السلام عليكم الاخوة الاعضاء ابا اشكركم على ردودكم واهتمامكم بقصتي لما طرحتها واذكركم بالرابط

http://www.66n.com/forums/showthread.php?t=88003

بعد هالمشكلة للي صارت واتخاصمنا كم يوم بعث لي مسج ورديت عليه بمسج اوتصل لي و صار هو يعاثبني لاني انا سبيته ونسى تلاعبه وكل للي سواه وحاول يكون هو المسيطر خلال المكالمة وكان كله يعاتبني وقال انه بوري المسج للي سبيته فيه حق اهلي وبعده محتفض فيه وما مسحه يبي يخوفني (قالها بطريقة مزح) المهم انا قلت له احسن حل انك تاخذ وقت تفكر فيه وبعدين ترد علي اذا بنكمل فهالعلاقة بشكل طبيعي ولا كل واحد يروح لحاله قال اوكي اليوم باليل بفكر وارد عليكي وبالليل طرش لي مسج وقال انه يبى يكمل فهالعلاقة وانه يباني بس لازم اعطيه كم يوم يفضى فيهم وبعدين بيكون كل شي اوكي (الاخ رجل اعمال يبي له كم يوم عشان يفضى ماادري شو يبي يسوي)

مرت فترة كم يوم والعلاقة مستقرة وبعدين قطع مرة وحدة بيني وبينكم كرهته فهاللحظة فحياتي ماشفت حد يتلاعب بمشاعر الناس بهالطريقة ! المهم طرشت له مسج وقلت له عيب هالحركات رديت لها مرة ثانية ؟ ما رد بعدين قلت له حسبي الله ونعم الوكيل فيك ! تعرفون شو طرش ولاول مرة !!!!!!!!!!!!!!!!!!!!!!!!!!!!!!!!!!!! انا عندي ظروف عائلية وايد صعبة ما اقدر نتزوج ان شاء الله تحصلين واحد احسن عني والله يحفضج!!! بكل برووووود وبكل بساااااطة !! ولافكر شو بيكون احساسي ولا فكر فالناس للي خطب من عندهم
تعرفون انا رتحت وااااايد بعد ما قال هالكلام على الاقل عرفت شو موقعي من الاعراب احسن بكثير من التلاعب للي كان يسوييه ما بكذب عليكم اني انقهرت على ال10 اشهر للي ضاعت من عمري معاه وياريتها كلها كانت ايام حلوة على الاقل الحين قدرت انام انا مرتاحة اول ما كنت انام ومشغولة وافكر بس الحين ارتحت صح كل ما اذكر للي صار انقهر ع الوقت للي ضاع بس ع الاقل الحين مرتااااااااااحة سبحان الله انا كنت اقول اذا فيوم من الايام ر اح يقول تجي انا راح انهار واصيح بالعكس ذاك اليوم تميت اسولف ويا اختي واضحك وكنت مرتاحة ونمت من غير حتى ما فكر وايد فللي صار
اللهم اجرني في مصيبتي واخلف لي خير منها ادعو لي الله يجيبي لي للي احسن عنه وحسبي الله ونعم الوكيل فيه و حسبي الله على كل واحد يلعب ببنات الناس ....نسو ان الرسول (ص) وصاهم علينا .