السلام عليكم ورحمة الله وبركاته
اخواني وخواتي انا اول مره اكتب موضوع في عالم المطلقات والارامل والعوانس
تعودت اني اكتب بس في عالم المتزوجين لاني متزوجه وام عيال
بس اليوم قلت فضول بدخل اشوف وش سالفتكم ؟؟
وابي اعرف ليش يعني لكم عالم خاص فيكم ؟؟
وبصراحه استغربت جداً !!!
خير يعني مطلقه او ارمله او عانس !!
سو وت ؟؟ شفيها يعني ؟؟
مو هذا هو النصيب !!
ما احنا بعد المتزوجات ممكن نكون مطلقات او ارامل وممكن البنت الصغيره تصير عانس !!
هذا النصيب ليش الزعل !!
صحيح نتكدر ونزعل ونصيح بوقت المصيبه بس مو نعامل انفسنا كشي منبوذ او شي غلط ومو طبيعي ؟؟
انا متزوجه وعندي صديقاااااااااات شكثر مطلقات وعوانس وعايشين حياتهم طبيعي
نزور بعض ونطلع مع بعض واي نعم ممكن يفكرون بزوج يعوضهم خير بس ابدا ماشفت منهم هالانكسار اللي فيكم !!
قولوا يارب عوضنا زوج صالح او ارزقنا الزوج الصالح بس لاتكونون مكسورين وحزينيين وتستعطفون الناس
هذي تقدير من الله محد يعرف الحكمه منها (( وعسى ان تكرهوا شيئا وهو خير لكم ))
وعيشوا حياتكم بوظيفه .. بطاعة والدينكم .... بزيارة اقارب.... بحفظ قران ... الخ
وبأي شي حلال يشغلكم الا هالشي ( الزواج ) انسوه او تناسوه
وخلوه لتقدير الرحمن الرحيم القادر على كل شي هذا بيده متى ماالله راد بيرزقكم

وانتوا مو ناقصكم شي اخواني وخواتي عادي جدا ارمله او مطلقه او عانس شفيها يعني
احنا احسن منكم بوشوا ؟؟
ماحنا بعد عندنا مشاكل مع الزوج والعيال
والواحده فينا تتمنى احيانا لو ترد بنت ترتاح شوي من المسؤوليات وتشوف حياتها

ويالله عاد بلا دلع انت وياها
ولا عاد اشوفم تعترضون على النصيب
وعيشوا حياتكم مثل مالله كتبها لكم الين يفرجها

اخيراً ... تحياتي ودعواتي الحاره لكم
اختكم صريحه جداً

__________________

حبيبتي انتي تشوفي جانب وااحد بس ...

الامور اللي يتكلم فيها الجميع مايقدر يتكلموا فيها في واقعهم وفي حياتهم ...

الكل داخل هنا بس يفضفض ...

والا اصلا الجميع ماشاء الله يعيش حياته مبسووط وسعييييد .. ومافي اي شئ ...

وربنا قادر يرزقك الجميييع سواء في الزواج او غيره ...

وعليكم السلام ورحمة الله وبركاته

أعرف أنك تريدين التخفيف علينا ..

باختصار .. العانس أو المطلقة أو الأرملة .. تعاني من الحرمان العاطفي والتي لم تنجب تعاني من الحرمان من الأمومة


قلتي ( نزور بعض ونطلع مع بعض ) .. ما رأيك إذا قلت أني لا أستطيع فعل ذلك لأنني ببساطة غير متزوجة ..

لا أستطيع زيارة صديقاتي .. لا أستطيع حضور الحفلات والأعراس .. لا أستطيع السفر ..


حياتي متوقفة إلى إشعار آخر


وهذا القسم أنشىء لكي يخفف عنا فقط .. أهذا كثير علينا!!!

ولا تنسي .. أنتم المتزوجون لكم قسم خاص بكم أيضا وعالمكم الخاص

تعرفي اختي صريحة
ماشاء الله من تزوجت بسرعة وهي في سن صغيرة ماراح تفهم احنا ايش نحتاج وتشوف انه احنا مبالغين

لكن اسألي وحده تزوجت وهي في سن متأخرة , اسأليها : تحبي ترجعي بنت عند اهلك وشوفي ايش راح ترد عليكي

اختي الغالية احنا والحمد لله لا ينقصنا غير زوج حنون عطوف
اختي نحن نشتاق الى طفل صغير نضمه الى صدرنا
اليس من حقنا؟؟؟؟
نحن نخاف الوحده
انا اخاااااااااااف اموت وماالاقي حد يدعي لي

__________________
لا تنسوني من صالح دعائكم

اختي الله يعينكم انا في العادة اشوف المشاركات الجديدة في اي عالم واحب اشارك واللي لفت نظري انك تقولين لو تزوجت بسن متاخره تحبي الوحده ترجع بيت اهلها

اختي انا ماتزوجت بسن متاخره لكن اقولك ليتني ارجع بيت اهلي بلا مسؤوليه وولاد وزوج يتحكم فيه
عندي اخت زوجي تزوجت وعمرها 33 سنه تقول نفس الكلام دايما تقولي ليتني ماتزوجت تقولي كنت عايشه حياتي اجي واروح ماحد يقولي لا اما الحين مربوطه بزوجها وعيالها غير ياحرام كل يوم مشكله وعايشه بتعاسه الله يعينها

الله يرزقكم بولاد الحلال اللي يريحوا بالكم ويعينوكم ويرزقكم بالذرية الصالحه

لكن ماتياسوا من رحمة الله ادعوا وان شاء الله دعاءكم يستجاب

__________________
اللهم ياحنان يامنان ياحليم يامالك الملك بيدك الخير كله اسألك باسمك العظيم ان تشفي اخي شفاء تاما لا سقم بعده ..

