السلام عليكم ورحمة الله وبركاته....

عن قريب بس لما يخلص زوجي التوكيل عن أصحابه وأخذ دواماتهم

عشان يصير عندنا 8 أيام فاضية!!!

بأخذ يومين في جدة ويوم في مكة للعمرة وأربع أيام في المدينة

واليوم الأخير برجع لجدة وبستنى!!!!

اللي من اهل المدينة ولا اللي راح للمدينة يساعدني...

آخر مرة رحت للمدينة لما كنت في ثالث متوسط

وكل اللي رحت له المسجد النبوي والله مشتاقه له كثير

والملاهي والأسواق:14: وحديقتين ناسية أسمها

زوجي عمره ماراح للمدينة ولا حتى يعرف شارع فيها!!!؟؟

مقصدي الأول هو المسجد النبوي بس أبي أعرف لو سمحتوا

أماكن ثانية ولا أشياء جديدة صارت في المدينة

أبي كل شيء عن المدينة...

أبي الأربع الأيام اللي بعيشها في المدينة تكون أروع سفرة سافرتها في حياتي

ترى عايدي نقبل عزايم ونصير ضيوف!!؟؟

ملاحظة كبيرة(((لن أنسى مدى ماحييت الراحة الفظيعة التي شعرت بها

في نفسي عندما دخلت سيارة والدي المدينة المنورة)))

وأنا الحين مو بس حاسدة المعلم على العطلة!!! حاسدته على جلوسه في المدينة بعد!!!!؟؟

تحياتي للجميع....

__________________

لالالا موو معقووول

يا هلا ومرحبا بأغلى وأحلى إنسانة

عاد المدينة منورة ، بس بوجودك بتنوووور مليووون مرة

أوول مكان لاااازم تروحيه

عارفة فييين ؟؟

















































بيتنـــا

شووفي يا قمر

المدينة ماهي بلدة سياحية

نصيحتي لك ، خدي لك فندق جنب الحرم ، بس تراها غالية موت عشان الموسم

صلي كل فروضك في الحرم

ولالالاتدوري متعة ولا سياحة ، صدقيني ماراح تلاقي

خاصة إنك متعودة يختي عليك على الرياض وجدة

إذا تبغي حاجة معينة اسأليني ولا تترددي

يعني مطاعم أو أسواق ، يعني الحاجات الضرورية

وحياك الله في مدينتك وبيتك بين أهلك وأحبابك

***

لا تنسي تزورينا

وسلميلي على زوجي مادام إنك حتعدي على بلده

***

بالنسبة للحاجات الجديدة

عندك :

مستشفى الولادة

***

ياحى الله اختى هو في قلبي وياهلا وسهلا بيكي في المدينة واهل المدينة يحيوكي ويرحبو فيكي ..

شوفي حبيبتى :انا راح اعطيكي بعض اخبار عن المدينة ..

ابدأ او لشي في الفنادق :
فندق اوبروى مام الحرم مباشرة ـ عندك فندق دار التقوي انتر كونترنتل ـ شركة طيبة .. الموفمبيك انتركونترنتل . هدول امام الحرم على طوووووول يعنى من باب الفندق على الساحة على طول ..
وفي كمان : دار الايمان انتركونترنتل ـ دار الهجرة انتركونترنتل ـ الحارثيه شيرتون ـ الانصار الذهبيـ الماسهة ـ فندق الحرم .. "تقريبا هادى النفادق الا انا فاكراها ..
نجى للأسواق :
ابدأ من الاسواق الا جنب الحرم على طول وتكون قريبة ..
* في فندق اوبروي :" نكست ـ bhs ـ ميلانو ـ مذركير ـ ...
في كمان في مركز الياس التجاري قريب من الحرم : جفري روجرز ـ u2ـ وفي محلات بس للامانه انا ما اروح في كتير ومش فاكره اي المحلات الا في تانى ..
نجى لســــــــــلطانه :
راح تلاقي مركز المدينة الدولى ..
في مركز البركات : في مكس ـ المغربي للبصريات ـ في العربية للعود ـ اجمل ـ قزاز ..
* مركز الدخيل بلازا رقم 1 :تقريبا في كثير من المحلات ..
* مركز الدخيل 2 : في بريمود ـ ناين وست ـ مونسون ـ ليسنزا ـ نعومي ـ هادى المحلات الا فامراها ..
عندك بعد كدا الســـــــــــواني .. طبعا غني عن التعريف وهادا راح تلاقي سوق كامل وكبير بعد الدخيل سنتر راح يجيكي السواني ..
بعد السواني في سوق " نسيت ايش اسمو " بس في ايتام ـ مانجو ـ
في سوق ريم سلطانة هادا عند الاشاره :" في عمار رزق ..
في سوق الثريا برضو في سلطانه :: وفي محلات بعد بس انا مارحتو غير مرة وحده فما اقدر اساعدك في

