السلام عليكم ...

هاذي اول مشاركه لي ف هالمنتدى ... بس كنت دايما ازور هالمنتدى وايلس بالساعات اقرا مواضيعكم الحلوه وانفذ نصايحكم ... والحمد لله كلها فادتني ... واول ماصارت مشكلتي مافكرت الا ف المنتدى ...

الله يسلمكم انا ملكت من شهرين وكان ريلي في بدايه الملكه وااااااااااايد متعلق فيه كان يخلي كل شي عشاني وعودني انه يكون لي حتى لو كان مشغول يخلي شغله عشاني ويوم كنت انشغل عنه يعصب ويزعل وويباني اكون فاضتله اربع وعشرين ساعه طبعا هذا كله ف التيلفون ...

انا طبعي احب الهدوء ماحب اتكلم وايد واحب كلامي يكون مختصر واذا صارت من بينا مشكله اتم ساكته عشان ماكبر الموضوع ... وكان وايد ينقهر من هالاسلوب وصارت مشاكل واااااااااااايد عشان اتكلم ...

والحين لما اتكلم ماحس انه يسمعني يتجاهل كلامي ... حتى لما اساله انته وين ساير يقولي انتي مايخصج وبعدين يقولي كنت امزح معاج او كنت معصب ... احس اني مب قادره افهمه ... يقولي انتي مقصره معاي ... وانا كل اللي اقدر اسويه له سويته حتى دراستي ماقمت اهتم فيها ....

اذا رقدت وما كلمته يقول انتي رقدتي واذا تميت واعيه مايرد البيت الين الصبح طبعا هذا في رمضان ... انا ماعرف منوه الغلطان ولا شو الموضوع .. احس انه مب واضح معااااي او ماعرف شو يبا ...

يزعل واذا كان مزاجه اوكي يرضى واذا كان مزاجه متعكر يكبر الموضوع ... طبعه غريب ... واذا خليته وماكلمته فتره عشان يهدا يقولي انتي ماتحسين ومب مهتمه وانتي مقصره انا ماعرف شو اسوي احاول ارضيه بس احس انه مايباني .. ولما اقوله عن صديقاتي وشو يسون في ريايلهم يقول الحمد لله انه عطان وحده مثلج ...

اليوم صارتلي مشكله وقالي انا بريحج مني وانتي تعاندين مع اني مااعاند ... مرات اندم اني فكرت في الزواج ..

مع العلم انه اكبر مني ب8 سنوات المفروض حركات اليهال انا اسويها مش هو ... ماعرف كيف اتعامل معاه او شو اسوي له

كيف اتقرب منه ...

الله يخليكم ردوا علي ...

اختي لا تلومين الرجال

صدقيني الواحد اذا تملك يصير يضيع يعني وده كل لحظته زوجته تكون معه

افكاره تشتت

لكن عندي لك فكره ليش انتي ما تحاولين تتدلعين عليه مثل ما اهو يدلع عليكي يعني يعني خليك مثل مزاجه

لكن كل هذا بأسلوب مو بشد وحزم يعني المسأله كلها دلع في دلع وإن شاء الله راح يرجع لصوابه

بس مثل ماقلت لك لا تلومين الرجال اكيد الحنيه عنده ما قدر يمسكها

__________________
دعواتكم لي بالتوفيق

__________________

بسم الله الرحمن الرحيم



نصيحتي لكِ أن تشــعري زوجكِ في كلِ مــرةٍ أنك مشتاقـة له وأنكِ تترقبين منـه إمّا مكالمه أو رسـاله جوال ، أو زياره خاطفـه .. تحدثي معــه بكل رومنسيــه وتواضــع ولا تشعريه وقت غضبـه أنكِ غاضبــه .. حاولي عندما يغضب أن تغيري مجـرى الحديث لذكريات جميلــه ، قولي لـه (كنت افكر فيك) (اشتقت لك) (حتى لو زعلت احبك) مرري عليه الكثير من الكلمات التي يلين معها قلب الرجـــل .. إياكِ إيـاكِ أن تفكري في الندم على الزواج .


قلب رجل حزين