السلام عليكم ورحمه الله وبركاته



المشكله بحاول اختصرها لكم .. واسفه اذا طولت عليكم لان ودي تفهمون السالفه كلها عشان تنقذوني بحل



بصراحه انا تعرفت على وحده من البنات من المدرسه قبل اربع سنوات وصارت بصراحه اعز صديقاتي مع انها اتغيرت بعد ماتزوجت وصارت ماتسال الا تبغى شي وانا عاذرتها لان طيبة قلبي مااقدر واتعذر لها الاعذار

المهم بعد تقريبآ سنتين اتزوجت هي واخوها بيوم واحد وحضرت زواجها وكانت امي معاي اتعرفت على امها وصارت بينا زيارات المهم اخوها طلق زوجته بعد اسبوع لان قالتله ماابيك واهلي اغصوبوني هذا كلام اخته الا هي زميلتي وكلام امه والله اعلم ...بعدها حسيت بتلميحات انها بتخطبني لكن انا اخذتها من قاصرها وقلتلها ترى انا مخطوبه بس مو رسمي يعني كلام بين الاهل وبعدها اخوها خطب وحده ثانيه واخذ امكن اسبوعين بعد عقد القران وطلقها وعلى كلام اخته تقول انها اكتشفت انه مدخن وماتبيه ومع ان اخته ماكانت تقولي انه يروح لشيوخ لان كل مايتزوج يتعب طبعا هذا الكلام ام زميلتي تقوله لأمي.. ومع ان في اول صداقتنا كنا نجلس بساعات بالتليفون وكانت تقولي عن خرابيط اخوها وان حتى بطلو يجيبون خدامه بسببه وانه كان يشرب حبوب بس بطلها ... المهم اخته قالتلي نبغاك ادوريلنا على عروس انا اخذت فتره وبعدين قلتلها مااعرف احد وانا فعلن كانت علاقتي محدوده لا قالت نبغى من جماعتكم ونسيت السالفه انا.......


والمشكله بأأخر زياره عرفت ان ام زميلتي عندها شي لان صرفتني قالت روحي لفلانه ساعديها وانا من باب الذوق قمت ولمن رجعت البيت سمعت الطامه .. (قالت لأمي ابغاك ادوريلي على عروس من جماعتكم وامي الحين جالسه تسأل عن عروس وانا والله والله خائفه على امي لان لمن قلتلها ياامي اعتذري قالت وش فيها الحرمه طيبه انا ابي اوصلها وش درانا عن الولد لان مستحيل ام بتقول سوء بولدها..لان امي طيبه واحنا الحمدالله سمعتنا طيبه ومن عائله محترمه مو اقول هالكلام غرور بس اخاف لو بكره عرفو انه من امي بيوافقون عشان امي ولو صار شي لاأأسمح الله بيدعون على أمي ويقولون هذي الي جابته)

والحين ام زميلتي كل بعد فترة تتصل تقول وش صار ياليت تعجلين لان ولدي لازم يملك عشان يحصل على بيت ملك من وظيفته

وانا محتاره وش اسوي وحتى عندي اختبار ماني قادره اركز... وفكرت ماحصلت الا هالطريقه اني اقولكم وابترك امي تقرأ الردود

والله يعطيكم العافيه ويحقق لكم كل ماتتمنونه ويدخلكم الفردوس الاعلى آآآآآآمين


((اللهم إني اشكو اليك ضعف قوتي وقلة حيلتي وهواني عن الناس انت ارحم الراحمين ورب المستضعفين )) اللهم آآآآآآمييييين


تحيتي
اختكم الهم