|
طالما انها غيرت كلامها فتستاهل مايجيها
قل لها على اساس كلامك انا استأجرت اللي استأجرته وبتغيير كلامك بيتغير الوضع ابوها كفووووووووووووووووو ... والمثل وانا اختك يقول قبل لا تضمها اسأل عن امها يوم ان الأم عوبه و متعبه وش لك بالبنت؟ الله يصلح الأحوال |
الأخ صقر الشرقية ، عندي 3 مشاريع يتسلموا بعد يومين و ما بديت فيهم
و بعدها مسافرة و راجعة تاني يوم ، يعني أسبوع في قدر الضغط .. إذا فضيت بأكتب لك الرد المنطقي بإذن الله ، و معاك الأخ التونسي .. ------------ الأخ صاحب المشكلة ،، أنا ردي كان بشكل عام .. لا معاك و لا معها .. لإنه مشكلتك ما كانت واضحة في البداية ،، و أشكر لك طولة بالك .. و لي تعليق بعد إنتهائي بإذن الله لإني ما قريت غير رد الأخ صقر لإنه في بداية الصفحة و بحثت عن ردودك حتى أقرأ المستجدات ----------- |
ما قدر أبدأ مذاكرتي قبل لا أرد عليك ..
بس اللي أكلوني بلحمي و عظمي ماني فاضية لهم ألحين .. :d مع إنها جالسة في حلقي ، ماقدر أمسك حالي .. بس مستقبلي اهم سوري .. :25: ----------------------------------------------- شوف ياخوي صاحب المشكلة ،، اللي تقول لك أنا بأساعد زوجي وووو إلخ و اللي تقول لك أنا بأجمع عشان أوفر لزوجي .. فلا تربط حكايتهم بحكايتك ،، لإنهم شافوا المعروف من أزواجهم و حسوا بالأمان .. فما تفرق معها ،، بس إنت حالتك مختلفة نوعا ما .. إنتم لسى في بداية حياتكم ،، و مو معناها إني أتفق معها في اللي عملته معاك .. بأشرح لك نظرة بعض النساء ،، و مو شرط نتفق .. أنا موظفة و الحمد لله راتبي عالي و أعلى من راتب زوجي ،، بس عندي إنه زوجي يجيب لي شئ بنص ريال ،، و تسوى الدنيا بكل ما فيها .. و لا إني أجيب شئ بمية ريال .. فهمتني ؟؟؟؟ و لو جاب لي وردة ، يقطفها من الشارع ،، راح أفرح بها ،، يكفي إنه افتكرني ،، ما أبغى يجيب لي ألماس و هدايا .. بس الإحساس كفاية :) مجرد إحساس .. مو مهم ( كم ) ، المهم ( كيف ) .. و لو حسيت بيوم إنه زوجي متزوجني عشان راتبي أو وظيفتي ،، ما أعيش معاه ثانية وحدة ، لإنه بفلوسي ممكن أتزوج دكتور أو أي واحد ماهمتني أخلاقه و لا دينه .. و أشباه الرجال يا كثرهم .. و مو صعب الوحدة إنها تتزوج .. يعني اللي يقول لك ، تراها خايفة إنها ما تتزوج لإنه طبيبة .. فواحد يقرب لنا ، متزوج و عنده 5 عيال و مبسوط مع زوجته ،، وحدة طبيبة قالت له تتزوجني و أنا أصرف عليك و أسدد ديونك ، و قام ترك أطفاله و زوجته و لا عاد يسأل عنهم .. فالموضوع سهل جدا ،، و هو ماشاء الله قريبنا وسيم جدا و هذه الطبيبة قدامه من جددددد و لاشئ .. استغفر الله قبيحة جدا ،، بس إنه طالع في فلوسها ،، و سفرته بلدان عمره ما يحلم بها .. هذا قريبنا و الكل زعل منه طبعا .. -------------------------------------- أنا يوم تقدم لي زوجي ،، كنت توي توظفت و تعينت .. و قبلت فيه عشان أخلاقه و دينه و تربية أبوه لهم سألته أول شئ ، إنت تزوجتني عشان الوظيفة و الراتب ؟ حلف إنه عشاني و إنه ما راح يقرب من راتبي .. بعدها قلت له ،، أنا مستعدة أعيش معاك على عيش و جبن و في عش العصفور .. بس أحس إنه زوجي بيتعب علشاني .. إيش أبغى برجال يجي يدق باب بيت أهلي ، علشان أقول له تعال أنا أصرف عليك ؟؟؟؟ أنا ما سهرت الليالي و ذاكرت و تفوقت علشان يجي واحد ينظر لراتبي و وظيفتي ؟؟؟؟ و يتزوجني و يقول غصب عنك تصرفي علي و على البيت ؟؟؟؟ من السهل إني أخد واحد غني ، بس الرجولة مو بالمال أبدا .. و الفلوس تروح و تجي .. -------------------------------------- الزبدة : أنا ما كذبت عليه و قلت إيوة راتبي هو راتبك .. و مع كذا ،، و الحمد لله ،، ما أبالغ ،، إنه أمي ساعدت زوجي في تكاليف الزواج .. و وقفت مع زوجي و الحمد لله ،، و ما كنت أطلب منه أي شئ للدرجة اللي بدأ يتعود فيها .. و وقتها بدأت تتغير أمور و ماله داعي أحكيها .. و زوجتك للأسف ، كل شوي تغير كلامها .. و هي غلطانة لإنها وعدتك من بداية الزواج .. علشان كذا ، أنا هنا عارضتها .. -------------------------------------- اقتباس:
1 - لا تطلب منها أي قرش ، و أنسى إنها قالت لك بأساعدك .. 2 - بما إنه اتفاقكم تعيشوا عند الوالد و هي كانت راضية ، خلاص تسلم الشقة و تروح تشيل عفشك و تسكن هناك ، إنت ما ضحكت عليها و كنت صريح من البداية .. 3 - إذا بيوم أعطتك أي مبلغ ، لا ترضى تاخده منها ،، و صدقني ، هي راح تتغير من حالها .. توقعي يقول كذا ,, 4 - على قد لحافك مد رجوالك ،، يعني مطاعم و تمشيات و أشياء زيادة ( ممنوع ) .. بس على قدك ،، بدل مثلا من فندق 50 نجوم ، خلاص نص نجمة .. و بدل من عشاء فاخر في مطعم خلاص شاورما ، و ساندويتش طعمية ،، بدل من جبنة كيري ، جبنة مثلثات البقرة الضاحكة :d 5 - عز فلوسك ، و لا تذل نفسك لها .. 6 - سواق لشغلها ، قول لها بصراحة ، ماعندي ..؟؟؟؟ 7 - أنا ما كنت أغسل ملابس زوجي لإنه ما كان جايب لي غسالة ،، يعني الغلط منه :d بس كنت أجمع ملابسه و أوديها عند أمي و شغالة أمي تغسلها و تكويها كلها .. 8 - فهمت عليك ، إنت تبغاها تشعر بك .. و علشان تخليها تشعر بك ،، لازم تحسسها بالأمان و الحب لذاتها ،، مو لفلوسها و قول لها الشئ هذا ،، قول لها لو أبغاك عشان راتبك و فلوسك ، كان ممكن أخد أي موظفة و وقتها هي بتفكر بعقلها .. بس تلاقي زميلاتها يعبوا راسها :) أجيب لك حكاية من الحكايات الواقعية ،، قريبتي موظفة و تزوجت واحد و قدم قروض بإسمها و كذا و طول عمرها و هي تصرف عليه و على البيت و أطفالها الخمسة ،، و بيوم عملت نفسها قدمت على إستقالة ( و هي كانت طالبة بس 6 أشهر إجازة ) .. و شافت الوجه الحقيقي لزوجها و شافت البخل و الحرمان و سوء الأخلاق و غيره ، و قام وقتها قدر يجيب فلوس و يتزوج و يسفر زوجته التانية للخارج و جاب لها بيت و أثاث و كل شئ كان حارم زوجته .. طبعا طلبت الطلاق منه و أخدت أطفالها و ما زلت تسدد الديون اللي جات عليها بسبب طليقها إيش أستفادت ؟؟؟؟ شهريا يتسحب من راتبها ، و هو مستمع مع عروسته و مع السيارة اللي اشتراها من فلوس زوجته الأولى عرفت ليش الزوجة ما تأمن لزوجها ؟؟؟؟ من القصص اللي نشوفها بعيوننا و نسمعها بنفسنا .. فإنت إذا تحب زوجتك ، خلاص حسسها بالأمان و الحب .. |
