الاخوة الكرام
السلام عليكم ورحمة الله ويركاته
بإذن الله سيكون أول لقاء بيني وبين زوجتي بعد أن عقدت عليها الأسبوع القادم ..

وأنا أريد رأيكم في طبيعة الأحاديث بيننا وفي ماذا نتحدث ونقضي الوقت ؟
وما هو أنسب وقت للحضور إلى بيت أهل زوجتي ؟


وكل ما عندكم أرجو ألا تبخلوا به على أخيكم المحتاج بعد الله إلى مشورتكم
وإن كان هناك روابط سابقة تحدثت في الموضوع فأرجو أن تدلوني عليها لأسيفيد منها ..

فاذكروا كل شيء من الألف إلى الياء حتى نوع العطر المناسب ؟؟

وفقكم الله لخيري الدنيا والآخرة .. آآآآآآآآآآآآآآآمين

هلا أخوي
مبرروك لك والله يهنيكمببعض ان شاء الله


بصراحة أنا ما جربت ها الشي ولكن كفتاة ..أعتقد إني أحب زوجي يكون عفوي وتكون السوالف بيننا هادية وخفيفة

يعني مومن أول لقاء تتكلم عن مخططاتك المستقبلية .. لوصار ها الشي وتكلمخطيبي عن مخططاتنا كأسرة منأول لقااء راحأرتبكوما أعرف كيف اقوله رااايي

اقعدمعاها قعدة حبايب وخلان مثل ما يقولون

وعبر لها بالكلام عن مدى سعادتك برؤيتها وارتباطك بها ... وامدح لبسها ..شكلها ...صوتها ...نظرتها ..

وحلو إنك تجيب معاك هدية بسيطة لها .. تعبر عن مدى حبك وامتنانك لأنك ارتبطت بها



الله يوفقك ان شاء الله
طمننا عليك

__________________
الظلال تمد ايديها لنا !
هل يا ترى تكون ارفق علينا من الضوء؟

الف مبروك والله يوفقك ممكن تجي لهم بعد صلاة العشاء ويكون معاك ورد وهديه (عطر dior addict)لونه زهري بالمره حلو- ياليت الكلام مايكون فيه تكلف ولا مثاليه كن على طبيعتك اتمنى اكون افدتك

مبروك اخي الكريم

والله انصحك بقول كل ماهو في نفسك

مع التحية

الأخ هشام عزيز,,


ألف مبروك.. الله يهنيكم ويسعدكم يا رب.



أنسب وقت بين المغرب والعشاء.. بعد العشاء يعني راح يضطروا يسوا عشى.. إلا إذا هي طابختلك .. تدخل بورد.. حسب النوع اللي تحبه بالنسبة لي أفضل " كزبلنكا " الأبيض أو الفوشي.. ولو حبيت تاخذ هدية حسب ميزانيتك لو عطر ممكن تروح بنفسك تشم العطور وأكثر شي عجبك اشتريه..

بالنسبة للكلام.. اوصف لها انطباعك عن يوم العقد وكم كانت جميلة وما هو شعورك في ذاك اليوم.. تجنب إظهار احسن ما عندك وتجنب الإهتمام الزايد لأنك حينما تعتادون على بعضكم وتتصرف بطبيعية سوف تشعر بالفرق وتقول لك انت تغيرت علي.. تصرف على طبيعتك قدر الإمكان.. لا تستعجل الكلام ادخل بابتسامة عريضة ونظرات معبرة أول ما تقع عينك عليها إمدح مظهرها مثلا قل " ماشاء الله شكلك مرة حلو " ادخل وإجلس.. اسألها عن والديها واخوانها واخواتها.. راح تستأذن تجيب عصير أو حلى واستمر بالإبتسامات.. بس والكلام هو يجي.. احكي لها عن أيام زمان المدرسة او الجامعة والمقالب والمواقف المضحكة.. واسئلها.. وهكذا.. مواضيع جادة تخليكم تضيعوا راح ترجع البيت وتقعد تفكر إيش كان قصدها وإيش كانت تبغى توصلي.. المستقبل باين مسؤولية و أولاد.. تكلموا في مواضيع عامة.. لا تعبي خليها لوقتها عفوية وراح تسترلوا في الحديث.

__________________

من وثق بالله أغناه

ومن توكل على الله كفاه

[CENTER]______________________________

كرروا معي يا بنات


أنا لؤلؤة.. داخل محارة.. في بحر عميق.. لن يكتشفها !!..

