السلام عليكم ورحمة الله وبركاتة


ياليت تساعدوني انا متوترة كثير وخايفة ؟؟؟ زواجي باقي علية 10 ايام بس وانا محتارة وش اسوي لبشرتي ابيها ناعمة ورطبة وفاتحة انا قمحية اللون ومابي استخدم المواد الكيميائية ابي شي طبيعي ويعطي مفعول سريع المدة بسيطة باقية ؟؟؟
تكفون ساعدوني ...

الف مبرووك

و الله يوفقج و يبارك لج...


لو كنت مكانج...يمكن كنت سويت تقشير كرستالي...نتايجة وايد حلوه..و سريعة...يفتح البشرة و يشيل الآثار..و يحطيها نظرة: )



اتريا باقي ردود باقي العضوات


و الله يوفقج

عشر ايام مااعتقد يمديك

اهم شي اشربي 8 كاسات ماء يوميا

حطي موية ورد في بخاخ ورشي وجهك أكثر من مرة في اليوم

امسحي وجهك بلبن وخليه نصف ساعة واغسليه والله يخلي البشرة مشرقة وحلوة

ومبروك الله يهنيك:14:

__________________
اللهم لك الحمد والشكر
"ولئن شكرتم لأزيدنكم"

هلا حبيبتي ألف مبروك...

موية ورد مع نشا ممتازة للبشرة حطي موية ورد مع شوي نشا وكل شوي بللي وجهك فيها وكل ما تنشف على وجهك

إرجعي حطي ثاني وهكذا لين ساعة على هذا الحال أو ساعتين وبعدين إشطفي وجهك وبتحسينه منور مرة وحطي

لبن مع خيار بالخلاط وحطيه على وجهك لمدة نصف ساعة ومنثم جهزي خيار مع شوي موية بس شوي وبالخلاط ومن ثم

إغسلي وجهك فيه قبل تنامين ونامي عليه ويوم تصحين بتلاقين وجهك منور ومن ثم بالصباح إرجعي حطي منه ثاني

وإحفظيه بالثلاجة..

مبروك والله يوفقك يارب..

__________________

يد خدامتنا.... هي واااااااااااااايد سمرا.. سودا... ويدها نفس الشي... خذت شوية من الخلطه وفركت ايدها فيها... والله العظييييييييييييم مفاجأه ... لدرجه انها هي (خدامتنا) تقول شو هذا؟ سحررررررر؟
صارت ايديها بنيه......بدل ما كانت سودا وبشكل واضح.. نضيييييييييفه


الخلطه للوجه وللجسم.. وخاصه اليدين والرجلين... جربتها على رجل امي وخالتي .. كانت عندهم سواد على الصبع الكبير ... رااااااااااااااااااااااااااح نهائيا من الفرك لمده دقائق
بس بشرط تدعون لصاحبه الخلطه الله يخليكم
يعني الخطوات هي...
تفكرين جسمج بقوة شوي ... وبعد الفرك تضيفين شويه من الخليط على الجسم او اليد او الرجل او الوجه وتخلينه نص ساعه او الى ان يجف... وبعدها شيليه بالتقشير بيدج او بالماي البارد ... وشووووووووووفي النتايج وادعي لي ولصاحبه الوصفه.. هي وحده مصريه وطيبه وحبوبه والحين عليها مشاكل ماديه... ادعوا لها

بالنسبه للوجه افركي ويهج فيه وبعدها حطيه كماسك لمده نص ساعه.. وشيليه بالتقشير بيدج او بالماي البارد...

الخلطه هي...وانصح كل وحده تسويها.... والكميه هذي كبيره وتكفي لعده ايام.. بس لازم تحفظونها في الثلاجه علشان ما تخترب وتبقى لفتره اطول..

هااااااااااااتوا ورقه وقلم واكتبوووووووووووها

قشور 3 موزات... بس القشور من غير الفاكهه نفسها( يعني كلي 3 موزات وخلي قشورها للخلطه )
بطاطا مسلوقه مع قشورها
نص ليمونه صفرا مع قشورها
كوب حليب طازج(حليب نادك او مراعي او العين او اي حليب حجم صغير) الحجم الصغير للحليب .. تحطينه كله.. لأنه يعادل كوب تقريبا

وبــــــــــــــــــس..

تاخذين قشور 3 موزات والبطاطا المسلوقه مع قشورها ونص ليمونه مع قشورها والحليب وتحطينهم بالخلاطه وتخلطينهم عدل عدل عدل...

يطلع لج لون بني

خذيه وحطيه في علبه زجاج ( علبه ورق عنب مثلا راح يوصل لاكثر من النص) وخذيه وحطيه بالثلاجه علشان ما يخترب

وخذي منه اللي يكفي ويهج ويدينج وريولج وجربيه بنفس اليووووووووووم حتى لو مب بارد

وشوووووووووووووووووووووفي النتايج الرهيبه

والله رهيييييييييييييييييبه جربيه وشوفيه

بس نصيحه.. افركي ايدج عدل فيها... وحطيه ماسك نص ساعه
والوجه افكريه بحركات دائريه لفتره 5 دفايق واغسليه وبعدين حطي كميه منها كماسك لمده نصف ساعه وشووووووووووفي الفرق


ممكن تسوينها كل يوم ماشي اي مشكله.. انا اسويها كل يوم.. بس افرك ويهي فيه وبعدين اخليه ماسك..وساعات بس اغسل ويهي فيه

وشوفي النتايج
منقول وانا جربتها
والله يسر امرك

حبيبتي اولا مبروك الزواج ثانبا اقلك شغلة انا مسويتها

حطي ايناء حديدي على نار مرتفعة لحد ما يديكي بخار بعين اربي بشرتك من البخار ده 30 دقيقة كل يوم طبعا مع القليل من الاستراحات و بعدين لما وشك يبرد اغسليه بماية دافية و انصحك باستعمال كريم fair and lovely

و اتمنى لك حياة سعيدة

انا استخدمت خلطة جورية زمانها صراحة الخلطة وايد حلوة ومفيدة واايد جربيها صدق بتحسي بالفرق من اول مرة
واحب اخبرج عن خلطة انا يوميا استخدمها وهي تخلي للويه نضارة
الخلطة هي
صابونة البابايا - زيت لوز - ماء
تبشرين الصابونة وتحطين عليه الزيت وتضيفين الماء وتخلطينهم بالخلاط وعقب حطيهم بزجاجة واستخدميها قبل الرقاد وبعد ما تقومين من الرقاد ووايد حلوة ها الخلطة انصحج بها


انشاءالله اني قدرت افيدج اختي
اختج
ناعمة