اقتباس:
هلابك عزيزي زوجتك عايشه ببيئه جافه -- حسيت ذلك من رد ابوها انت اسكن مع اهلك -- واحتوي زوجتك وأوقف معاه -- واياي واياك والعصاء ان تستخدمها وتجاوز عن غلطاتها - خلق من ضلع اعوج -- ودار خاطرها -- وحاول ان تقوم سلوكها البيت اذا جيت تبنيه هل ينبني في يوم وليله اكيد يحتاج الى قواعد واساسات ومتابعه ....الخ كذالك تعديل السلوك اصعب واشد -- وثق ثق تامه انك بتمر في مشاكل وأزمات نفسيه لكن احسب حسابك لمثل هذه المواقف استخدم اللين لأنك حققت الي تبيه وهو سكنها مع أهلك فصدقني اذا اهلها اضغطو عليها وانت ضغط عليها بتنتكس حالتها وبيرجع سلبي عليك 100% لكن احتو زوجتك والان بتوفر حق الاجار وبتزين ميزانيتك -- خذ زوجتك بسفره للشرقيه واجمع بعض المبلغ واحجز فجأه وقل خوذي اجازه وودها للمطار ثم ماليزيا وصدقني راج تصير حياتك عسل على عسل لا تقول كلامك متناقض -- انا الآن عرفت البيئه الي عايشه زوجتك فيها وهي فرض الرأي والاستبداد الله يوفقك واذا احتجت شي انا حاضر |
الاخت الفاضله روعه المعنى ،،
جزاك الله خيرا و بارك الله فيك .. اقتباس:
و أتمنى اجابته ان استطعت ذلك وليس في احراج لك .. هل تقومين بواجابتك لزوجك من طبخ و غسل ونحوه ؟؟ واذا كان الجواب بلا فلماذا ؟؟ وفقك الله .. |
اقتباس:
اقول بارك الله في عمك ... فقد اجاد في رده .. و اعارضه بموضوع العصا .. ما تحتاجه اخي الفاضل .. هو الموازنه بين الحزم و اللين .. فأنت بصراحه ومنذ أول وهله .. ودعني اكن اكثر صراحه معك وتحملني بارك الله فيك .. انت تتصف بالاتي : 1 - اضعفت شخصيتك او كنت ضعيفا منذ البدايه .. 2- نظرتك ماديه بحته ... 3 - غير حازم .. 4 - متردد .. 5 - تحمل أفكار و طموحات لا اقول مستحيله ولكن بالوقت الحالي صعبه .. :: وزوجتك باختصار : 1 - عنيده .. 2 - فرضت شخصيتها منذ البدايه و السبب التربيه ، خوفها على راتبها منك ، نظرتك لمالها ، قله حيلتك . :: ما تشتركان فيه .. 1 - عدم التنازل من كل طرف .. 2 0 المعانده و حب فرض الرأي .. 3 - قله الخبره و التجربه .. 4 - السماح بتدخل اطراف اخرى .. اذا ما هو الحل .. الحل ليس لدي حل سحري يحل مشكلتك .. قلت لك الحل سابقا و ازيد لك شرطا .. كن حازما ولينا في نفس الوقت .. هل تستطيع ذلك .. ان استطعت ذلك فأنت بذلك حصلت على نفسك المفقوده .. وحافظت على بيتك من الضياع .. اما ان تترك الحبل على الغارب ... فانت بالتأكيد ضائع !! لذا كن حازما ..