إلا غواص ماهر

[CENTER]قال علي بن أبي طالب للأشعث بن قيس:

إن صبرت جرى عليك القدر وأنت مأجور ، وإن جزعت جرى عليك القدر وأنت مأزور[/CENTER]

[/CENTER]

ألف مبروك أخوي و الله يوفقك
أنا ما أقدر أتكلم عن تجربتي لأني كنت مخطوبة لفترة قبل الملكة و شفت زوجي خلال هالفترة كم مرة و كنت أكلمه كل يوم فبعد الملكة كان فيه بيننا نوع من الألفه

بس راح أحاول أقول لك بعض الأشياء
أول شي لاااااااااازم تاخذ لها هدية شي كذا وسط يعني مو مرة بسيط ولا مرة أوفر شي وسط
مثلا مثل ما قالت الأخت اللي قبلي عطر أو شي..ديور أدكت حلو..من كم يوم شميت عطر اسكادا آخر واحد كذا حلو و منعش...أنا من رأيي انت اختار بنفسك روح شمشم و شوف شي يعجبك (يعني تخيل تشتريلها عطر و بعدين انت ما يعجبك و هي تحطه لك كل يوم؟؟؟؟ ورطة)
ممكن كمان مع العطر تاخذ الكريم اللي يجي معاه و حطهم مثلا في سلة أو صندوق مع ورد و كذا (الورد حلو لازم لازم تاخذ لها ورد (بس أنا في رأيي أول مرة تاخذ شي مع الورد لأن الورد بعد فتره يذبل لازم معاه شي يظل ذكرى) :14:

بالنسبة لأنسب وقت أنا في رأيي كذا بعد صلاة المغرب...يعني تعرفون الحين الليل قصير و مو معقول أول مرة تروح عندهم تقعد للفجر وش يقولون أهلها؟؟ ...شي ثاني بعد كذا وقت الصلاة تكون زي بريك علشان إذا الأمور صارت شوي overwhelming نفسيا يقدر كل واحد منكم يلقط نفسه شوي و يرتب خشته يعني تغسل وجهك و ضربات قلبك و ضغطك يرجعون طبيعي شوي

نصيحة في اللقاء الأول يعني أول ما تشوفها سلم عليها باليد و بوس يدها و لاحظ رد فعلها يعني إذا تخرعت خف عليها من هالناحية..إذا حسيت انها استحت بس عادي لما تكون جالس معها ممكن تتقرب منها و تمسك يدها (أو مد لها يدك و شوف إذا هي تاخذها ولا لا...إذا ما أخذتها لا تبين لها مثلا انك تضايقت أو شي خل الموضوع ايزي يعني اضحك مثلا و قول لها مو مشكله بكرة نحاول مرة ثانية) و غير الموضوع يعني هي راح تكون مرتبكة و ما تدري إيش تسوي تعطيك يدها ولا لا فانت لا تحسسها انها تحت ضغط أو شي طيب؟؟؟؟ إذا حسيت انها تعودت على يدك ممكن تبوسها و انتوا جالسين (اليد أقصد..اللي في بالك هذا مو من أول يوم لا تتصرقع شوي شوي أول شي اليد و بعدها بكم يوم تنتقل للخد و بعدهم بكم يوم أو كم أسبوع على حسب تبدأ تتطور شوي شوي) المهم إذا بست يدها طالع في عينها و شاهدها و هي تتحول من اللون الطبيعي إلى لون الطماطم
أيش كمان؟؟؟ ايه قبل لا تطلع بوس راسها و قول لها تصبحين على خير و اسألها متى ممكن تكلمها (لأن غالبا هي في البداية ما راح تكلمك راح تنتظر منك انت المكالمات...ثقل بنات بعدين راح تطفي جوالك علشان تفتك من ازعاجها ...أمزح)

