وصفات سهلة - منتدى عالم الأسرة والمجتمع

11-02-2006, 04:28 AM

ريم2006

عضو مميز ومثالي

تاريخ التسجيل: Jan 2006

المشاركات: 1,764

وصفات سهلة

اختكم بالله يعني انا
الله يهديني ماعرف اطبخ وتزوجت وانا ماعرف غير الشاهي
والان كملت سنه وللحين ناكل من المطعم
والا من بيت اهلي
بصراحه تعبت من اكل المطاعم وزوجي يعصب علي وانا ما الووومه وامي ماقصرت جاتني اول ماتزوجت وعلمتني الطبخ بس يوم طبخت واول مرة اطبخ بدل مايفرحني يوم شبع قالي وبكل بساطه طبخ شغلات اهلي احسن من طبخك
انا تحمطت عقبها وقلت ماراح اطبخ وشغله ثانيه لما اطبخ كل اغراض المطبخ تتوسخ
ياريت تساعدوني كيف ارتب مطبخي لما اخلص من الطبخ
وكيف اقدر اصلح حلويات بسيطه وسهله وبنفس الوقت ابي اعرف كيف اصلح كبسه طعمها حلووو
تكفوووووووووووون الله يخليكم زوجي يعتبر الزوجه المثاليه هي اللي تطبخ جميع الاكلات وانا ولاشي صفر بالطبخ
ابي اتعلم قبل لاتنتهي حياتي

11-02-2006, 04:55 AM

نورالحجاز

عضو جديد

تاريخ التسجيل: Sep 2004

المشاركات: 16

هلا وغلا باختي الحبيبه....والله قلبي معاك..

.
.
.

مستغربه ليش الخوات هنا ماردو عليك ...8 اللي قرو الموضوع الله يهديهم؟؟؟

المهم...

ياااارب تقرين ردي....

اذا حصل وتغديتو جاهز وبقي من الدجاج شي كثير....لا ترمينه حطي الدجاج بكيس وحطيه بثلاجه...عشان العشاء...وبقولك كيف...

لما تبين تسوينة بنفس اليوم طبعا...تاخذين الدجاجه وتغسلينها وتنزعينها من العظم...وقطعيها طوليها مثل الشرائح .. طوااال...وخليها على جنب...وجيب نص بصله وسط...وقطعيها شرائح طوليه...وجيبي الصينيه..وحطي شويه زيت...والين يحمى.... حطي البصل ..والين يتحمر شوي...حطي عليه ربع حبه مرقه دجاج ماجي...( حسب الرغبه) ...وبعدين حطي الدجاج الي قطعتيه عليه....وخليه على ناااار جدا هاديه جدا جدا...وغطي الصينيه بغطاء.. بعدين قطعي حبه طماطم وسط...قطع صغار...وكذلك خياره وسط قطعيها قطع صغار...وخليها بالصحن...وروحي ارفعي الغطاء عن الصينيه وقلبي الدجاج...وبعدين جيبي الطماطم والخيار المقطعة وحطيها فوق الدجاج...واخلطيهم مع بعض...وبعدين غطي الصينيه..وانتي واقفه استني شوي وارفعي الغطاء الين تشوفين ان رائحه الطبخه جهزت...وحطيه في صحن مع الخبز والعصير او الشاهي مثل ماتحبين وبالهناء والعافيه...وتسمى هذه الاكله ( الشاورما )....

11-02-2006, 04:57 AM

فوفو

قلب المنتدى النابض

تاريخ التسجيل: Oct 2004

المشاركات: 4,622

يا حبيبتي زوري هذا الرابطhttp://www.66n.com/forums/forumdisplay.php?f=18وهذا ايضاhttp://www.66n.com/forums/forumdisplay.php?f=19واتمنى اني اكون افدتك

11-02-2006, 05:02 AM

أحبك يا وطني

عضو دائم

تاريخ التسجيل: Aug 2005

المشاركات: 61

عندك عالم التغذيه والطبخ
تعلمي منه المقادير والطريقه موجوده
الله يوفقك

11-02-2006, 05:13 AM

نورالحجاز

عضو جديد

تاريخ التسجيل: Sep 2004

المشاركات: 16

وعندك الحين الارز البخاري...

تقطعين الدجاج او اللحم ( حسب الرغبه ) ...والبصل ( 1 بصل صغير )قطع صغيرة ..والطماطم(1 طماطم صغير) قطع صغيرة..

2 فص ثوم ( الفص يكون صغير )....ملعقتين اكل معجون الصلصله..1 ملعقه صغيرة زنجبيل مطحون ..2 ورق الغار..4 حبات هيل...تاخذين كميه قليله من البهارات الغيرمطحونه الاشياء الاتيه : كمون..كزبره..عويدي(المسمار)..2 حبه من اليمون الناشف الاسود..والارز حبيه طويله بسمتي 2 كاسه...وتغسلينه زين..المهم..تجيبين القدر.. والافضل لك يكون قدر ضغط...وتوضعين ربع الفنجان الشاي زيت..