نجى للمطاعم :
تقريبا في المطعم الصيني .
في سلطانه ـ هارديز وماكدونالز ـ ...
وحليلنا المدينة مافيها مطاعم شي غير في الفنادق .اكثر شي ..
في المطعم الايطالى في الموفمبك بس الموفمبك انتبهي في 2 :
1ـ موفمبك حق وقف الملك عبدالله
والثاني الموفمبك الا تحت هوم بلازا " وهذا الا اقصدو الا في المطعم الايطالى "
غير كدا مافي مطاعم ولو حد من لاعاضاء يعرف ويزيد ياريت

* نجى للملاهي .
1) الاندلوسية " وياقدمــــــــــــــــــــــــــــــها " من زمااااان وانا في الابتدائي كنا نروحها واللحين طبعا كبرنا على ها السوالف هههه
2) لونا بارك .
3) البعيجان .
وللامانه ماقدر رحت شي منها غير الاندلسية ومن زماان من العصور الوسطي رحتها ..

ونصيـــــــــــــــــحة اختى الغاليه
المدينة والله ماهى للسياحة ومارح تلاقي فيها شي ازود من الا بالرياض ولاجدة فاتمتعى كل وقتك بالحرررررم والمساجد والزيارات الا فيها " أحد ـ قباء ـ القبلتين ـ مسجد الجمعه ـ "
ولاتنسنا من دعواتك

وفي النهايه ياهلا وسهلا بيكي ويامرحبا راح تنورينـــــا..
وأي اسئله انا حاضرة انشاء الله تعالى
اختك بتول

__________________
اللهم حققلى منايا ومرادى ووفقنى في الحياة الدنيا والأخرة اللهم آمين

أحبتى الكرام لاتنسونى من دعواتكم في ظهر الغيب..

أختــ بتـــــــــــول ـــكم


[/CENTER][/SIZE]

بنت الإسلام

الحال من بعضه (ههههههه)

انا بعد ما أعرف كل شيء عن الرياض وودي ماتعرف

مشكوووووو وووووووو ووووره على مساعدتك لي

وين بيتكم!!؟؟

والله ناوية أزور بجد!!!

مشكووووووووورة على مرورك الكريم...

عبير الأحلام

الله يرج شيطانك ياعبير!!؟؟

مستشفى الولادة !!! أنا ناقصة رعب!!!

وش رايك نبدل أزواجنا!!!

أنا أجلس في جدة على طول وأنتِ تجين هنا!!!(هههههههه)

بس كويس أهلك بيكونون قريبين منك أذا أستقريتِ بجدة

أنا عارفة أنها ماهي سياحية مرة بس نفسي

أزور المسجد النبوي وألف على المدينة كلها

ولا تخافي بلف وأدور لين أطلع بيتكم!!!

مشكووو وووو وورة على مرورك الكريم...


toto_tote

اختي البتول تصيرين مشرفة سياحية لي!!!!

ماشاء الله تبارك الله....حافظة كل شيء

شكلك بنت شاطرة:14:

على العموم لاتصوين حريص الأسواق تطلعها

أختكم بسرعة ما يحتاج:14:

الله يوفقك ويعطيك اللي تبين

مشكووو وووو وورة على مرورك الكريم...

كذا كسبت ثلاثة عزايم وثلاثة ذبايح لي ......


مازلت أنتظر أحدهم يرد بفارغ الصبر!!!!!!!!

هلا وغلا اختى الحبيبة هو في قلبي
انتى تأمري امر وانا بنت المدينة .. قوليلي متى بالزبط جايه في اي تاريخ وابشري مايسير خاطرك الا طيب
اكنلك مرشدة سياحية وانتى تأمري والله نتضرف بزيارة الناس الطيبة الا زيك قوليلي متى سفرك بالزبط وابشري

يلا عرض مغري واهل المدينة كلهم تحت الخدمة ..

حيبيتى والله مو مدحا في اهل المدينة ولا في المدينة لان مايحتجلها مدح .. الراحة راح تحسيها من يوم ماتدخلى المدينة وتودى انك ماتفارقيها

ياااااااااااااااااااااااااااااااااارب لا تجعلنى من الناس الا تلفظهم المدينة يارب وتديم علينا النعم فيها ياكريم ..

وتسلمى حبيبتى على دعواتك الغاليه ..


