السلام عليكم ورحمة الله وبركاته .......... وبعد:
الصراحة عندي اخوي وهو عريس جديد ومحتار ما يدري يأثث شقته قبل الزواج على ذوقة هو أو يأثث بعد الزواج على ذوقه وذوق عروسته ، وإذا كان بعد الزواج وين يسكن ؟ وش رأيكم عطوني اقتراحاتكم ؟ وكم المهر المتوقع اللي يدفعه لو سمحتم . معليش شباب اخوي جنبي واحرجني وما يعرف بالنت شي . هههههههه. سلاماً

الافضل انك بعد ما تملك على البنت تاخذها و تختارون الاثاث على ذوقكم المشترك
مو حلوه يجون الناس يباركون و الشقة فاضية
و بالنسبة للمهر يختلف من منطقه الى منطقة في السعودية يتراوح من 20 الف الى 500 الف
احنا في الاحساء عادتا و الاغلبية من 30 الف الى 100 الف
و الف مبروك مقدما
مع تحياتي

__________________

رايي من راي الاخت ام نوري ..
لكن وشو 500 الف لكسز هي


الله يعيننا بس على مهوركم

__________________
سبحان الله وبحمده سبحان الله العظيم

بسم الله.... اخوي الافضل انك تكلمها وتاخذ رايها بعد ماتتتملك اذا مافيها احراج لك وصدقت اختي مو حلوه يجون الناس وشقتكم فاضيه واذا هي ماعندها مانع تااثهها انت على ذوقك مافي مشكله...... امابالنسبه للمهر يختلف على حسب المنطقه والقبيله والخ لكن يكون مابين 60 او 40 او 30 هذا المعقول

نتمنى له التوفيق بحياته ويرزقه رب العالمين بالذريه الصالح... اختك حمرة الورد

وانت الصادق اخوي خير ان شاء الله 500الف؟ 40الف ويخب واذا مارضت خلها تقعد في بيت ابوها
والله لو هي فلة مادفعت المهر هذا


لك تحياتي

سمعت ان البعض يكتبون المهر متقدمة القرآن ومتأخره حجة لبيت الله الحرام

التاثيث لابد ان يقوم فى بعضة الرجل الى يخص مجالس الرجال
ولاهو عيب ان تصحب معك صديق تحس انة لة ذوق
او اخت لها معرفة بالموضة الحديثة
اما مايخص غرفة النوم فهى التى تقوم بالمشاركة فى اختيار
الالوان والاشكال حتى لاتعيبك فيما بعد
تراء بعض النساء اذا ما اختارت على ذوقها مايصلح لها بالمرة
ثم تقوم بتغييرة .. وهذا خسارة عليك
وشكرا لكى على حرصك ؟

__________________
xxxxxxxxxxxxxxxxxxxxxxxxxxxxxxxxxxxxxxxxxxxxxxx
خوينا مانصلبة بالمصاليب
ولايشتكى منا دروب العزارى
ان كان ما قمنا بحق المواجيب
حرم علينا لاابسات الخزارى

أنا من وجهة نظري طبعا انه يكون يأثث على ذوقه هو وخطيبته بعد الملكة يعني ياخذ رأيها في الوان الأثاث وفي أشكاله ........
وبالنسبة للمهور فهي غالبا عندنا في الحجاز من 30 الف الى 50 الف غالبا طبعا فيه اللي مهمرهم مية الف لكن أنا والله لاحظت اللي مهمرهم 30 الف و20 الف ويعملون زواجهم بدون طرب يعيشون في سعاده وشفت وحده من صاحباتي كان مهرها 50 الف وكان زواجها طرب لكنها مسكينة منكده في حياتها هي وزوجها برغم انها طيبه وزوجها طيب لكن لازم من منغصات لكن اخواتي ولله الحمد كانت مهمرهم 30 الف و25 الف وكان زواجهم سني بدون طرب ولله الحمد يعيشون في سعاده وراحة بال هم وازواجهم
ووووووووو الله يوفقك ويبارك لك ومبرووووك مقدما واعزمني

__________________

السلام عليكم ورحمة الله ..

كلنا في الهوى سوى .. وعندي اقتراح ..

من رأي ان تسكنوا في فندق او شقه مفروشه فخمه يعني وفي نفس الوقت تأثثوا عشكم الزوجي ...
والزايد من الاثاث ارسلوووووه لي

وسلامتكم

اخوكم blue sky

__________________


سبحـــــــان الله وبحمده سبحـــــان الله العظيم

__________________