والله احنا الحريم ما يقنعنا اي شي
بصراحه في مواقف كثيره يسويها زوجي واقول اكيد يحبني بس احيانا
يقصر في بعض الطلبات المهمه جدا رغم انه كريم معي بس في حاجات تخليني اشك في حبه
من التصرفات الي تحسسني انه فعلا يحبني رغم انه دايما يقولي انا احبك واموت فيك بس مدري ليه ما اقتنع المهم
اقولكم المواقف
كان التلفزيون في مكان وجهاز الكمبيوتر في مكان وكان يجلس هو عند الكمبيوتر وانا عند التلفزيون
جاب الكمبيوتر وحطه في غرفه التلفزيون يقول عشان مايكون كل واحد جالس في غرفه
وعشان اذا طلعت برا البيت وتجلسين على الكمبيوتر يكون عندك التلفزيون
واذا شافني اشتغل دايما يقول ارتاحي ولا تتعبين نفسك
واذا ماطبخت غدا مستحيل يزعل مني
احيانا يجي من الدوام وانا نايمه يدخل للمطبخ ويحط له نواشف وخبز ويصحيني وهو مبتسم
واذا كنا جالسن عند التلفزيون هو يحب ينام على الارض ويقواي تعالي نامي جنبي ويحط راسي على صدره وتجلس نتفرج التلفزيون
واذا كنت جالسه بعيد عنه يزعل ويقول تعالي عندي
واذا كنت جالسه على الكنب وهو منسدح على الارض
يمسك رجولي ويبوسها وهو يتفرج التلفزيون
ولو احط له اكل لو شين مستحيل يقول مو حلوه
بس الله يهديه قليل الكلام
ومايسولف علي كثير ويخبي عني امو تافهه
وكثير السفر
الله يهديه

مخاوي العز

شكرا لتجاوبك ..............فعلا زوجتك الثانية تحبك وخايفة عليك

وهالموقف منها يدل على حكمة منها

اسعدك الله .

في مشكه في المنتدى؟؟؟

السلام عليكم ..

اخوتي واخواتي .. أحيانا يفضل الانسان الاستئثار بمواقف الجميلة للمحب له دون ان يشاركه في معرفتها احد ..

لكنني وللصراحة لم أستطع منع نفسي والمشاركة بموقف لم ولن أنساه ما حييت .. (أول شي قولوا ما شاء الله والله يحفظكم (: ....)

يوم ولادتي كان يوما أتذكره بتفاصيلة الصعبة كأي أم تلد للمرة الأولى بالذات .. كانت ولادتي عسيرة والحمد لله على كل حال ..
قمت الصبح وحسيت بما يعرف بالطلق البارد وكنت قد أحسست به قبل أيام من زيادتي للخيرة للدكتورة حتى أخبرتني ان عندي طلق بارد مبكر .. المهم .. زوجي وقتها كان لسا طالب في الجامعة في السنة الأخيرة وقتها أتصلت بأمي حتى تأتي وتاخدي للطوائ للمستشفى ..لاني ما أستطيع أأخر زوجي عن الجامعة ..

في الطوارئ وبعد الاجرآت الطبية السرعة من قياس ضغط وغيرها من أمور المتابعة للحامل في الاشهر الاخيرة .. أخبرني وأمي انه يجب الاسراع في عملية الولادة القيصرية لان عندي تسمم حمل والوضع لا يتحمل التاجيل(كنت وقتها حامل في اليوم الاخير من الشهر الثامن)..

عمتي اخت ابوي عرفت بطريقة ما ان الوضع صعب لما حست الوضع خطير شوي من عدم تواصل امي معا بسبب شبكة الجوال اللي ما تساعد في المستشى جات عندنا فورا ..

عندها امي اتصلت بزوجي اللي طيررااان للمستشفى واجرآت الولادة والاستفسار عن حالتي والجنين .. وعشان ما اعرف انها عملية قيصيرية ما خبروني علشان الضغط ما يرتفع زيادة بسبب التوتر.. بعد ما خلصوا اجرات دخولي للعمليات شفت الدموع في وجه اهلي اللي معي (امي وزوجي وعمتي) فحاولت اتماسك وما ابغى اسالهم عن السالفة ..

المهم ان زوجي دخل معي العملية(الله لا يحرمني منه) .. بعد العملية قعدت 3 أيام في العناية المركزة وبعدها 2 يومين في غرفة خاصة .. زوجي ما كان منه الا انه عزل نفسه معي عن الجامعة والشغل وأقام معي في المستشفى حتى الصلاة في مسجدالمستشفى واذا اضطر يصلي عندي في الغرفة صلى ..

