بسم الله الرحمن الرحيم

باية احب اشكركم جميعا على التفاعل الواضح في كل المواضيع الا مواضيعي ....... اتمنى هالمره

ماتستهينون بموضوعي رجاءا


الموضوع طويـــــــــــل بحاول اختصره


انا متزوجة صار لي سنة وخمس شهور من اول شهر من زواجي شكيت انه زوجي يكلم بنات المهم مرت الايام وشكي طلع

في محله وانا احترق سكت عن الموضوع لفترة لاني موعارفة ايش اسوي من هول الصدمة صدقوني واول ماشفت اسم

بنت مخزن بجواله (عنده جوالين وهذا الجوال دايما فالسيارة)على طول كلمته لانه في دليل ماكنت بس ابي اتكلم من غير

دليل المهم عصب وقالي انه رقم بنت خالته

وانا ابصم بالعشرة انها مش بنت خالته لانها عايشه في بلد ثاني والرقم كان من نفس البلد الي (انا) عايشه فيه المهم

سبحان الله وقت ماصارحته وسالته من هذي ورد علي بانها بنت خالته صدقوني انتبهت للرقم لكن شي منعني من

الكلام يمكن رحمه من الله عشان مايشتد الخلاف اكثر المهم مرت الايام والشك يزداد يوما بعد يوم


سكت عن السالفه يابلفيت اني اقتنعت انها بنت خالته



جات فتره خلال حملي وقبل ولادتي بفترة بسيطه شفت مسجات في جواله اللي دايما معاه في الغرفه مطرشها لوحده

وبالاسم سكت ولما ربيت وانا في فترة النفاس كان يجيني في بيت اهلي وشفت كل شوي توصله مسجات المهم طبعا

هنا انفجرت وسويت له سالفه اللي قهرني حسيت انه استغل الوقت الي انا تعبانه فيه وقالي انه هذولا بنات كلهم

صديقات اخوه اللي اصغر منه ( مع العلم ان اخوه كان وارث مال وانصرف كله ومايدري وين راح فهو عرف ان اخوه

صرفهم على بنات الحرام ويبي زوجي يتعرف عليهم ويوصل للحقيقه لان اخوه ينكر هذا الشي ) لانه حلف وقسم انا

صدقته


انا على بالي فتره وتعدي طلع زوجي انه للحين علاقته مع هالبنات سالته عنهم ومازلت علاقه مع هالبنات فقلت له انه

انه مو هذا الحل لمشكلة اخوه ولايعالج الخطأ بخطأ اكبر منه واعتذر لي وقالي امري باللي تبينه قلت له تقطع علاقتك

فيهم والجوال الثاني تبيعه تكسره اهم شي مااشوفه


طبعا اللحين جواله اللي في الغرفه سوا له رمز حماية والجوال الثاني ماباعه لانه قال ماجاب له شي يعني لو باعه هو

خسران وبيعطيه امه بس مش اللحين وانا حاسه انه في شي


ومره وانا اتعبث بالكمبيوتر حصلت محادثه عاديه بينه وبين وحده بس الكلام اللي بينهم عادي بس بعد حراااام


واللي بيطير عقلي انه ملتزم ملتحي يصلي ولله الحمد اذا مش فالمسجد فالبيت واغلب الوقت عندي فالبيت (بيتوتي)

سفراته قليله بس يتكرر البلد يدرس ويشتغل يعني وقته مزدحم يحب الاطفال ويساعد بتربيتهم وممكن ينظف للبيبي

ويشربه وياكله ويساعدني في امور البيت


ومع العلم اني اصغر منه ب7 او 8 سنين بس عاقله ولله الحمد شاطره بدراستي بس عنيدة وكرامتي فوق كل شي بس

مااحب احرج احد عشان كذا اسكت عن اشياء كثيره


اتمنى انكم تقرون مشكلتي وتردون علي والله اكتب ودمعاتي على خدي واذا في اي سؤال مستعدة للرد

الله يعينك اختي العزيزة ويصبرك

اختي مبين على زوجك انه يحبك ..........ويحبك كثير ...........والسبب شوفي اشلون يساعدك في البيت

وبتربية ابنك ...........وماحد يسوي هالشغلات من الرجال ............كبر وغطرسة

اختي صدقي زوجك فيما يقول .....واغمريه حبا واحتراما وكلمات حنونة رحيمة وكوني رفيقة به

احتوي زوجك اشبعيه عاطفة ...........اشبعيه في الفراش ...........اسألي عن احواله

شاركيه همومه وافراحة حزنه وابتساماته ..........كوني معه دائما اتصلي تطمني عليه اذا خرج

امزحي معاه ..........اجعلي بيتك جنة وناسة مرح .............

