السلام عليكم

قررت افاجيء زوجتي الحبيبه بطلعه باستراحه خاصه بالرياض

بس ابيها بمواصفات خاصه تتميز بصغر الحجم وروعة الترتيب والاهم وجود مسبح خاص ومكان للشوي

علما اننا اربعة اشخاص فقط انا وزوجتي وطفلين

المطلوب وين الاقي مثل هالاستراحات بالرياض


وشكرا لكم

__________________
مااضيق العيش لولا فسحة الامل

الاستراحات بكل مكان لكن المتعارف عليه >> منطقة الفحص الدوري والثمامه عند دوار العويضه أو قبله وأيضاً امتداد طريق الملك فهد (طريق القصيم) بعد المستشفى الالماني

هناك مجمع استراحات اسمه درة الرياض عند كبري الفحص الدوري صغيرة وبها مسبح ومسطحات خضرا وبيت شعر وتصميمها راقي جداً يذكرك بشاليهات درة العروس بجدة لكن من دون بــحــر ، ايجارها اليومي لاأعلم عنه شى لاني اذكر دخلت استراحة تمليك

تبي نصيحتي اطلب جريدة الوسيله الخاصه باعلانات منطقة الرياض صدقني بتجد ضالتك فيها وبالمواصفات الي تبيها

__________________

تسلم اخوي مروق البال

ولو اني كنت اتمنى اشوف احد يرد علي له سابق تجربه



تحياتي

__________________
مااضيق العيش لولا فسحة الامل

ينقل لعالم السفر والسياحة

فيه استراحات كان زمان عند الفحص الدوري وفيه استراحات دي روما امتداد طريق الملك فهد(طريق القصيم)تكون على اليسار ممكن تروح للمرسى على الدائري الشرقي جنب الحكير لاند وستار سيتي فيها شاليهات صغيره وحلوه ونظيفه الايجار كان اذا مو غلاطانه 600 ريال

اخوي فيه اماكن احسن من الاستراحه واحلى
بما ان لديك طفلين وزوجتك
تعرف منطقه الثمامه
في اخر المنزهات فيه منتزه فانتيزي لاند خذ لك شاليه يكون خاص طبعا زي استراحه
وفيها مسبح خاص ودورة مياه وصاله ومكان للشوي
واذا حبيت تلعب عيالك فيه مدينه العاب
ومرة راح تنبسطون

__________________

صدق الثمامة فيها اشياء حلو وشاليهات حلوة وعلى قدكم مثل قرية الثمامة الواحة فا نتزى لاند

__________________

فعلامثل ماقالت ااخت ريم شاليهات فانتزي لاند في الثمامه تاخذ شاليه أظن سعره بـ700 أو 600

نظيف ومعه مسبح خاص وركن مطبخ ومن الجهه الثانيه يطل على المسطحات الخضراء في المنتجع ببلكونه وفيها كان للشواء

مره حلو في كل عيد ناخذلنا واحد ...واذا مستعد تدفع اكثر فيه في نفس المنتجع فلل ملكي اظن بـ 1500 أو اكثر شوي لمدة نص يوم وكل مازاد الوقت يزيد السعر ...

__________________







[SIZE]عامٌ قد بدأيلملم اثوابه استعداداً للرحيل فأغفر يارب ذنبي فيه وزللي وتقصيري .

اللهم اسالك بمنك وفضلك ان تحقق لي أمنية حياتي ...