السلام عليكم ورحمة الله وبركاته
أحبائي رواد هذا المنتدى الشامخ المبارك والذي طالما رواني من معينه الصافي
كانت أول مشاركة لي هنا في شهر مضان المبارك من العام المنصرم وقد كتبت موضوعاً أطلب فيه المساعدة من الأعضاء لحل مشكلتي وهي أنني لي شهرين في بيت أهلي في حيرة من أمري هل أعود لزوجي أم أطلب الطلاق ولأسباب شرعية
رجع لي بعد رمضان بس أنا مارحت معاه للبيت طلبت منه نغيره ووافق وبعدين صارت مشااااااااااااااكل وصار يتلفظ عليّ بكلام ماله داعي وعلى أهلي واخواني للمعلومية (( أنا معلمة بدار تحفيظ قرآن والوالد شيخ الله يحفظه ))
هو مدخن مقابل الدش ليل نهار غير متوظف --وأنا اكثر من ينفق على البيت
جاء شهر ذي الحجة وكنت أبسافر للحج-- مشرفة مع حملة-- توفى أبوه قبل ما اسافر بيوم رحت لبيت هله وعزيت واديت الواجب مع انه كان بيني وبينه زعل كبير حتى أهلي راحوا ودخل وانا جالسة مع اهله وقمت وعزيته وكان صاد ويرد من غير نفس
بعد ما رجعت من الحج وكنت مستخيرة انني انفصل منه طلبت من أخوي انه يتصل فيه ويطلب منه ينهي الموضوع ... هو رفض وقال اللي تبون أسويه
بعدين انا دخّلت الوالد وقلت له يقوله ما راح ارجع الا بشروط كلمه ابوي والرجال وافق رجعنا لبعض واحسن من الاول شوي لمدة شهر تقريباً دورنا على بيت وبعدين توافقنا على شقة متكتكة وبعدين صرت اجمع علشان ندفع للمكتب العقاري ساعدني ابوي وزوج اختي بعد بس الرجال كل ما قلتله يالله ننقل العفش صار يماطل ويتعذر بعدين ما بعدين فجأه أرسل رسالة قال فيها انه سافر للرياض وكان قايلي قبل ان صديقه بيسوي عمليه وانه بيسافر معه
بالفترة هذي انا اتصل عليه ما يرد ارسل ما يرد والنهاية قفل الجوال امه السيكينه تتصل فيني تقول ولييدي يتصل فيك وش ارد عليها بعد 15 يوم رجع برضوا ادق عليه ما يرد ارسلت له رساله استرحمه اقوله امك وانا كلنا نبي نسمع صوتك ونبغى لك الخير ليش ماترد ولا كاني ارسلت
ارسل رسالة قال الفلوس وينها اللي مخبيتها للشقة معاك والا مع صاحب المكتب قلتله اني وصلتها راع المكتب وبعدين راح المكتب واستلم الفلوس واختفى اسأل امه وينه قالت انه سافر مرة ثانية
رحت لبيتي اباخذ بعض الاغراض الخاصة فيني وياريتني مارحت الثلاجة المكيف الزوالي الغسالة دولاب المكتبة مادري وش مسوي فيها بايعها ماخذها مكان ثاني مستاجر له شقة متزوج ؟؟؟؟؟؟؟؟؟؟؟
ومن يومها رسالة وحدة ارسلتها له قدامك مهلة يا انك تطلق يا اني مضطرة ادخلها المحكمة ((قوية شوي )) بس وش اسوي ملييييييت الرجال مو طبيعي
ارسل قال لا أحد يكلمني من أهلك والورقة بتاصلك وأنا لي ثلاث أسابيع أنتظر والرجال ما له حس حتى امه واخته اللي دايما يكلموني اختفوا
اللي مضايقني الحين اها تمر بخاطري ذكرياتنا الأولى بداية حياتنا كانت من أروع الأيام اللي عشتها وما كنت اتوقع اننا ناصل لهالحال عشت معاه سنتين ونص بحلوها وبمرها وباحلامها وذكرياتها لين ما هو تغير اللي مخوفني اثين من اخوانه مدمنين اخاف يكون مصيره مصيرهم صحيح انا قررت الانفصال الان وماني ندمانه مع اني اشتاقله احينا بس الصراحة يعز علي ّ
على فكرة ترى ثمانيه شهور وانا جالسه عند اهلي كنت استخير واستشير وحطيت مشكلتي هنا في المنتدى والاخوان ما قصروا معاي وكانت اغلب ردودهم انه الأحسن في حالتي اني انفصل عنه
للمعلومية طلاقي هذا راح يكون طلاق للمرة الثانية
عمري سته وعشرين وما سبق اني حملت
دعواتكم لي ان ربي يسهل طلاقي وانه يثبت على قلبي ويعوضني خير
آآآآآآآآآآآآآآآآسفة على الاطالة
اختكم
هامتي فوووووووووووووق

