انا والله وحدة مسالمة ولا تحب الطق وتمعيط الاذان

ولدي مجنني.......

تعرفون شلون مجنني؟؟؟؟؟

عندي بالبيت يصير حنون ومأدب وخلوق وزي القمر

ما ودكم الا تفعصونه من التبويس

بس يصير ببيت جده وجدته تعالو شوفوا الشخصيه النكدية


لا يسمع كلامي ولا كلام جدته اوجده(علا فكرة هم مسالمين مثلي) ويطق خواله وخالته ويده طويله ولسانه طويل

وحنّان ومزعج وكله يصيح ان شاء الله لو تقوله يا حلو وجهك قعد ينعّر علينا وازعاج وصجة وحوسه


انا اقولكم ليش عندي بالبيت هادئ ومطيع (ابوه شديد معاه ويخاف منه)


واقولكم ليش عند اهلي يصير نكدي (لان جدته وجده مدلعينه بس والله مو كثير حاسبين حساب الدلع الكثير يفسد)


الحين ابي اعرف بس كيف اتصرف معاه اذا عاندني وما سمع كلامي عند اهلي؟؟


مع العلم انه بيكمل الاربع سنوات عن قريب وهو اول حفيد ولسه ماله اخوان...........


وشكرا....

اختكم احلا قطوة........

__________________

	ماعندي كلام أكتبه....لكن عندي شعور صعب أوصفه....رجيتك ناظر عيوني....يمكن تفهم وش فيها لك بقى

اختي جيبيله له اخ او اخت
يتسلى معاه

و حاولي تتفقي معاه قبل ذهابك لاهلك انه يسمع الكلام
في هذه العمر يفهمون اسرع و بدون نقاش

الله يصلح ولدك ويرزقك بالذريه الصالحه

ويرزق كل محروم

__________________

اللهم أنت ربي ، لا إله إلا أنت ، خلقتني وأنا عبدك ، وأنا على عهدك ووعدك ما استطعت ، أبوء لك بنعمتك ، وأبوء لك بذنبي فاغفر لي ، فإنه لا يغفر الذنوب إلا أنت ، أعوذ بك من شر ما صنعت(البخاري)

الله ايخليليك اياه وعقبال ماتشوفينه معرس جنب عروسته

شوفي حبيبتي في هالسن بالسهوله تتحكمي فيه

قبل لاتطلعون مثل ماقلت مشرفتنا الغاليه كلميه بلطف انه يصير عاقل خلليها بالبدايه بمحفزات ...مثل الجوائز ...وبعدها خففيها علشان يتعود يكون هذا طبعه

وفهمي جده وجدته ان الدلع الزايد بيخربه عليهم لازم ايكونو هم بعد اشوي شديدين يعني مو مررره مرره تدليع .


الله يحفظكم لبعض يارب

__________________
عمـــيت عينا لاتجعلك عليـــها رقيبا

أختي ام أثير

مشكوره جدا وراح اخذ بنصيحتك ان شاء الله.......

واختي نرجس

كمان مشكوره وراح اخذ بنصيحتك انتي كمان


والله يعيني

__________________

	ماعندي كلام أكتبه....لكن عندي شعور صعب أوصفه....رجيتك ناظر عيوني....يمكن تفهم وش فيها لك بقى

مادامه يخاف من ابوه .. خلي ابوه قبل لا تروحين بيت اهلج يحذره و يقوله شوف اذا تشيطنت ياويلك ويخرعه وانتي كل ماسوى شي سوي روحج تبين تتصلين على ابوه عشان يجي يطقه او يزفه اي شي

^
ما أئيد الرأي هذا لإنه بيزيد خوفه من أبوه ؟؟

لا حبيبتي لاتخلين ابوه يخرعة لان بعدين الولد راح توقف هذا التصرف جدامكم ومن وراكم يرجع العن من الاول
الخوف من العقاب الشديد خطر على الطفل ويسببلا مشاكل انتي بغنا عنها ..خلي يعرف غلطة ترى بهذا السن الطفل يفهم لايكسر خاطرج اسلوب الثواب والعقاب اهو احسن اسلوب ولاتتراجعين بموقفج معاه اذا عاقبتيه واختي اقصد العقاب المعنوي مو الجسدي يعني المنع من لعبة الحرمان من الذهاب الى مكان مرغوب لاترجعين بكلامج معاه لان جذي راح يعرف نقطة ضعفج .
وفي نقطة مهمة انتي ذكرتيها اهي شده ابوه معاه وهذا ممكن يسبب اضطرابات نفسية وعاطفية عند الطفل وخوف وشك في حب الاهل له بالتالي ينتج عنه السلوك العدواني اللي يمارسه بغياب المسبب ((الاب)) احسن وسيلة تعالجين فيها سلوك الطفل اهي الثواب والعقاب واستخدام العقاب يكون عند الضرورة فقط حتى لايفقد قيمته عند الطفل ويعتاده وبعد من خلال اللعب ممكن انج تعالجين سلوكه اعطيج مثال (( بيت الدمى لتمثيل افراد الاسرة والطفل وخلي الطفل يلعب الادوار وشوفي من يطق من يحب بعدين حاولي تعلمينه الشعور من خلال اللعبة ((اللي تمثل الاهل )) لما طقها ))