في أيش تتكلمون؟؟ لول أنا أتذكر أول مرة جلست مع زوجي كنت مرتبكه حيييييييييييييييييييييل و وجهي أحمر و حالتي حاله و لما يسألني أجاوب على قد السؤال شلونج؟ الحمدلله..شلون الدراسة؟ الحمدلله..فيه شي ودك تسأليني عنه؟ لا..الخ....بعدين سألني أيش المواد اللي تدرسونها الحين؟ (بما ان هو تخصصه نفس تخصصي بس هو دارس دراسه خارجية و أنا أدرس دراسه داخليه) و وقتها انطلق لساني صرت أقول له و هو يرد عليه مثل أقول له ناخذ المادة (أ) فهو يقول وع أكره هالمادة و أقول له ناخذ (ب) فهو يقول ايه هذه أكثر ماده أحبها و أنا أقول له بالعكس أكرهها غثيثة قال لي تبين دروس خصوصي؟؟ و مادة (ج) نتفق عليها...و بعدين سألني وش ودك تتخصصين؟؟ قلت له و سألته و انت؟؟ قال لي و قال لي ان هو يفكر يتخصص في أمريكا و كذا و سألني إذا كان عندي مانع و منها شوي شوي دخلنا في الكلام عن المستقبل و غيرنا الموضوع و تكلمنا في أشياء ثانية و تعال شوفنا الحين ما نسكت أبدا

المهم الغرض من طرحي لهالقصه هي اني أقول لك
ابدأ معها بالتدريج حاول تشوف موضوع هي تحس براحه انها تتكلم فيه (يعني أنا زوجي يقول لي أنا يوم طريت الجامعة و لسانك انطلق قلت خلاص يا رجال تراك وجدتها وجدتها :14: ) فانت جس نبضها شوف هي عن أيش تحب تتكلم...أو ممكن مثلا ببساطه اسألها عن يومها إذا تكلمت بتوسع ممكن منها تتفرعون لموضوع ثاني..إذا بس قالت لك الحمد لله قول لها عن يومك و نفس الشي انتقل منه على موضوع ثاني بس أهم شي خليك طبيعي و خل الأمور تمشي طبيعيه و إذا صار موقف محرج أو شي ترا عااااااااااااادي لا تخاف و تحس انك خبصت و تتفشل (أصلا طبيعي هاليوم يكون محرج بس بعدين بتصيرون تضحكون عليه) بالنسبة للمخططات المستقبليه و كذا مثل ما قالت الأخت لا تتطرق لها الا إذا جات بالصورة بشكل عفوي (مثل قصتي) أو إذا هي سألتك

العطر و اللبس:
أول يوم روح لها بثوب بدون شماغ (إلا إذا انت متعود تلبس شماغ كل يوم) يعني ما يكون شكلك مره سبور ولا مرة رسمي
العطر نفس الشي..يكون باين بس مو يفطسها
be delecious حلو و خفيف أو إذا تحب العود استخدم عود
أو إذا بتشتريلها عطر و فيه منه رجالي استخدمه كذا تطقمون مع بعض

هذا اللي عندي الحين
و إن شاء الله تفهم قصدي.. أدري الكلام شوي ملخبط و سايح على بعضه بس اعذرني مستعجله و قاعده أكتب اللي يجي في بالي على طول
عموما إن شاء الله من بين خرابيطي ممكن تستفيد بشي أو شيئين و ان شاء الله الأخوان ما يقصرون معاك

بس أهم شي خلك طبييييييعي يعني الأمور مو لازم تكون بيرفكت يعني أحسن من أنك تكون ممثل أول يوم و بعدها يا اما انك تضطر تكمل تمثيل أو هي راح تحس انك تغيرت عليها يعني هذه زوجتك اللي ان شاء الله راح تكمل بقية حياتك معاها فكون طبيعي معها ترا صدقني هذا أحسن شي و بالتوفيق...و طمنا

نصيحة نصيحة نصيحة نصيحة نصيحة نصيحة

لا ثم ألف لا انك ترتب لهذا اللقاء ...

خلك على طبيعتك وخل لسانك يتكلم بما ينطق به في ذلك الموقف .. ترى هذي لذتها ..

بعدين نصيحة كثير من(( الكفحالات )))) ..

رأيي أن تكون على سجيتك فالنساء يحببن العفوية

اما ان تغرقها في بحر من الرومانسية فلا تفعل الا اذا كان هذا طبعك 000 لانه ان لم يكن طبعك الرومانسية وادعيت هذا في الملكة

تخيل مالذي يحدث بعد الزواج بسبب افتقاد الزوجة هذا 000 وتظنك تغيرت عليها 000 ستنكد عليك الحياة

لذا كن على سجيتك لتتعود عليك الزوجة وتريحك بعد الزواج

حبيب قلبي


انا اذا عقدت مثلا راح اتبع التالي
























خليك مثل ماانت..... انا راح اكون على طبيعتي...


الله يوفقك