ملف كامل عن البشرة(1) - منتدى عالم الأسرة والمجتمع

24-11-2005, 12:47 AM

princees

من كبار شخصيات المنتدى

تاريخ التسجيل: Mar 2005

المشاركات: 2,815

ملف كامل عن البشرة(1)

بقدم لكم أول حلقات الملف المتكامل للبشرة وتابعونى لأن الملف بتاعنى مليان مشاكل البشرة المختلفة وحلول ليها.. وكمان ماسكات ووصفات وكل اللي تحتاجوه..

وبنبدأ المرة دي بأنواع البشرة ومزايا وعيوب كل نوع..

أنواع البشرة

فيه 5 أنواع رئيسية للبشرة العادية والدهنية والجافة والمختلطة والحساسة وكل نوع فيهم له مزايا وله عيوب ونبدأ بتعريف الأنواع المختلفة.

البشرة العادية

البشرة العادية ناعمة الملمس، خالية من الحبوب والدهون والبقع، صافية ملساء رقيقة، وهي أفضل أنواع البشرات، لأنها بشرة متوازنة.

البشرة الدهنية

دي بقى بتبقى لامعة وبتتميز بمسامها الواسعة اللي بتفرز دهون كتير، خاصة على الأنف وعند الدقن، ده بالإضافة للبثور الصغيرة اللي بتحتوي على رءوس بيضا وسودا كمان

البشرة الجافة

البشرة الجافة بتكون خشنة ومشدودة والمسام بتاعتها بتبقى ضيقة جدا وبيبان عليها خطوط الجفاف وتظهر في بعض الأحيان قشور بيضا بسبب الجفاف وده لأنها خالية من الدهون

البشرة المختلطة

جافة ودهنية في آن واحد، جافة عند الخدين ودهنية عند الجبهة والدقن وجانبي الأنف، والنوع ده من أكتر أنواع البشرة انتشارا.

البشرة الحساسة

ودي بتكون فيها عروق حمراء، وبتظهر على أنها بشرة صافية لكنها أكتر نوع من أنواع البشرة بيتأثر بالعوامل الخارجية. وتقلبات الجو يعني فجأة تلاقيها فيها حبوب واحمرار ومرة صافية وجميلة ونضرة

ودلوقتي بعد ما عرفنا الأنواع بصورة عامة هنقدم لك طريقة سهلة لمعرفة نوع بشرتك.

اختبار البشرة

فيه مجموعة من الاختبارات لمعرفة نوع البشرة وانا اخترلك منهم اختبارين مهمين. ما عليكِ إنتِ غير إنك تعملي الأنسب لك منهم....
اختبار المناديل

اغسلي وشك ونشفيه كويس وسيبيه لمدة ساعة وبعدين حطي عليه مناديل ورق واضغطيها على وشك وراقبي اللي هيحصل، المناطق اللي هتلزق عليها المناديل وتلاقي عليها دهون وكمان تلاقي المنديل بقى شفاف؛ هي دي المناطق الدهنية من البشرة. لو مابتشربش أي دهون فده معناه إن بشرتك جافة. ولو لزق بمنطقة الجبين والأنف والدقن فبشرتك تبقى من النوع المختلط.

اختبار بودرة التلك

زي الاختبار الأولاني تقريبا بس هو أسرع شوية في الوقت. اللي عليكِ إنك تغسلي وشك كويس وتنشفيه كويس جدا جدا وبعدين تجيبي بودرة تلك وتحطيها على وشك وتسيبيها 1/4 ساعة وبعدين تقفي قدام مروحة هتلاقي مناطق فضل عليها بودرة التلك هي دي المناطق الدهنية من البشرة. ولو مافضلش حاجة من البودرة على وشك فده معناه إن بشرتك جافة. ولو فضلت بس بمنطقة الجبين والأنف والدقن فبشرتك تبقى من النوع المختلط.

مزايا وعيوب كل بشرة

لازم تعرفي إن لكل بشرة مزاياها وعيوبها ومفيش بشرة وحشة على طول ولازم تنتبهي برضه إن مافيش بشرة حلوة على طول يعني ممكن الدهنية بشوية اعتناء تتحول لمختلطة والعادية بإهمالك ليها تتحول لبشرة دهنية.

البشرة الدهنية

يعني مثلا البشرة الدهنية مش محتاجة خالص لأي مرطبات لأنها أصلا بتعاني من زيادة إفراز الدهون، يدوبك بتحتاج لتونيك قابض للبشرة وممكن يتحضر من الحاجات الطبيعية.