وطلب ضغنن :ـ
الله يخليكي ادعيلي في الروضة دعاء المؤمن للمؤمن في ظهر الغيب مستجابه .. ادعيلي بالاسم " بــتول "

شاكرة لك اختى الحبيبة وانشاء الله زياره مباركة وتنبسطي فيها

بس لازم تكتبيلنا موضوووووووع عن رحلتك الحلوة للمدينة لمن ترجعى بالسلامة

بتول

__________________
اللهم حققلى منايا ومرادى ووفقنى في الحياة الدنيا والأخرة اللهم آمين

أحبتى الكرام لاتنسونى من دعواتكم في ظهر الغيب..

أختــ بتـــــــــــول ـــكم


[/CENTER][/SIZE]

اش اش

تحمليني أنا المسؤولية ؟

مو إنتي اللي طلبتي تعرفي الحاجات الجديدة في المدينة ؟

آخر شي سووه هنا .. مستشفى الولادة

وصدقيني ..

لو واحد يبغى يستثمر فلوسه في شي نااااجح

خليه يجي المدينة ، ويفتح منتزهات

وعلى ضمااااانتي

مشروووعه ناجح ناجح

بعدين لا تخافي

المدينة صغنووونة

في نص يوم يمديكي تلفيها كلها

ما تاخد منك وقت

عندك سلطانة .. أهم شارع تروحيه .. هو بالنسبة لنا يا عيني التحلية بس مصغر

بعدين تعالي هنا ..

كإنك كإنك كإنك

والله أعلم

عرضت عليا أروووح الرياض صح صح صح ولا أنا غلطااانة

***

شوفي ..

إنتي روحي على سلطانة ، قباء ، قربان ، الحزام ، الهجرة ، اممم

أعتقد بس

كدا تلاقي نفسك درتي ( لفيتي ) المدينة كلها

وما تضيع المدينة ، بس لازم تلاحظي حاجة

جدة شوارعها مربعات

أما المدينة دوائر

فانتبهوا للشي دا عشان لا تضيعوا

أقولك ..

ايش رأيك تحضري زواجات .. أحسن لك من اللفلفة اللي ماراح تستفيدي منها شي

وترى يمديكي تدخلي ، عندنا ما يحتاج بطاقات

امممم

تبغي ملاهي .. عندك اللونا بارك أجدد شي

بس للأمانة ما رحتها بس الكل يمدح فيها

أما الأسواق فنصييحتي

لا تروحي إلا الأسواق اللي في سلطانة

بقية الأسواق تنصد نفسك لو رحتيها

بس شوفي أقولك سر

بالنسبة لأسواقنا ، عندنا مراكز تشتري منها ملابس للبيت روعة

حقت دهيك فاهمتتني ؟

يعني تلبسيها وتشتغلي بها في البيت وما يهمك لو صار لها شي

لانه أسعارها رخيصة وكمان مريحة مو زي الماركات

عندك من المراكز :

القمة ، البدر ، الشرق ، ... اذا في شي نسيته ذكروني

والله تلاقي البنطلون بـ 25 ريال بس

من جد يابلااااش

أسويلهم دعاية قاعدة

ولا تنسي

ترانا في فترة تخفيضات

***

الله يوفقك يارب ويسعدك ويجعلها زيارة مباركة

أهلالالالالالالالالا وسهلالالالالالالالالالالالا تصدقي ياقلبي موضوعك جمع بنات المدينة تمام عشان أعرفهم

وثاني شي إذا ماشالتك الأرض تشيلك قلوبنا ... وتراك معزومة عندي من ذحين وأنا نشبة في العزومة زي زوجي ماأترك الواحد لين يقول خلالالالالالالالالالاص طيب موافق خخخخخخخخخخخ ..

أنت حددي بالضبط إيش تبغي أدلك عليه وأنا في الخدمة ترى أنا حافظة كل شبر في المدينة ...

وأما أنت ياعبير تحفة مالقيت غير مستشفى الولادة تدليها عليه خخخخخ

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

حبيبتي واختي مشاء الله الاخوات ماقصرومعاك ان شاء الله
بس انا ابيكي تتفضلي عندي والله يحيكي حبيبتي في بيتي انتضرك
اختك كيدتهم

__________________
]

والله عملتى فينا خييييييير بموضوعك هادا ..

كويس انى عرفت اخوات في الله ليا من اهل المدينة ..

بنت الاسلام
عبير الاحلام
بنت طيبة الطيبة

حيا الله ـهل المدينة الطيبين

__________________
اللهم حققلى منايا ومرادى ووفقنى في الحياة الدنيا والأخرة اللهم آمين

أحبتى الكرام لاتنسونى من دعواتكم في ظهر الغيب..

أختــ بتـــــــــــول ـــكم


[/CENTER][/SIZE]