من يومها وانا ما انسى وقفته معاي في المستشفى ويقشعر بدني كل ما تذكرت هذيك الأيام .. الله يخليلي اياه يارب

وعرفت بعدين انه يم كلم امه بعد العملية عشان تطمن علي كان صوته مخنوق من خوفه علي وامه تهدي فيه .

ادعولي الله لا يحرمني منه .. أمين يا رب

أم حمزة

ماشاء الله تبارك الرحمن

مشاعر رائعة

الله يبارك فيكم جميعا ... ويبعد عنكم شر الحساد

الله مايحرمنا يارب هالمشاعر الحلوة الراقية لا دنيا ولا أخرة

الله اتنا في الدنيا حسنة وفي الاخرة حسنة وقنا عذاب النار

ما شاء الله مواقف تشرح الصدر

ما شاء الله لا قوةإلا بالله

الله يديم المحبة بين الأزواج وزوجاتهم

شوقتوووووووووني متى احمل واشوف موقف ز وجي اثناء الحمل والولادة


رب لا تذرني فردا وأنت خير الوراثين

اختي العرووووووووووس

حراااااااااااااااااااااااااااااام عليك

كل هذااااااااااااااااااااااااااااا ما شاء الله و لسة ما اقتنعتي ان زوجك يحبك

صراحة انتي طماااااااااااااعة

وكمان دلووووووووووووعة

ربي لا يحرمكم من بعض ويرزقكم ويفتحها عليكم

قولي امين

اشكركم جميعا

وربي يبارك فيكم ولكم

والله اني سعيدة لهذه المواقف الجميلة

اللهم ادم عليهم المحبة لبعضهم واسعدهم اللهم وزدهم من فضلك ياجواد ياكريم اللهم أمين

العرووووس

لا أزيد على كلام الأخت غلا 2005 جزاها الله خير وبارك الله لك في زوجك .

:
:
EWAM

بارك الله لك في حياتك الزوجية الجديدة

واسعدك دنيا وأخرة

وكفاك بحلاله عن حرامه .........اللهم امين .
:
:
عاشقة الأقصى

ما شاء الله لاقوة الا بالله

الله يبارك لك في زوجك ولا يحرمك منه أبد ويسعدك معه ويسعده معك ويرزقك بالخير اللهم لأمين
:
:
skystar

مشكورة على المشاركة

والعقبا لك .

:
:
الأخت الغالية غلا 2005

اسعدني تواجدك يالغالية

ومشكورة على على الكلام الحلو ومشاركتك اللطيفة

أحبك في الله .

غلا 2005
نووور

الله يسعدكم مثل ما فرحوتوني
شكرا لدعواتكم ويمكن انا طماعه جايز

:d انا عندي قبل ما املك


بعد الخطبه والرؤيه الشرعيه .. صارو بنات خاله يخربو علينا .. لانهم كاو حاطين عينهم عليه يبغوهـ لأختهم


صارو يدقو عليه ويقولو له ... والله ماهي حلوه .. واخلاقها فيها وفيها .. يعني جابوها عالكرامه .. انا خفت انه يهون


وصارت اخته تكلمني عالتلفون ... فجأه دق خط ثاني وانا كنت اكلم اخته ... طلعت وحده من بنات خاله .. أهي جمعت


الخطوط .. وصارت تسمعني كلامهم لأنهم كانو كل يوم يدقو ... بس مع كلام اخته ... فجأه اخذ السماعه من يد اخته


كلمهم بشدهـ وقال لهم انا عاجبتني وابيها وبملك عليها بأسرع وقت .. واختكم خليها ببيتكم الله يرزقها بولد


الحلال ..وأعراض الناس مالكم فيها .. انا متاكد منها .. مافيها اي شي من الي تقولوهـ


طبعا هالكلام كان بعصبيه .. وكان يصارخ عليهم ... لأنهم كانو متشطرين على حماتي بس ....


وحتى قبل الملكه سوو لنا مشاكل .. وحاولو يخربو علينا علشان ما نملك ... بس اهو ماصبر راح لأخوانهم ... بس طلعو


اخوانهم مايدرون عن شي ابدا ... وبعدها انحلت المشاكل وتم كل شي على خير


انا هنا عرفت انه شاريني ... والدليل انه هالمشاكل ضلت سنه كامله ... بس أهو ما مل ابدا


ادري اني طولت :d


اختكم


هموووم