سكوتي أتعبني..!! تساعدوني؟؟
السلام عليكم ورحمة الله وبركاته
صراحه ما تعودت احكي واشكي لموضوعي مع خطيبتي الا في هذا المنتدى لأن أحس وانا فيها براحه نفسيه و عن نفسي أنا استفتدت كثيرا من المنتدى في التعامل مع خطيبتي...
أنا عندي مشكله أعاني منها فترة طوييله انو انا دائماً ساكت ولا أحكي كثير مع أهلي و مع اصحابي وهو اني ما أعبِر عن شعوري لحبهم او لأي شي ثاني ولما أعبِر عن شي ولو شوي يستغربون و يتفاجئون ويحسون انه شي غريب ومرره يفرحون.
والحين انا مع خطيبتي نفس الشي ومن يومين فتحت معاي سالفه انو انا ما عمري مسكتها وجلَستها جمبي وحكيتها عن اللي بقلبي واللي أحس فيه (مع العلم أقولها كلمات الحب والاشتياق) وهي على قولتها انها مرره تحبني وتبي يكون الشي اللي بيننا أكبر وتبي تفهمني أكثر من انو اجلَسها جمبي واحكي معها باللي في خاطري (انا اريد هذا الشي بأن نكون قراب أكثر واحكيلها وتحكيلي باللي في نفسنا بس ما أقدر يطلع مني شي) مع العلم والحمدالله انا واثق من نفسي كثيراً ولا أستحي منها أبداً وأهلي يعتمدون علي بأشياء كثيره وهي عارفه هذا الشي ودايم تقوللي انت ما تحكيلي باللي في خاطرك ابي اعتمد عليك في كل شي ابيك أقرب ابيك انت اللي تبدأ بالحكي لأن ما اعرف انا احكي قبلك لازم انت تبدأ و أجي أقولها أيش تبيني أقول ما أعرف ساعديني ولو شوي تقولي مو أنا اللي أعلمك ابيك تحكي أي شي بخاطرك. يا جماعه والله تعبت ما عرفت كيف امسكها واحكي معها واقولها بالي فخاطري لأني ما أعرف ايش أقول بالعلم اني مره أحبها ولمَا فاتحتني بالموضوع انا كتمت وحزنت لأن ما ابي هذا الشي يصير بيننا وكنت ساكت طول الوقت ما عرفت ايش اقول وقامت تقوللي ابيك أقوى من كذا ابيك انت اللي تتحكم بالموضوع. بس انا ايش بيديني لما ما اعرف أحكي وأعبرلها؟؟؟ مع العلم لما اشوفها المره الجايه اتفقنا على انو نحكي طول الوقت بهذا الموضوع.
وانا ما أقدر افضفض ولا أشكي الا لكم من جد انا أبيكم تساعدوني وتريحوني من الحاله اللي انا فيها لأني من جد خايف اني اخسرها أوتبرد العلاقه اللي بيننا
25-11-2005, 01:28 PM
ضوابط المشاركة
العرض الشجري