الله يوفقك اختي ..............ارجوا ان اكون قد فهمتك ونصحتك بما ينفعك

وتذكري دائما الدعاء لك ولزوجك وولدك بالهداية والصلاح والحب بينكم واكثري من الدعاء

وادعي لي معاكم ............اختك / دفء الحياة .

__________________

دوخي راسه بالفراش

وبالكلام العذب

خليك خفيفة الظل والدم

صيري مثل البزر اللي تلعب بين ايدينه

وراجعي الرابط اللي في التوقيع ان شاءالله ينفعك

__________________
[blink][blink][/blink][/blink]

زوجك فيه صفات رااااائعه....

والحمدلله انه وقته مزدحم مثل ما قلتي......

وايضا.....الحمدلله انه شاريك....يعني كل ما زعلتي ولا صارحتيه اعتذر و تاسف.....بعض الرجال يزيدون غضب اذا عرفوا ان زوجاتهم يشكون فيهم او كشفوا علاقاتهم.....

انا اشوف ان هالامور هاذي كلها مجرد نزوات......يعني زوجك.....يبي يلعب فقط لاغير.......بتقولين حراااام......ادري انه حراااام.....

وهني يجي دورك......فوق ازدحام وقت زوجك.....لازم انتي بعد تزيدين من هالازدحام....

انتي تقولين ان زوجك يدرس و يشتغل و....و......و........وكل هالاشياء مو شاغلته.......يمكن انتي تشوفين انها كثيره.....بس هو مو هامه و لا شاغله باله.......لازم انتي تشغلين وقته و ما تعطينه وقت يحك راسه.......اشغليه بابنك اشغليه فيك......ومدام هو بيتوتي.....يعين الكره مازالت بايدك....






دوووووت

__________________

اختي الكريمه
الله يصبرج على مشكلتج ....لكن هالمشكله تواجه كثير من الزوجات...صدقينى اختي وايد رجال عندهم علاقات مع غير زوجاتهم...لكن مع الايام والمسؤليه والعشره خلاص تلاقين الزوج يبتعد عن هالعلاقات لان موفاضى ولان حصل على الاستقرار والدفء العاطفي ومثل ماقالت لج الاخت امى دوخى راسه بالفراش تراها نقطة ضعف عند كل الرجال....واهتمى بنفسج اكثر...دلع ...لبس ....معامله حلوه...كل يوم مفاجئه حلوه خلى حياتكم ورديه.... وانسى انج شفتي اي شى بجواله او بالكمبيوتر او باى مكان... طالما ان فيه صفات زينه...لاتتركينه صيده سهله لاى وحده تنطر الدور حافظى عليه والله يوفقج.



صدى اصيله

يعطيكم العافيه على اهتمامكم بالموضوع


برد عليكم كلكم مرة وحده لان ارائكم متقاربة لو على قولتكم اني حاول اشغل وقته طول الوقت وانا معاه فالبيت زياراتي لصديقات

شبه معدومه وكل طلعاتي معاه او مع خواتي وزياراتي لبيت اهلي وانا طبعي مرحه جدا بس زعوووله يعني اللعوزه واجننه كني

بيبي ودايما اخذ الحركات الحلوه من منتدانا الرائع واطبق اللي ينفع مع شخصية زوجي يعني مهتمه فيه يعني مره اطلع مع هلي

واجيب له معاي وردة او اروح للسوق مع هلي واجيب له بجامة حلوة احاول اللعب معاه بعض اللعاب الاطفال


اما فالفراش فهو مبدع ولله الحمد وانا كذلك لكن بحياتي مالمحت له اني ابيه يعني عادة هو اللي يبدأ يعني ولامره قلتها بصريح

العبارة يعني اتعدل واترتب واكشخ بس مااطلب واعتقد هذا كفايه يمكن يرجع السبب لشي واحد وهو انه مرات يقعد يقلددني كيف

بالجماع ويطنز بمزح على بعض الحركات هناك ............. وهذا الشي يحرجني يمكن يشوفه عادي بس انا لهذا السبب