شكرا اختي على الموضوع الحلو

بس حبيت أقولك اني كتبت موضوع قريب من موضوعك وحسيته بدل ما يدواي الجراح لقيه يزيدها!

لاني مثلك لما اتكلم مع وحدة غير متزوجة واقولها انبسطي الحياة حلوة مو بس في الزواج بالعكس فيه متزوجات تعباناااااااات من حياتهم ويقولون ويحلو القعدة من غير زوج!

لن حسيت ان الكلام هذا يشعرهم انا ما احنا حاسين بجراحهم وانا نتبطر على نعمة الزواج... ..

وصدقيني مهما قلتي لأي وحدة ما تزوجت مهما قلتي لها وشافت وسمعت وقرأت عن المشاكل الزوجية يظل الزواج بالنسبة لها حلم وردي جميل وممتع..
نداء العاطفة والغريزة يلح ويلح يولح ويضغط عليها في كل تجاه!
وكلما سمعت عن زواج او قرأت عن علاقة حب بين زوجين او حتى غير زوجين!! تظل تتعلق بهالشعور تتمناه يتحرك في داخلها وتتمنى اللحظة اللي تقولها لرجل بطريق حلال...

صدقيني مستحيييييييييييييييييييييل تستغني عن هالشعور ..
اتذكر قبل ما انخطب خطبتي اللي تزوجت فيها كلما راحوا خواتي وطلعوا من اهلي لبيوتهم كلما قريت عن حفل.. كلما ما جا زواج او سهرة مناسبة كلما رحت للسوق شفت فساتين العرايس كلما قريت في جريدة او مجلة كلما كلما كلما!...
اعيش في خيال واقول في نفسي يالله متى يجي النصيب..
مع اني كنت ماخذة الحياةالزوجية بصورة جاااااااااااااااااااااااااااااااااادة جدا! يعني ما اخذتها احلام وحب وبس!
رغم ذلك كنت اعيش بحلم الحب والزواج...
ولو برجع بنت أنا متأكدة برجع أقول مثل ما قالوا ويمكن أكثر!
وطبعا هالشعور ما كان واضح لدرجة أن الكل يشوفه في وجهي لكن وقتها ما كنت أعرف هالموقع والا كان فضفت مثلهم!
هم نفس الشي عايشين حياتهم عادي جدا وينبسطون مثلهم مثلنا تمام بس اذا دخلوا هالمنتدى لقوا فيه أخوات وبنات يعانون من نفس الشعور فيستمتعون مع بعض بالنقاش وتفريغ عواطفهم ومشاعرهم.
الله يرزقهم جميعا ويوفقهم جميعا
وان شاء الله يارب يجي وقت يقولون ما له داعي نحط هالقسم كل بناته ونسائه تزوجوا!

الله يوفق الجميع

لكن تجربة الزواج هي اللي تخلي الوحدة تكسر الأحلام وتدخل الواقع!
وتكتشف ان السعادة ليس لها مكان او زمان او ظروف...

انا معك اختي ( صريحة جدا ) في كل كلمة قلتيها
انت انت سواء تزوجتي ماتزوجتي انجبتي ما انجبتي
الانسانة الي بداخلك هي نفسها الانسانه مافيه شي بيتغير فيك
وفعلا اسلوب الانكسار اللي يكتب به البعض يقهرني ( للعلم انا مطلقه <<<<<<< عشان محد يقول وش دراك وما تحسين بنا ) لازم نكسر حاجز الحزن والالم والشعور بالدونيه الي يشعر به البعض ( واللي تقول اخاف اموت مالاقي احد يدعي لي ........ من قالك ان كل العيال يدعون لهلهم ......الله الهادي وسعي صدرك بس)
واله ان فيه بعض الشخصيات يحسدونهم الناس على المصيبه ليييييييييه لارتفاع روحهم المعنويه وايجابيتهم مع انفسهم اولا
لاعاد اشوف وحده تبكي وتبكبك شبعنا من البكاوي هههههههه الله لايحرمنا طاعته بس

وماراح تشوفين الإنكسار اللي فيهم طول عمرك.. انا ياصريحة بعض صديقاتي المتزوجات يقولون لي نتمنى نعيش العيشة اللي انت عايشتها ياشوبارد!!

واصلا مايدرون ان اعاني يتوقعون اني اتشرط.. وحبيبتي ترانا عايشين حياتنا ولله الحمد لكن ينقصنا نصفنا الثاني

لذلك انت تشوفين جانب واحد من حياتنا وجانب معين من اهتمامنا..

ومهما وضحت لك او صورت لك الصورة ماتوقع راح تشعرين فيها.. محد يحس بالنار الا اللي واطيها

غمضي عيونك وتخيلي حياتك كم ثانية وتخيليها بدون زوجك وابناءك وشوفي كيف ردة فعلك..

أنا احنا أشد من ردة فعلك لأننا ماتذوقناها حتى..

أشكر اهتمامك واحساسك بأخواتك والله يخلي لك زوجك وابناءك وعقبال ماتجين هنا تباركين لنا عرايس :14:

__________________
اللهم لك الحمد والشكر
"ولئن شكرتم لأزيدنكم"

طيب اوكي تطلقي انتي وعيشي مثلا

متزوجه وظامنه زوج معاك وجايه تقولين لنا انسوه ننسى فطره بيت عيال استقرار