نقطة مفيدة (( في هرمية النمو الأخلاقي كما حددها لورانس كوهلبرغ يتجلى المستوى الأدنى في ((إتباع قاعد السلوك لمجرد تفادي العقاب )) أما المستوى الأعلى فهو ((إتباع قواعد السلوك لأنها صحيحة وجيدة )) وحين نصفع أو نصرخ في أولادنا باستمرار بسبب سوء سلوكهم، نميل إلى إيقافهم عند أدنى مستوى للنمو الأخلاقي إذ يهتمون في تفادي العقاب وليس في فعل ماهو جيد أو صحيح. فلا تخلينه يتبع الكلام بسبب الخوف لان مضارة اكثر من فوايدة
وانشالله اكون افدتج
يبلغج بالولد ويحفظا لج انشالله

أختي موضوعك سهل بالحنان يتم مع شوي قوه يعني علميه
وش مفروض يعمل وش مفروض ما يعمل ولو سوا شي غلط
أول ما ترجعي البيت قعديه في مكان إسمه مكان العقاب 10 دقايق وقوليله عشانك عملت شقاوه عند جدانك
وأنا ما أبي أفشلك قدامهم زي ما إنت فشلتني ألحين يقولون ماما ما عرفت تربي ولدها وإعملي زعلانه عليه لو يخمخم ويعمل إللي ينعمل وبيفهم وقتها وش معنا الزعل
والله يخليه لك وتشوفينه معرس إن شاء الله ويساعدك على تربيته على الدين يا رب ويفرحك فيه

__________________

أختي الكريمة أحلا قطوة..


شي عادي الولد في هذا السن يحب جلب الإنتباه.. بالتمرد!

أول ما تبدأ أفلام الأكشن قولي فلان بطل !.. فلان بس وحطي وجهك بوجهه واقلبي وجهك عليه.. لو ما سمع الكلام قليله أنت معاقب دقيقتين لسوء تصرفك.. دخليه غرفة وامسكي يدة الباب راح يحاول يطلع.. ولا تستسلمي لأفلامة الهـ.... والبكاء.. حطي منتبه حى يفهم "Time Out" بعدين راح يطلع يمسكم تبكيس وتلطيش.. طنشوه ولا كلمة..

جبيله ألعاب و قليله يالله نشوف مين راح يفوز أو مين يعرف يلعب أحسن.. شجعيه عشان ينشغل..

وعادي كرري التايم أوت لين يفهم أنه غلط..

والأطفال يعشقون النجوم اللاصقة.. جبيله لوحة ورق.. واكتبي أيام الأسبوع,, وفهميه لو لو شاكس ترسمي وجه زعلان وإذا سوى شي كويس لصقي نجمة.. مع كلمات التشجيع. فلان شاطر ما شاء الله عليه وصفقيله

بدل ما طول الوقت تقليله يا فلان جننتني يا فلان يكفي راح أموت منك ووووو أحضنيه بقوة لين يسكت بدون ولا كلمة ولا تطالعي فعينه.. طنشييه راح يتنحس ويقول ماما ماما ويتبكبك لاحظي ما يبكي يتباكى.. طنششيه وقولي لمن تهدأ أسمعلك.. عوديه بدل البكاء يقول اللي فراصه.. قولي له تكلم قول إيش تبغى بالكلام ما أفهم بالبكاء.... وتغسلي مخه أهم شي والله صديقتي عامله لودها غسيل مخ.. قبل ما تدخله المدرسه تحببه فيها وتحكيله عنها.. إن سوي كذا.. حفظيه أسامي حيوانات أسامي فواكه خضروات ألوان.. وفيها كلمات تحدي.. أتحداك تعرف إيش هذا.. ولو قلت إيش الحيوان هذا راح أقول لبابا أنك كنت عاقل وشاطر.

لا تهدديه بأبوه نهائيا.. ولا تفتني عليه.. حتى يتشجع و يوثق فيك ترى يفهموا هذي الأخلاقيات.. يعني قولي الزوجك لمن ترجعوا من بيت أهلك يسألك قدامه.. كيف كان فلان.. وانت طالعي فولدك قول كان شاطر وحبوب وقولي الأشياء الحلوة اللي سواها لا تخرفي من عندك.. المهم لا تكوني سلبيه بمعاملتك معاه. الآمر الناهي.. وفتره إحرميه من الذهاب لأهلك وخليه عند أبوه.. ولو تسائل عن جده وجدته.. قولي أوديك بس تكون هاديء و تلعب معاهم بدون ما تضرب وتسوي مشاكل راح يفهم.. ما يعرف قيمة الشيء إلا إذا فقده !!

أشتريلة كتب مصورة وابدأي معاه بالتعليم من الآن.. والله يوفقك ويسعدك يارب.

__________________

من وثق بالله أغناه

ومن توكل على الله كفاه

[CENTER]______________________________

كرروا معي يا بنات


أنا لؤلؤة.. داخل محارة.. في بحر عميق.. لن يكتشفها !!..

إلا غواص ماهر

[CENTER]قال علي بن أبي طالب للأشعث بن قيس:

إن صبرت جرى عليك القدر وأنت مأجور ، وإن جزعت جرى عليك القدر وأنت مأزور[/CENTER]

[/CENTER]