صار لي مدة طويلة ما كتبت موضوع وبودي أقول كلمتين بنفسي وأتمنى تقبلوها وتناقشوني
مجتمعنا مجتمع مدمر...بعض الشباب ما يبغى إلا اللي شبه الممثلة فلانة والعارضه فلانة
مو هنا المصيبة!! المصيبة انت متعلمة وتعبانة على نفسك وجميلة ومن عيلة إلخ إلخ إلخ...و هذاكله مايهم...المهم تكوني طويلة وبيضا....الحمد له ربي أكرمني بأني جميلة جدا ومتعلمة وطموحة ومرحة وغيره...لكني خااااااااااااااااااااالعة...لاحظوا...خالعة...يعني أنا اللي عفت الرجال وكرهته ورحت المحكمة وغصب عنه وعن عيلته رميته!!! ومع ذلك حكم علي مجتمعي العزيز بالهجر...طيب أنا إنسانة ما رضيت بالذل والهوان وهذا سبب خلعي...ومع ذلك أغلب المتقدمين من فئة الفاشل والا المطلق اللي طلباته الوحيدة "أبيها بيضا وطويلة وحلوة"...كم مرة تتصل وحدة وتطلب هالطلب,,,وكنت أقدر أوافق وأتزوج لكن أطلب من أمي تسأل وش طلباتهم لأن من طلبات الرجل أعرف أحدد هو وش يبغى بالضبط...هل يبغى حياة زوجية سعيدة وتفاهم وحب وتكامل...أو يبغى جنس وخلاص!!!
ومع كل الأسف الغالب هذا طلبهم...وطبعا بدون نقاشات طلبت من أمي ترفض سخافاتهم قبل تكمل الحرمة أسئلتها..
عجبي والله.!!! طيب أنا بيضا وحلوة وغيره..بس هو طيب أبيض وحلو ويشبه المغني فلان والا الممثل فلان!!!
بس المهم إللي له هو...أنا مو مهم أشوف واحد يسر عيوني بس هو ضروري يشوف...قمة الحقارة بصراحة واعذروا كلمتي
أقسم بالله قلبي يحترق...رومنسية وحالمة وأتمنى رجل بمعنى الكلمة ألجأ له وأحن له وأعشقه...ويحاكمني المجتمع بالمقاطعة لأن رجل مايعرف الله ولا شرع الله خدعني وتزوجني وصرت ضحيته
المصيبة الأكبر..هو يروح ويتزوج ويخلف...وأنا أنتظر أقل الموجود...يامطلق بهدل زوجته مثل طليقي أوفاشل لا طموح ولا أهداف ولادين أو واحد معاه خمس أو أكثر من الأطفال وعلى هالمنوال...

المشكلة أنا صابرة وماعندي مشكلة قضاء ربي وقابله فيه...بس المجتمع مو راحمني..يتقدم لي من الفاشلين مجموعة...والناس تنظر لي بحسرة ......وخـــوف من عيني...كأن محور حياتي الزواج...وأنا الحمد لله عندي مشاريعي والناس تشوف نجاحاتي ولله الحمد والمنة وتألقي واهتمامي بنفسي واضح جدا...بس يظل في بالهم إني ما تزوجت...إذا أنا ناقصة!!!

عجــــــــــــــــــــــــــبي

طولت عليكم بس مالي إلا الله ثم أخواني وأخواتي بمنتداي الغالي
أنتظر تعليقاتكم

__________________