اتحاشى البدء


نرجع لموضوعنا الاهم هل افاتحه بالموضوع واني تعبت من علاقاتك المحرمه واختار ياانا ياهم ؟ طبعا من باب الصراامه مع العلم كما

ذكرت اني كلمته يمكن 3 مرات كما ذكرت والا احاول انسى او بالاصح اتناسى الموضوع واعيش عادي

انصحك لا تكلمينه ..........ولا كانه في شيء

بس كثري الشغل عليه كوني معاه قد ماتقدرين عوديه يحبك ويخلص لك

الله يوفقك .

__________________

لاتكلمينه ولاتبينين له شى
خلى شغلج سكاتى لايحس بشى ...خليه دايما يتكتم ويحرص على انج ماتدرين...وانتى بصبرج والمعامله الحلوه والكلام المعسول ان شاء الله راح يتغير بس شوى صبر.

صدى اصيله

أعانك الله أختي

أما رأيي
فهو يختلف عنما ذهب إليه الجميــع

أرى أن تفتحي الموضوع مع زوجك
وتكون جلسة مصارحة
وتقولين مهما كان
هذا الشي الي تسويه حرام
ويجرحني ويبعدني عنك
وإذا لي خاطر عندك أبيك تحلف لي بالله أنك ما ترجع لهم وإلا رجعني لبيت أهلي وخلك معاهم

خاطبيه بإنكسار لا بمبدأ أنك ترجين أن يطلب منك الرحمة
حاولي أن تكلميه ودموعك تسبقك بأنك تحبينه ولا ترضين ولو للحظة أن ترينه مع امرأة أخرى

وإذا عاهدك وحلف لك أن لا يعود فأطوي هذه الصفحة وأرسليها لأرشيف النسيان ولا تلتفتي إليها في أي لحظة ولا تأتي بأي طاري لها
فقــط حذريه إن تأكد لك أي شيئ مرة أخرى فلن تراني في بيتك مرة أخرى

الأهــــم .. إذا رأيتيه منفعلا فكوني هادئه .. دعيه يتكلم بكل ماعنده .. ردي عليه بهدوء ( لتعلم أني ما سويت كذا ألا لأني أحبك ومابيك لغيري )


أخــشـــــى إن طبقتي ما ذكرن الأخوات السابقات من تركك له وكأنك لم تري شيئا أن يتمادى ويظن أنه في أمان
وسيفلت من يديّك وتزود علاقاته معهن


يبقى الأهــــم
أنصحيه بتقوى الله
قولي له ( هل ترضى أن أكلم أنا رجال ؟ حتما سيقول لا .. قولي له وأيضا لا يرضيني ماتفعل )

ذكريه بهذه القصه القديمــة والمشهورة المتعددة الروايات وسأصوغها على روايتي:
(( أن عائلة ذهب ابنهم لطلب العلم في بلاد بعيدة عن أهله وكان في ذلك الزمان أن الساقي ( وهو ساقي الماء ) يطرق الباب كل صباح ليسقي الماء في كل بيوت الحارة وهذا الساقي يأتي بشكل يومي في يوم من الأيام طرق الباب الساقي وسقى لهم الماء ولما أراد الخروج إذا بابنتهم على الباب فأصابها بقبلة .. رآه الأب ولم يقل شيئا
بعد أن رجع ابنه من السفر أخذ يقص على أبيه ماصار وماكان ومادرس وماتعلم ومارأى
قال له الأب أصدقني القول : بقي شي لم تذكره لي
قال الابن : نعم يا أبي أصبت لامرأة في سوق قبلة
قال الأب كلمة ذهبت مثلا (( قبلة بقبلة ولو زدت لزاد السقى )) .. ))


كان الله في عونك
وأصلح لك حال زوجك
ورده إليك كما تحلمين
ورزقك الله عطفه وحنانه وأبعد الله عنكما الشر وأهله



أخووووك
الغيور

__________________
(( ربي أشرح لي صدري ويسر لي أمري ))

انا مع راي الاخ .....................الغيور....................... ............................
قال لك كل الي ودي اقوله اسمعي كلامه وتوكلي على الله
ونصيحه من مجرب قبل ما تفاتحينه ادعي الله في اخر الليل ان الله يلين قلبه لك ويهديه