السلام عليكم جميعا وبصراحه اشكركم على هالمنتدى الرهيب ..
انا مخطوبة من من خمسة اشهر واحنا عادتنا مانكلم بعض الا بعد الملكة..
وملكتي خلاص باقي لها اسبوعين بس انا خايفه واايد لاني مااعرفه مع انه الكل يمدح فيه ويحبه وحتى انا اموووت فيه بس ماني عارفه طباعه ولا اعرف اش يحب واش مايحب يعني اول مره بسولف معه يوم الملكة وانا ماادري اش اقول او كيف اتصرف معه لان والله شي واايد صعب تتزوج وانت ماتعرف الشخص اللي انت بتكمل حياتك معه ..
بايش تنصحوني وانا لسى صغيرة كمان عمري 17 وعمره 26 وهذا كمان مخوفني مع اني استخرت اكثر من مره وحسيت نفسي مرتاحه وايد لكن انا مو عارفه شعوره لكن انا كمان لما شفته في الشوفة الشرعيه عجبني وارتح له بس ماني عارفه ياليت تنصحوني ..
ودمتم سالمين ..

شمـــــ((الحب))ـــــــوخ

شموووووووووووووووووووووووووووووووووووووووووووووووو وووووووووووووووووووخ الف الف الف مبارك يا رب والله يسعدكم ويوفقكم والسر في الحياه الزوجيه ان الانسان يكون على طبيعته لا تتصنعين شي ابدا

اساليه عن شغله الاكل اللي يحبه والالوان اللي يحبها وعن طموحاته وكيف مخطط لمستقبله وعن مواقف مضحكه مرت عليك وعليه بس بدون استهبال وخفة عقل خليكي واقعيه ولا تبنين احلام في الهوا ولما تتزوجين تنصدمين في الوقع وتتاثر نفسيتك بعدين امدحي شكله اذا اسعفك حيائك قولي ما توقعتك بهالوسامه بس ماشاء الله عليك...وحاولي انك ما تنفرين من شي لازم تستوعبين الادمي ولا تعلقين على شي بشكل سلبي دايما تعودي انك ما تجرحين اللي قدامك واموووووووووووووووووووووووووور كثيره واتوقع ان قسم المقبلين عللى الزواج حيفيدك باللي تبين.....دعواتي لك وللجميع بالتوفيق.....

بداية عسى الله يهنيج ويسعدج:14: أختي شموخ المحبة وبصراحة أيام الملجة من أحلى الأيام اللي ماتنسي تقدرين تسألين أخته إذا ترفينها عن الأشياء اللي يحبها ويكرهها وخلي كل شي طبيعي لأن أساسا اهو اللي راح يبتدي السوالف

__________________
*كالشموس أشرقي*باحتضان الأفق*يافتاةزانها*دينها بالخلق*أنت ومض في عيون*للورى فائتلقي*

مشكووووووووورين اخواني على ردودكم المفيده والصادقة

__________________
!!شمــــــــــــ((الحب))ــــــــــــوخ!!

(( دلــــــوعـــــــة عــــدولـــــهــــا))

الف الف مبرووووووووووووووووووووووووك

خليج على طبيعتج معاه .. و اهو بيدري انج مستحيه ( خجلانه) منه .. فاهو اللي بيبدي بالكلام .. بس لاتتعودين على هالشغله انه اهو اللي يتكلم دايما واهو اللي يسال و انتي بس تجاوبين .. لان جربت هالشي و عصب و قال لي اول مره اشوف بنت ساكته بس انا اللي اتكلم انا اللي ابدي بالحوار وانا اللي ادق :s فبعدها قلت احاول اتعدل شوي و ابدي اسولف و ممم الحمد الله احسن من قبل بشوي

و نصيحه اذا قال لج كلام حلو .. مثلا ( انتي الوحيده اللي احس اني مرتاح معاها ) .. لا تقولين له الوحيده !! ليش منو كان قبلي ومن هالسوالف .. داااايما خليج حليوه و رقيقه و صوتج واطي .. حتى اذا عصبتي الله لا يقوله .. عصبي بهدووووء بقولج يعني معصبه الحين قوليله اي بس من غير ماتنطقينها يعني وانتي مسكره حلجج .. اهو راح يضحك و يراضيج ..


و اول مكالمه حاولي تكونين هاااديه .. واقعيه .. خجوله و متكلمه بنفس الوقت ..

بس انا وااايد طولتها .. والله يوفقج ان شاء الله .. و عزمينا عالعرس ان شاء الله لا تنسين ( اتغشمر )

مشكورة وايد حبيبتي على النصيحه ..
الله يكون في عوني على اول مكالمة ماادري اش بسوي ...

__________________
!!شمــــــــــــ((الحب))ــــــــــــوخ!!

(( دلــــــوعـــــــة عــــدولـــــهــــا))

طيب يوم الملكة لما يكون معي اش اقول له والله لاضيع في فستاني ؟

__________________
!!شمــــــــــــ((الحب))ــــــــــــوخ!!

(( دلــــــوعـــــــة عــــدولـــــهــــا))

والله العظيم ذكرتيني نفس الأسئله بالظبطططططططططططط اللي كنت افكر فيها قبل ملكتي بيوم لكن الحمدلله كل شي صار طبيعي السوالف تيي بروحها

بس تبين نصيحتي؟؟؟؟؟؟؟؟؟؟؟؟؟؟
استمتعي بيوم الملكه من الصبح لأنه يوم مميزززززززززززززززززز وجمييييييييييييييييييييييييييييييل وراح يكون له ذكرى بقلبك ان شاءالله على خير

اقول يا شموخ بلا كثرة هرج
كلنا قلنا كذا بالبدايه ويوم الملكه اذا بدا هو بالسوالف رح تستحين باول الكلمات وبعدين رح تمونين على طوول وفجأة بتلاقين الساعه ثلاث الفجر وانتم ماخلصتو سوالف
ورح تتذكرين كلامي