الين يحمى تحطين البصل وتحمرينه وبعدين الثوم وتحطين الدجاجه والطماطم والصلصه وتخلطينهم...وتحطين فوقهم الزنجبيل وورق الغار والبهارات اللي ذكرناهم فوق واليمون الاسود..وتحطين 2 كاسه شرب عليهم...وتخلينه يغلي..وبعدين تحطين الرز ( ملحوظه مهمه: بعد ماتحطين الرز ابدا ابدا ماتخلطين الرز مع المقادير..ويكون الرز ظاهر عن المويه يعني مو مغمور بالمويه لانه راح ينطهي مع البخار..) وبعدها غطيه بالغطاء..وخليه على نار هاديه جدا...خليه يجي نص ساعه...روحي وشوفيه اذا لساته ني حطي شويه مويه بس مع مراعاة ان المويه اللي تحت الرز ماتطغى على الرز الابيض...بعدين غطيه..واذا شفتيه استوى زي رز المطاعم محبب...يكون افضل...تطفين عنه...وتجيبين فنجان شاي فيه ربع ملعقه الصغيرة جدا. من اللون الاصفر....مع مويه كادي وتخلطينه...يكون على نص الفنجان...وتحطينه فوق الرز الابيض...وتغطين القدر...واذا جاء زوجك من العمل ...اغرفيه له واخلطيه بالملعقه الين تشوفين ان شكل الرز بالصحن جاء ملون احمر واصفر وابيض...وبالهناء والعافيه..

11-02-2006, 05:15 AM

نورالحجاز

عضو جديد

تاريخ التسجيل: Sep 2004

المشاركات: 16

الحمدلله جاتك مساعدات ....اخرى من الاخوان...يارب تستفيدين مني ومنهم...وبالله التوفيق..

11-02-2006, 05:24 AM

نورالحجاز

عضو جديد

تاريخ التسجيل: Sep 2004

المشاركات: 16

وعندي لك حلى سريع وسهل جدا...ويساعدك اذا جاكي ضيوف على فجاءة..او اذا حبيت تاكلين حلى ومافيكي تسوين...هذا الوصفه سهله جدا..

المقادير والطريقه:

3 ملاعق اكل نارجين تحمصينه شوي على النار بحيث مايتغير لونه...وترفعينه عن النار..وتجيبين في صحن ثاني حليب مركز نستله...وتعرفين بسكويت ديمه المحشي تمر ...مربعات صغار...المهم...تغمسين الوحده في الحليب المركز...او تقسمينها نصين وبعدين تغمسينه في الحليب المركز...وبعدين تحطينها على النارجين الين ماتتغطى بالكامل وهكذا كل البسكويتات وترصينها في صحن مع القهوة شي...

11-02-2006, 05:28 AM

فــــــــــلــــــــــــه

عضو دائم

تاريخ التسجيل: Jan 2004

المشاركات: 75

حبيبتي انا نفس الشيء ما اعرف اطبخ بس شوي اعرف اسوي حلويات بس إن شاء الله بحاول اتعلم قبل اتزوج لاني ماتزوجت لين الحين هههههههه
عيوني بعلمك حلوه واااااااااااااااايد سهله وفي دقايق تتجهز
جيبي الكيك الأمريكي (امريكان) يفضل بطعم الفانيليا أو اي طعم تحبينه المهم اهرسيه نفس أكل الأطفال في وعاء وعقب حطي فوقه مربه بطعم الفراوله أو (اي طعم تحبينه)
وحطي بعد مكسرات (فسدق .لوز . فول سوداني طعمه وايد حلو ,,,,,الخ) اي نوع مكسرات بس تكون بعد مطحونه بس مش واااااايد يعني
تخلطيهم كلهم مع بعض وعقب تشيلين شوي من الخليط وتسوينه على شكل دائر لين يخلص كل الخليط
وتشلين الدوائر هذي وتمررينها في جوز الهند لين تخلصينهم كلهم
عقب تحطينه في الثلاجه لين يتماسك الخليط
وترومين تزيني كل دائره بكريمه وتحطين فوق الكريمه كرز مثلا
صدقيني روووووووووووووووعه طعمها تجنننننننن وطريقتها وايد سهله
وبالهناء والشفاء
لاتنسيني من دعواتك^_^

11-02-2006, 05:30 AM

فــــــــــلــــــــــــه

عضو دائم

تاريخ التسجيل: Jan 2004

المشاركات: 75

حياتي نور الحجاز لو مافيها كلافه عليك الغاليه شو هو النارجين؟؟؟؟
الله يسعدك علميني والله تشوقت لوصفت هذي....

11-02-2006, 05:38 AM

#10

نورالحجاز

عضو جديد

تاريخ التسجيل: Sep 2004

المشاركات: 16

فــــــــــلــــــــــــه...

لا تواخذينه قلتها بالعاميه عندنا...النارجين او النارجيل...هو جوز الهند حبيبتي...

ومشكورة على وصفتك الجناااان....تسلمين يالغلا..

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه