السلام عليكم


شخباركم اخواني وخواتي



انا عايشة في مشكلة صار لي بالضبط ثلاث سنين

انا عندي صديقات وايد بس انا ماحب اتكلم لاحد واحب اشيل كل حاجه في قلبي واحل مشكلي بحالي

بس انا خاطري افضفض لكم واسمع مشورتكم كلن بحسب خبرته في الحياه


انا ماراح اطول عليكم

انا بنت عمري عشرين سنه وادرس بالجامعه والحمد لله متفوقه بدراستي ودايمن نتايجي تبيض الوجه الحمد لله وانسانه ماتزمة ومتدينه الحمد لله ومحافظه على صلاتي

انا من عمري 17 سنه وانا ادخل غرف الدردشه ( الشات ) وكنت في يوم جالسه انتظر نتايجي في الثانويه ودخلت على الشات لين تظهر النتايج وتعرفت على شخص كان قمه الادب والاحترام

وصارت بينا علاقه صداقه قويه مبينه على الاحترام والله العالم على هذا الشي وهو كان يحترمني ويقدرني

ومع الوقت استمرت هاي العلاقه سنتين وتحولت مع الايام الي قصه حب بس انا كنت احبه بس عمري ماقلته عن مشاعري اتجاهه بعكس هو الي كان دوم يقول عن غلاتي عنده

وكان علاقتنا احلى مايمكن وكان اصحابه يعرفون بعلاقتنا وكانوا يحرضونه علي واني بنت مو زينه وانه لي علاقات مع غيره مع انه والله اني ادخل النت بس عشان اني اكلمه بس تدخلوا لين عرفوا شلون يننهون العلاقه سواا فيني حركه دنيئه عشان يطلعوني اني اخونة بس هذا الكلام مب صحيح

وبعدين انتهت علاقتنا وتمينا تسع شهور واحنا متزاعلين من بعض لانه صدق كلام ربعه علي

وبعدين انا بديت ارسله رسايل وهو يرد علي بكلام جارح لين جى يوم وشفته على الماسنجر ووبعدين قلت خلني اكلمه واحاول اني ارجع الي بينا وبديت اقوله عن كل شي صار وانه ربعه كذبوا عليه عشان يفرقونا المهم انه احنا تراضينا

بس المشكله يوم سالته هاه شسويت في حياتك قال لي انه تزوج صدقوني انصدمت

في البدايه كنت اتحسب انه يمزح معاي بس بعدين بدا يروني صورة ولده حسيت اني بغيت اموت بس المشكله الحين هو بدا يرجع يكلمني ويسال عني مثل قبل انا ابي ارجع لانه صدق انا احبه بس المشكله اني دوم افكر بزوجت وولده وهو يكلمني اوقات وهي تكون في بيت اهلها انا عمري مافكرت انه تكون لي علاقه في رجال متزوج ياليت تدلوني وش اسوي المشكله انه اوقات اشوفه على الماسنجر اول مادخل يجي يكلمني ويسال عني وحته انا بديت اطرشله ايميلات واسال عنه

ياليت اسمع مشورتكم لي وش اسوي انا ماقدر اني اخليه لانه يوم تركنا بعض الله يعلم بحالي وش صار فيني تعبت بجد الحين هو يبينا نرجع لبعض

والله ياخواني انا محتارة انا ضايعه اني ابقي بجنبه واني اتركه لزوجته وولده حاسه بروحي عايشه بينا ناريين

ياليتكم تشوروون علي ويش اسوي

منه اسمع رايكم ومنه احس اني ارتحت اني حصلت حد اتكلم معه

وشكرا جزيلاااا

اسيرة قطر

__________________
اللهم تقبل دعاء

انا اوافق ابنه القهر جزاها الله خير

اختي دعيني اصدقك القول 0000 انت واهمة في مسألة الاحترام 0000 بصفتي رجل أؤكد لك انه لايوجد رجل يحترم فتاة تبني معه علاقة

هذه نقطة و النقطة الثانية لو كنت متزوجة واكتشفت امرأة تغازل زوجك ماذا سيكون شعرك ؟ ماذا تقولين عن هذه المرأة ؟

اكيد ستصفينها بأبشع الصفات <<< للاسف اختي هذه المرأة البشعة هي انت 000 اتق الله ولا تهدمي بيوتاً عامرة 000 فالرجل لو يريدك تزوجك

النقطة الثالثة انت الان بين نارين !!!!!!!!!! اختي هناك نار ثالثة لم تفطني لها أعظم من هذين النارين أتعرفينها ؟؟؟

انها لظى النزاعة للشوى 000 انها سقر التي لاتبقي ولاتذر 000 فاجتهدي في الهرب منها

اختي اعتذر ان قسوت عليك ولكنك في غفلة تحتاجين معها الى صفعة توقظك 0000

اسأل الله لي ولك الهدى والتقى والعفاف والغنى

.................................................. .....


اولا حاولي تشغلي نفسك بالصحبة الصالحة وما تدخلي النت وغيري ايميلك ورقم الجوال..