البشرة الجافة

البشرة الجافة بتبقى عادة بشرة صافية لأنها مابتخزنش أي نوع من أنواع الدهون لكن مشكلتها في القشف والجفاف.

البشرة العادية

الحقيقة هي بشرة مثالية لكن المشكلة إن لو أهملتيها بسهولة ممكن تتحول لجافة أو دهنية.

البشرة الحساسة

للأسف هي عيوبها كتير يعني الاحمرار والحبوب وكده لكن برضه الميزة فيها إنها ممكن تتحسن وتبقى عادية مع الاعتناء الجيد بيها.

البشرة المختلطة

ميزتها إنها بسهولة ممكن تتحول للبشرة العادية، وده في نفس الوقت عيبها لأنها ممكن بنفس السهولة تتحول للبشرة الدهنية.

نصائح عامة للبشرة

ابعدي خالص عن التدخين والأماكن اللي بيتواجد فيها المدخنين.

ابعدي عن التعرض المباشر لأشعة الشمس خاصة في الفترة من 11-3 ظهرا.

لازم تستخدمي المستحضرات المناسبة لنوع بشرتك سواء كريمات أو ماكياج أو أي حاجة تانية حتى المناديل المخصصة للبشرة.

ده كان عددنا المرة دي واستنونى المرة الجاية مع بقية الملف اللي هقدم فيه ماسكات لجميع أنواع البشرة.

منقول

__________________

التعديل الأخير تم بواسطة princees ; 24-11-2005 الساعة 12:50 AM

24-11-2005, 01:04 AM

Caramela77

عضو جديد

تاريخ التسجيل: Nov 2005

المشاركات: 43

شكرا على موضوعك..
في انتظار بقيه الملف

24-11-2005, 01:23 AM

سنترافيش

قلم مبدع

تاريخ التسجيل: Aug 2005

المشاركات: 467

موضوع مهم جداً
شكراً لك يا أختي الرائعة المتألقة دائماً
تحياتي لكِ و منتظرة باقي الموضوع لا تتأخري علينا

__________________

لا تنسي ذكر الله
سبحان الله و بحمده سبحان الله العظيم

24-11-2005, 01:47 AM

احلى غرام

قلب المنتدى النابض

تاريخ التسجيل: Aug 2005

المشاركات: 1,979

مشكوره يا عمري

في انتظار باقي ملفك والى الامام دائمااااااا,,

جزاكِ الله الف خير

__________________

24-11-2005, 03:50 AM

همسـ

عضو المنتدى الفخري

تاريخ التسجيل: May 2004

المشاركات: 8,902

روعه ،، روعه ،، روعه

الف شكر لهذا الطرح

وبإنتظار القادم

__________________

•(≈• سُبْحَانَڪِِ اللَّهُمَّ وَبِحَمْدِڪِِ.أَشْهَدُأَن ْلاَإِلَهَ إِلاَّأَنْتَ.أَسْتَغْفِرُڪِِ وَأَتُو بُ إِلَيْڪِِ •≈)•

24-11-2005, 09:35 AM

remah samra

عضو نشيط

تاريخ التسجيل: May 2005

المشاركات: 112

موضوع رائع واعجبني كثيرا

بانتظار بقية الملف

لازم نصير اجمل :14: :14: :14:

يعطيكي العافية.

24-11-2005, 12:15 PM

jimy

عضو نشيط

تاريخ التسجيل: Nov 2005

المشاركات: 133

يا سلام .. هيدا الكلام ..
ننتظر باقي الملف على أحر من الجمر ..
إن شاء الله يكونوا ماسكات طبيعية..
و تسلمي..!!

24-11-2005, 12:25 PM

صغيرونه متزوجه

عضو دائم

تاريخ التسجيل: Oct 2005

المشاركات: 67

تسلم ايدك ياعسوووووووووووووووووله علة الكلام الجميل...

وننتظر البقيه على نااااااااااااار

وانا من الحين جهزت القلم والورقه عشااان اسجل الخلطات اللي في الجزء الجاااااي

ههههههههههههه

....................صغيرووووونه متزووووجه....................

25-11-2005, 03:11 PM

shorooog

عضو متألق

تاريخ التسجيل: Mar 2004

المشاركات: 395

رائــع أختي

__________________

استغفر الله الذي لا اله إلا هو الحي القيوم وأتوب إليه

25-11-2005, 09:59 PM

#10

b6o6a

عضو نشيط

تاريخ التسجيل: Nov 2005

المشاركات: 197

يعطيج العافية

__________________

الحب الأول

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه