السلام عليكم ورحمة الله وبركاته ...

اتمنى قبل لاتقولوا رايكم انكم ماتحكموا عليا غلط ... وتساعدوني لانه ماعندي احد اتكلم معاه ... انا قعدت اكثر من ساعه قدام الجهاز افكر اكتب قصتي او لا ؟ وايش راح يكون الرد ؟. وهل انا انسانة سيئة ؟

المهم ... مشكلتي يااخواتي بدات من زماااااان وانا طفلة عمري سنتين كانت المشاكل جدا كبيرة بين الوالد والوالدة .. لدرجة انه مرت علينا انا وامي ايام مايعلم بيها الا ربنا وماكان في احد معانا غيره سبحانه وتعالى طبعا الايام تمر وانا كبرت ... وكملت دراستي بتفوق واتخرجت من الثانوي بامتياز ودخلت الجامعه طبعا طوووول حياتي عمري ماعرفت ايش يعني حب وحنان كنت عايشة لوحدي وصنعت لنفسي عالم ثاني هروبا للواقع ولاتنسوا اني كنت مراهقة صغيرة ....
طبعا لما دخلت الجامعه مع الايام لاحظت انه الكل يسوي اللي يبغاه ما احد عارف شي ( بحكم انه الجامعه مجتمع كبير وواسع ) طبعا في البداية كنت خايفة اسوي شي غلط لاني بصراحه كنت خايفة من اهلي مو من ربنا ( استغفر الله ) لكن مع الوقت اتعرفت على شلة سيئة وبدات اتمرد على واقعي وعلى حياتي ومشاكلي وكنت دائما اقووول انا حلوة ومافيا شي ناقص وليه يحصلي كذه ؟ بدات انحف ونحفت وبدات ازبط نفسي واتغيرت كثييييييييييييير ... بدات مع شلة الفساد ادخل في عاااااالم ثاني ...
التعارف والخرووج والسهر وغيره وانتوا كملوا (لاحول ولاقوة الا بالله ) وفي واحدة من زميلاتي كانت تنصحني اني ابعد عنهم ..وما ارضى وكانت حجتي اني عشت حياة صعبة ومحررومة من كل شي خلوني اعيش ((( تخيلوا اي حياة هذي ؟)))
المهم ... واحدة من صحباتي دعت دعوة ما انساها ابدا وزميلتي ماشاء الله ممن تخاف الله ...
قالتلي انتي انسانه رائعه وقلبك نظييف وجميلة لاتستغلي كل شي جميل فيكي بشي سئ اذا حياتك سيئة هذا مو عذر انتي لو بحاجة للحنان من احد انشاء الله تلاقيه عند ربنا ويجي احد وينتشلكي من بؤرة الفساد اللي طحتي فيها وبكيت وقلتلها ما اقدر اتراجع لاني خايفة اخرج ويؤذوني ... لكن الله يسعدها وقفت معايا وساعدتني ... وخرجت من العالم اللي دخلته بكل ثقة وكنت احسب راح الاقي السعادة ...
السعادة لقيتها مع ربنا ... كنت اول ما اركع ركعه والان صرت احافظ على كل صلواتي وحقوقي تجاه ربنا وحياتي اتغيرت للافضل حتى المشاكل في البيت خفت وصرت دائما سعيدة بدوون سبب .. وكنت ادعي ربنا انه يسخرلي بابن الحلال اللي يسعدني ....
اتمنى انكم تتعظوا وتحسوا بالامي اللي كانت مسيطرة عليا لكن الان الحمد لله كل شي اتغير وحتى شكلي باين انه تغير واي احد يشوفني يقووول صرتي احلى وشكلك زي العرايس ( الحمد لله هذا من فضل ربي )

الان انا في مشكلة جديدة وقلت هذي المرة خلوني اسال اخواتي في الله .. يمكن يساعدوني ؟؟؟
انا اتقدملي واحد ابن حلال .. طيب ومحترم ومقتدر ولله الحمد وانسان مافيه شي ناقص .. لكن اهلي رافضيييين رفضا باتا عليه وحجتهم انه انسان منفصل وعنده اولاد وانا لسه صغيرة ماجربت الحياة ومن حقي اخذ واحد مثلي اهلي جزء منهم موافق والجزء الثاني لا ...
انتوا يمكن تقولوا صح كلامهم وكمان ايش يدريكي انه طيب ومايكوون انسان سئ ؟؟؟
اقلكم كل شي بيد ربنا انا صليت واستخرت لمدة اسبوووع وانا مرتاحه جدا وابغاه من كل قلبي ومتمسكة بيه ولاتقوا يمكن فراغ عاطفي لا الحمد لله انا حالي افضل بكثييير ورفضت ناس قبله كثييير لاني ما ارتحت لكن معاه شي غير .. صدقوووني انسان رائع وباين عليه اما سبب انفصاله عن زوجته فهذي حكاية ثانية ما احب اتكلم عنها لانه من ستر عى مسلم ستر الله عليه يوم القيامة ... لكن هوا ماسابها من فراغ وهذا اقل شي اقدر اقوله
الان كيييف اتصرف مع اهلي كيف اكلمهم ؟؟ تراه مستعد ينفذ كل طلباتي لانه هوا كمان متمسك بيا واهلي عارفييين وقلهم انه يبغاني و راح يحاول المستحيل ...
امي تقووول راح يقارن بينك وبينها!!! وكمان اولاده انتي حتربيهم !!! رغم انه لاولاد مع امهم ووعدني انه مايجيبهم عندي ابدا لانه هذا من حقي ما اشوفهم لكن بالنسبة ليا شي عادي لانهم اطفال ومالهم ذنب ...
امي تقووول لو ماكان منفصل كان وافقت لانه صحيح كلامك انسان رائع وباين عليه واهلوا طيبين لكن لا وجوابي لا ولو حاولتي تسوي شي ياويلك مني ...وباين عليكي يابنتي متعلقة بيه ولاتحاولي معانا ...
بس في يوم فتحت الايمميل ولقيت رساله منه ( ما اعرف كيف اخذه ) يتاسف اذا سببلي احراج مع اهلي وانه اهلي كلامهم صح لاني لسه صغيرة وانه هما اهم منه ولاتسوي شي يغضب ربنا وانه ما ارسل الرساله عشان يلعب بيا لانه عنده اخوات ويخاف ربنا وقال لو احتجتي في يوم شي راح تلاقيني اول شخص اوقف معاكي حتى لو ما حصل بيننا نصيب ...
انا ما ابغى اطووول عليكم اكثر من كذه لكن اتمنى تكونوا فهمتوا كل شي .... وتقولوا رايكم وانا ما ازعل ابدا

بس ابغى اعرف ايش اسوي مع اهلي ؟؟؟ كيف اتكلم معاهم ؟؟؟ انا باصلي وادعي كل يوم وكل شي بيد ربنا .. هل خلاص ارضى بكلام اهلي ؟؟؟ وان شاء الله ربي يعوضني او في حل ثاني ؟؟؟؟
ونسيت اقلكم انه عمري( 20 )..... واذا تحبوا تعرفوا عمراللي اتقدملي فهوا (34 )...\يعني رجال مو لسه صغير وقصده يلعب ..

اتمنى تساعدوني واجزاكم الله خييير ...علما باني طرحت موضوعي في منتدى اخر ولقيت ردود مقنعة لكني حبيت اسال كمان ..
وسامحووووني اذا طولت عليكم ....

الله يوفقك اختي والتائب عن الذنب كمن لا ذنب له والله يثبتك
بالنسبة لاهلك شوفي من يقدر ياثر على الثاني يعني من الي كلمته تمشي ويقدر يقنع الثاني وحاولي معاه مثلا لو امك كلميها واخبريها انك صليتي استخارة ومرتاحة له والله يوفقك ولو اني اشوفه كبير شوية وانتي بعدك صغيرة وبيجيكي الي احسن منه

__________________
سبحان الله وبحمده سبحان الله العظيم

الحمدلله أن من الله عليك بالهداية ولم يقبضك إليه وأنت مقيمة على معاصيه ... وبالنسبة لمن تقدم إليك فلابد أن تضعي في إعتباراتك أن الأطفال إذا أمهم تزوجت فسيأخذهم أبوهم فهل عندك إستعداد أن تربيهم .. لاتظلمنينهم يكفي أنهم أصبحوا مشتتين وقد يعانون مما عانيت أنت منهم في صغرك من المشاكل.....

عموما أسأل الله أن يكتب لك مافيه خير لدنياك وأخراك ......

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

toti_froti ... ان شاء الله يجيني اللي احسن منه لكن مسيطرة عليا هواجس اني راح اقعد طووول عمري وحييييدة وماراح اتغير ابدا


[line]


بنت طيبة الطيبه .. لا اعتقد ان امهم ستتجوز ,,, ولايهمني فانا لن اظلمهم ابدا ... لكن انا محتارة هل ارضى فيه ؟ ام اسمع كلام اهلي .؟.. خصوصا اني اعتقد انه لايعوض وخايفة ان لا اجد مثله

وما تشائون إلا أن يشاء الله
صدق الله العظيم
إسمعي يا أختي لو أنت راضية به و مقتنعة 100 في 100 توكلي على الله وإدا كنت غير مقتنعة به فأتركي أمرك لقضاء الله و قدره
أخوك

hulkpop

__________________

و ما تشائون إلا أن يشاء الله

أستغفر الله العظيم من كل ذنب عظيم

مرحبا

اسمعي اختي الله يوفقك ويسعدك ويثبتك ..!!

أنا حاسه فيك وحاسه بمشكلتك واذا كان الموضوع متوقف على موافقتك فنصيحتي لك كالأتي حتى تتخذي قرار عقلاني بعيد عن العواطف والمشاعر ..!!

هاتي ورقه وقلم وأكتبي الصفات الحسنه والتي تميز هذا الرجل وكذلك الأسباب التي يرفضها أهلك فيه

وحطي ببالك أن هذا الرجل متزوج وعنده أولاد
يعني فيه عدة احتمالات بهذا الموضوع
أولها أن قد يرجع زوجته الأولى وتصبحين أنتي الزوجه الثانيه وشوفي نفسك وشاوري عمرك هل ستتحملين أن تكوني الزوجه الثانيه ؟؟

والإحتمال الثاني وهو أن تتزوج الأم ويجيب عياله تربينهم أنتي وهنا بعد شوفي نفسك هل سقبلين بذلك وتتحملين وتربينهم بما يرضي الله

ونصيحتي لك لا تصدقين وعووووووووووووووووووود أي رجل قبل الزواج هذا حبيبتي كله يتغير بس تتزوجينه واتصيرين قدام الأمر الواقع

الرجال يا عمري مخادعين ومحتالين ..!!
وخصوصاً اذا كان متزوج ...!!!

إستخيري واسمعي مشورة الأكبر منك ولا تدعين تجاربك السابقه المحزنه بالحياه أن تؤثر عليك وبإختيارتك وتقطين نفسك قطه تندمين عليها طول عمرك

اتجهي الى خالقك أن ينور لك بصيرتك ويفتح لك باب الرزق والستر من أوسع أبوابه

ولا تعاندين أهلك مافيه رجال بالعالم يستاهل ان الوحده تخسر اهلها عشانه مهما كان

وصدقيني البنت اللي تحترم اهلها ووجهة نظرهم حتى زوجها راح يحترمها بعدين ويقدر لها موقفها


اتمنى لك التوفيق

hulkpop .... تجيني اوقات اكوون مقتنعة بيه واوقات لا ... الله يعينني بس .. مشكوور اخوي
[line]
وردهـ .. اكيييييييييد ياقلبي مستحيل اخسر اهلي عشان احد حتى لو زوجي وصحيح كلامك لما شوف الزوج زوجته محترمة اهلها راح يحترمها كمان بس بعد الكلام اللي سمعته خايفة وشكلي باتراجع وربنا قادر يرزققني باللي احسن منه لاني لسه صغييييييييييييييرة
يمكن كلام امي صح ... الله يعينني ... مشكووورة اختي على النصيحة

اختي توك ما شاء الله عليك بالـعـ20شرينات من عمرك

__________________

وينها
كيف اتركتني
ليييييش ما جت في وعدها

الفارس26 ... بنوووووووووتة صغيرونة .. ...

السلام عليكم
اختي
كثير من الرجال ينفصلون عن زوجاتهم وتكون الزوجة هي اساس المشكلة
حاولي اقناع اهلك بذلك
بما انك تقولين انه محترم وكذلك عائلته
اذا ما عليك سوى التوجه الى الله
وكما علمت فان الله لا يخذل احداا
وما عليك سوى الدعاء
وتوكلي على الله
لو ليكي نصيب ... تآخذيه