أنا مالكة من 9 شهووور وزواجي بعد اسبوعين ... زوجي حبوب وطيب بس مشكلته يزعل بسرعه ولأتفه الأسباب .. آخر مرة زعل فيها أمس كنت اكلمه وهو زعلان من صديقه وكان اهو يحكيلي موضوع صار له قمت أسأله أناقشه يعني في هذا الموضوع راح صرخ علي وقالي انتي اسمعي الموضوع اول بعدين ناقشيني لا تقطعين السالفه علي 100 مرة رحت سكت ... اتصل فيني في الليل وكان يسولف لي عن اشاء صارت عليه قمت سكت اسمع وانا ساكته يعني وما اناقشه راح قالي اذا ما تبين تتكلمين يلا مع السلامة ... واليوم الصبح ما اتصل فيني مع انه متعود يتصل فيني وهو ساير الدوام وانا من غبائي سرت اتصلت فيه ما رد علي وطرشتله مسج طنشني

ابصرااحه لاعت جبدي وافكر اغلق موبايلي كم من يوم عشان يحس على دمه شوووووي ... مع العلم انه اليوم العصر بيسافر وبيرد بعد يوومين

ها شورايكم

بصراحه ....انا اشوفه انسان حساس جدا .........كل ما طنشتيه بيبعد .........بعيد ! وبيزيد زعله

هالنوعية من الرجال ما تحب العناد ........ومن تجربه اقولك العناد في هالأحوال تؤدي الى مشاكل ويتصور اشياء موموجوده .........يعني بالمختصر اصبري عليه ودلعيه زياااااااده وغرقيه حب وحناااااااان وبتشوفين النتيجه ! مو تقفلين تليفونك انتبهي ........لا للعناااااااااااااد .......

لا تطنشينه .. اخذيها مني .. انا نفس حالتج بالضبط .. والله العظيم كل يوم اقره مشكله و اكون مثلكم فيها لاعت جبدي من خطيبي احس كل شي غلط فيه ..

بس لا تنطشين .. واذا بغيتي تسكرين موبايلج دزيله مسج قوليله انا بسكر الجهاز اوكي ؟ اذا قالج اوكي ردي عليه قوليله لا ماني مسكرته اخاف اللي يحبوني بحاتوني .. واذا مارد عليج دقي عليه و عطيه نفسيه شوي قوليله بسكره تبي شي ؟ اذا قالج ليش ؟ قوليله متضايقه و ماابي ازعج احد .. اذا قالج انا احد قوليله لا بس مالي خلق احد .. لمن بروحه يقولج لا تسكرينه و شوي و راح يتصل فيج ..

ولا تعاندينه .. واذا زعل راضيه بدلع .. وانتي لا تزعلين على اتفه شي لانه ماراح يراضيج .. بقول انا كنت اتغشمر و ماغلطت !! وانتي بذيك الساعه كرامتج ما تسمح لج انج ترضين فتكبر السالفه ..

يبدو أن زوجك سريع الغضب .. ويستثار لأتفه الأسباب كما ذكرت ِ ..

هنا عليك أن تتفهمي نفسيته وتمتصي غضبه بأنوثتك ورقتك ..

كلميه برقة وحاولي أن تهدئيه بأعذب الكلام ..

كرري نفس الأسلوب في كل مرة يغضب فيها ..

ومع الوقت أعتقد أن طباعه الحارة ستتغير وتتبدل وسيكون أكثر هدوءا ..

أتمنى لك حياة سعيدة وزواج مبارك ..

مع راي gust أكثر من رائع !!

مشكووورين على افكاركم الحلووووووووة

طبقت سالفة ادلعه يابت معااااه نتيجه شوووووي ... واعترفلي باعتراااف قالي انا احب ادلع ترااااااا

أنا أحيد البنات اللي يدلعوووون مو الشباب !!!!!

بالعكس عزيزتي..
دايما يقولون عاملي الرجل كطفل عندك..
يحب الدلع .. وهذا زوجج اعترف لك بالطريقة اللي يحب إنك تعاملينه بها..
زيدي جرعة الحنان والدلع والكلام الحلو..والرومانسية وطبقي الأفكار الحلوة اللي بالمنتدى لتجديد الحياة ولا تبخلين بمشاعرج أبدا.. كوني سخية لآآآآآآآآآآآآآآآآآآآآآآآخر درجة..
وانتي بعد اغتنمي الفرصة وقولي له ترى أنا بعد دلوعة وأحب إنك اتدلعني..


الله يوفقكم..