__________________

	ومن رام العلا من غير كد أضاع العمر في طلب المحال تروم العز ثم تنام ليلا يغوص البحر من طلب الألي

الله يعوضك حبيبتي صراحة اول مرة اقرأ قصتة

وحزنت جداا عليكي لكن الله يعوضك ويرزقك باللي يستاهلك

انت لسا صغيرة والحياة أمامك المهم لاتنسي كثرة الصلاة والدعاء


ان الله موجود وسيعوضك حبيبتي لا تحزني

banora
الله يجزاك خير على مرورك وعلى لمستك الحانية
الله يتقبل منك يارب

__________________

	ومن رام العلا من غير كد أضاع العمر في طلب المحال تروم العز ثم تنام ليلا يغوص البحر من طلب الألي

أختى

اخشى انه كما تتوقعين سلك مسلك الدمار والمخدرات هداه الله

كوني مع الله والتجي إليه واسأليه الخلاص والعوض ، ولاتهتمى

ابدا ولو كان الطلاق العاشر ، اسأل الله ان يأخذ بيدك لكل خير

اختى الحبيبه
استخيرى واستخيرى واستخيرى
وارجو من الله ان يوفقك لكل ما يحب ويرضى
ولكن لى اقتراح اخير
ارى انك تقولين انك تشتاقين اليه
فمن رايي ان تجربى للمره الاخيره
ولكن لا تجربى معه جربى مع الله
اسجدى لله واسالى له الهدايه مرااااااااات ومرااااااااات
حتى اذا ما حدث شيىلاء لاقدر الله
لا تلومى نفسك قيد انمله
اسال الله لكى التوفيق

ان اصعب شئ على نفس المراه و قلبها هو الطلاق

لكن فى بعض الاحيان يكون ليس منه بد

لكن استخيرى ربك و شوفى اذا قدرتى تصبرى عليه و تحاولى تصلحيه فيكون لك الاجر و الثواب من الله
و عسى ان يهديه على يديك وهناك الكثيراتممن فعلن ذلك و صبرن على ازواجهن و هداهم الله بعد ذلك


او انك لا تستطيعين ان تصبرى عليه فالله معك و توكلى على الله


و لكن اهم شئ الاستخاره


اختك فى الله
ام محمد


لا تنسونى فى دعائكم بظهر الغيب فانا فى اشد الحاجه اليه

__________________

اللّه يعوضك خيررررررررررررررررررررررر ياربي ويرزقك بالزوج الصالح اللى يحبك ويقدرك ويريح بالك يااااااارب........

أختي ارجو ان يعوضك الله خيرا منه ويرزقك زوجا صالحا يعوضك عن ايامك مع هذا الزوج الذي لا يستحقك .

الله يعوضك خير ان شاء لله

اختي ما انصحك الا بالاتي
اولا ارفعي قضية نفقة ومطالبة تعويض بالفلوس اللي صرفتيها وخلي الطلاق آخر شيئ
وراح تشوفين انه راح يرجع علشان الفلوس ما يدفعها ويحاول يصلح
ولحظتها اشرطي شروطك ولكن حاولي توثقين الشروط بتوقيع منه
والله يصلح امورك
وعليك بالدعاء التالي
[[[[[[ اللهم يا راد موسى لأمه ارجع زوجي لي ]]]]]

__________________

	في المدرسة نتعلم لنمتحن وفي الحياة نمتحن لنتعلم