كذا جلسه لكن يوم كبرت وعرفت اني في أي وقت راح اتوظف احتمال يلزقونها فيني وانا ما اشوفها إلا مثل خواتي صرت اقول خلوا الكلام هذا عنكم البنت اذا جاها نصيبها زوجوها وفي الفتره الأخيره صرت اقول انا ماني متزوج الا موظفه وقدام الكل عشان ما اصدم احد اذا بغيت اتزوج
انصحك اخوي لا توافك إلا وانت مقتنع هذا زواج وعشرته عمر مو لعبه
واسف على الإطاله

__________________
دعواتكم لي بالتوفيق

مشكورين جميعا على ردودكم...
بس بغيت اوضح شغله بسيطه.......
انا بنت وهذي ماهي مشكلتي طبعا...مشكلة واحد قريبي...
وانا طبعا رافضه الطريقه اللي اهله يتعاملون فيها معاه...
أكيد فيها ظلم له وللبنت اللي اهله اغصبوه عليها...وهو في وضع مايقدر يرفض بعد كلام والده انه ممكن يتبرأ منه...

الزوااااج ما يجي بالغصب


خلة يرفض ويرفض ويرفض

صراحة هلي مو من النوع اللي يغصبون اشوى


لو أنا منة أحارب حتى اثبت وجودي لايستسلم تروح علية

__________________
سكنتي روح أحبابج وصرتي القلب وضي العين..
وكثر ماأعشق ترابج كتبت بدمي البحرين

يا أخي انت رجل .. ما في أحد بالدنيا يقدر يغصبك على الزواج ..
فهم أهلك ان زواجك من وحدة ما تحبها نهايته الطلاق و المشاكل ..
اذا تفهموا أهلاً و سهلاً ..
أما اذا رفضوا فتزوج اللي تبيها (مع التدقيق في الاختيار) و مصيرهم يرضون بالآخر باذن الله

تمنياتي لك بالتوفيق

__________________

صقر العروبة ... حبيب الشعب ..
ابو متعب سكن القلب