السلم عليكما جميعا...

زوجتي في الشهر التاسع طبعا هذا اول حمل الله يتممه على خير وعقبالكم جميعا انشالله .

س : متى اذهب بها الى المستشفى بخصوص الولاده هل هناك علامات واضحه تدل انها مرحلة الولاده ام ماذا ؟


لان كلما اشعرت بألم في ضهرها توقت انها ولاده..... افيدوني

اخوس الف مبروك وان شاء الله تولد زوجتك بالسلامه
وتشوف النونو اللي يملي عليكم حياتكم
انا ماسبق لي الحمل والولاده
بس اعتقد على حسب الكلام اللي اسمعه من صديقاتي واخواتي
انه باخر شهور الحمل تحس الوحده بطلق خفيف يروح ويرجع
بس ما هو دليل ولاده
الا اذا شد زياده وصار متصل مثلا كل ساعه او نصف ساعه يعني معناه انه قرب وقت الولاده
هذا للي اعرفه وربي يقومها بالسلامه

__________________

انا أتفق مع اختي ريم
مع ان للحين توني بالثالث
بس اللي أسمعه لازم تمشي وايد
انت كل يوم اخذها وخلها تمشي ساعه
وان قالت تعبت خلها تركض خخخخخخ
لا أمزح
المهم خلها تمشي وايد
و ماي البيبي مجرد ينزل المفروض ماتخليها ولا دقيقه بالبيت
على طول اخذها المستشفى
ربي يسهل عليها وعلينا ياااااااارب

__________________

اخوي وقت الولادة لما ينزل ماءالراس ..

اما اذا تبي تعرف قبلها بشوي فالانقباضات هي اللى تحدد موعد الولادة يكون الوقت بينها قصير يعني دقايق ..

الم الظهر شيء طبيعي جدا مع الحمل مع كبر البطن وتقوس الظهر والضغط على العمود الفقري ..

الله يقومها بالسلامة ويتربى بعزكم مقدما .

رح يبدا الطلق لما يصير في نغزات بالبطن.. أو ألم يروح ويجي عالظهر...

وبعدين بيصير الألم شوي شوي يزيد في البطن...

بس أهم شي إذا نزل ماء الرأس تبع البيبي تودونها علطوووووول المستشفى...

وفي إحتمال ينزل ماء الرأس أول... وممكن أنه يجي الطلق وبعد فتره طوووويله ينزل ماء الرأس أو حتى في المستشفى بينزلولها ياه..

نصيحتي.. لما يجيها الطلق خليك حنوووون معها.. وأعطيها شي مغذي تاكله.. تمر... أو حتى شوكولاته لأنها فيها طاااقه...

ولا تنسى تاخذها هالأيام وتتمشى معها... لأن المشي فيه تسهيل للولاده بإذن الله..
الله يقومها بالسلامه يا رب...
ويرزقكم مولود خير إنشالله.. ويبارك لكم فيه..

__________________

	* ليس من الضروري أن تنال ما تشتهي.. يكفي أن تكون قادراً على ذلك ** لا تصفق الباب خلفك.. فقد تضطر للعودة منه *** إن أول خطوة لتحقيق الحلم.. هي الإستيقاظ من النوم أختكم: دندووون

تحس الوحده بطلق خفيف يروح ويرجع
بس ما هو دليل ولاده
الا اذا شد زياده وصار متصل مثلا كل ساعه او نصف ساعه يعني معناه انه قرب وقت الولاده

اله يقومها بالسلامة والف الف مبروك

المهم مثل ما يقولو امهاتنا لا تستعجل بيها لى المستشفى الا بعد ما يبداها الطلق

__________________

ربنا هب لنا من ازواجنا و ذرياتنا قرة اعين و اجعلنا للمتقين اماما