__________________________________________________ ______


وفكري بعقلك لو حتى تزوجتيه وصرتي زوجة ثالنية ( فرضا لو اهلك اصلا وافقوا وانت تحملت الوضع !!!)


كيق راح تثقين فيه وهو وكلمك من ورا الزوجة المسكينة

كيف راح ضميرك يتحمل ظلم انسانة وابنها ؟؟؟!!!




الم الفراق اهون ولا عذاب ضميرك وظلم نفسك والاخريننن

هذا كله وهم اسمه ((الحــــــــــــــــــــــب))

اتقي الله أخيتي وتذكري أن الله ينظر إليك .....

توبي تووووووووووبة صااااااااااااااااادقه

ادعي الله أن يملأ قلبك بحبه وحب من يحبه وحب كل عمل يقربك إلى حبه

__________________
.. ربي لك الحمد والشكر ..

أسيرة قطر

هذي اول مشاركه لي بالمنتدى.. وحرقة قلبي جعلتني أرد

أخيتي.. انتي مخطئة وهو كذلك>>لكن مايهمنا الا انتي

الرجل مايضره شي كلم بنت او طلع معها سواء كان متزوج او لا

اما البنت خلاص بخطأ بسيط تدمر حياتها

اجلسي جلسه هدوء وفكري بعمق>>> بعقلك فقط

عرفك..حبك..اظهر لك مشاعره..بالنهاية ضرب بك عرض الحائط وشاف حياته واستمرت عادي

ولا حتى فكر فييييييييييييك

وانتي في بداية شبابك حرام يذهب تفكيرك للشخص هذا والعلاقه اصلا من البدايه حرام

واعلمي...،

من ترك شيئا لله عوضه ربي خيرا منه

وربي يهديك للصواب..

[وكنت في يوم جالسه انتظر نتايجي في الثانويه ودخلت على الشات لين تظهر النتايج وتعرفت على شخص كان قمه الادب والاحترام

وصارت بينا علاقه صداقه قويه مبينه على الاحترام والله العالم على هذا الشي وهو كان يحترمني ويقدرني


بصـــراحه اختي مدري كيف شاب (قمه في الادب والاحترام ) ويدخل هذا الشات .....!!!

وكيف بتكون علاقه صداقه مبنيه عالاحترام والتقدير وهو يخون زوجته .....؟؟؟

اختي اني بداخلك عارفه ان كل اللي تسوينه غلط × غلط ...

ولو هو متمسك فيك وحابك كـان ماتزوج غيرك .......

وبصراحه اكثر الرجل مايحترم الحرمه اللي تركض وراه وخصوصآ انه متزوج ..!!

انتي ترضين تنحطين مكان زوجته؟؟مغشوشه وزوجها يخونها؟؟ اكـــــيد لا ...

عشان كذا ابعدي عنه وتذكري انه شي حراااااااام

قبل اي شي ثاني ...

لاتزعلي من كلامي والله يهديك ان شاء الله للخير

اختك.....

__________________

بالضبط..

السلام عليكم ....

أختي ترا علاقتك من البدايه غلط ثم غلط ثم غلط ... أولا اللي يدخلون الشات كلهم ما عندهم سالفه يبون قلة ادب وسخافه وكلام فاضي شلون وثقتي فيه شكلك انت طيبه بزياده وبسرعه تثقين بالناس وحسافتك على هالرجال اللي ما فيه خير بزوجته ( مع احترامي للجميع بس من جد مقهوره ) ....

حبيبتي ... أولا : اتركي هالرجال وبسرعه انت ما راح ترضين على حالك ان زوجك بالمستقبل يتعرف على وحده من وراك لا ويكون عندك ولد أو بنت وتكونين بانيه احلام وااامال على هالرجال حطي نفسك مكانها ما راح تقبلين هالعيشه وراح تخربين حياة ولد بريء ....

ثانيا : لو فرضنا انك تزوجتي هالرجال ما راح تكون حياتك كلها شك بشك لانه لو يمسك الكمبيوتر او التليفون راح تشكين والعكس راح يكون معاه حتى يمكن يحبسك بالبيت ويمنع عنك اي وسيلة اتصال هذا لو استمر زواجكم

ثالثا : انت ما خفت من ربي اللي شايفك وعالم بكل اللي تسوينه على قولت الاخت ( ما يستاهل تروحين النار عشانه ) واهلك اللي وثقوا فيك ولا يدرون عنك شي تخيلي لو درو امك وابوك ايش بيكون شكلك قدامهم ....

اتركيه فورااااااااااااااااا ولا تردين على اتصالاته ولا مسجاته ولا كأنك عرفتيه يوم ... وبما انك انسانه مررررره عاطفية راح تتعبين بالبدايه يمكن حتى ما تشتهين الاكل وتنقطعين عن اهلك بس لاااااازم تدوسين على حالك شوي ...........

أختي الله يشيل عنك ويسعدك ويفرج همك ......