وقت الجد و الحزم ,., ولينا عطوفا و قت العطف و اللين .. يعني .. بتروح و تسكنها عند أهلك و بيت معزول عنهم .. خلاص قرر و افعل و خذها معك .. ستغضب يوم او يومين او ثلاثه وبعدها ترضى !! اما تتأتي بكل برود و تشاورها و اذا قالت لك لا .. تذهب لأبوها .. ياخوي ركز معي .. حاول ان تحتوي زوجتك فانتم لم يمضي على زواجكم اكثر من سنه .. وتحتاجون لأكثر لمعرفه بعضكم البعض .. وكن رجلا عزيز نفس لا تقبل منها مال و لا تنظر لمالها و تركه بل انسى انها موظفه .. كن حازما و احزم أمرك و انقل للخرج و تحمل صدى هذا القرار .. احضر الدينا و نقل العفش و جهز الشقه ... وبعدها تعال و خذ زوجتك و على الخرج .. بعدها زي ما قال عمك خذ لك شهر اجازه ووصلها فيه .. وقدملها نقل .. و اسعى فيه أن شاء الله ينحل الموضوع ... واذا لم تنقل فحل موضوع توصيلها بطريقتك .. و الطبخ خلها تطبخلك و تعلم و الغسيل خلها تغسل ناهيه الاسبوع .. وتعاون معها و احفظ عشرتحا و احسن أليها وعاملها بالمعروف .. و اكسب احترامها .. ووازن مصروفاتك وسدد ديونك و اذا تحسنت حالتك فخذ لها شقه اكبر و هكذا ... وعليك بالدعاء بصلاحك وصلاح زوجتك وسعادتكما .. هذا مالدي .. و الله أجل و أعلم ... |
اقتباس:
حياك الله السيف والله اي .. تمر فيني اوقات اقصر فيها من هالناحية مو عمد او عشان الفتوي لكن بسبب بعض الاشكالات بيني وبين زوجي صارت تنعكس على نفسيتي فاصير مو طايقة شي حتى نفسي اهملها واهمل شكلي وتغذيتي لكن حاليا احاول ما اعبر عن زعلي من زوجي باهمال البيت .. وماشية على بعض الطرق الي تشجعني على هالشي .. هلا بك السيف |
اقتباس:
حقيقة أجد نفسي سعيد حينما أتحاور مع المرأة المثقفة القارئة أمثال شخصك الكريم نعم ماذكرتي صحيح وصدقيني سبب المشاكل التي ترينها الان في المنتدى هو عدم معرفة المريخ بالزهرة والعكس كذالك لذالك المريخ يتعامل مع الزهره على أنها مريخ مثله والزهره تتعامل مع المريخ على أنه زهره مثلها من أجل هذا لايمكن أن تهدأ الخلافات بينهما إلا في حال أن يعرف الطرفين أنهما مختلفين في كل شي طبعا أنا أقتبست جزئية بسيطة من كتيب د صلاح الراشد وبمشيئة الله سوف أطرح الملخص كاملا في موضوع مستقل شي جميل أن نرى الحلول تنهال على هذا الموضوع الواقعي والمميز بصراحته عسى على الدوم إن شاءالله ولك تقديري |
زوجتك محتاجه تحس بالامان من ناحيتك وان نظرتك لها مو ماديه
ومع الوقت راح تثق فيك وتقدر ظروفك يعني من كلامك حسيت ان عينك على راتبها بقوووووه وهذا شي يخوف المرأه ويشعرها بعدم الامان وان الحياه بينكم ماديه فقط لاغير نصيحه اذا اردت ان تكسبها ادعم انوثتها عاملها باعجاب بشخصيتها وافعالها لا لمالها,, الكلمه الحلوه والحب تقلب كيان المرأه,,جرب ان تهديها ورده بخمسه ريال مع كلمتين شعر(لاتقول ما تقدر تدبر خمسه ريال) والمصروف الشهري لو مائه ريال المهم تثبت القوامه وانها مسؤوله من رجل يهتم بها استميل قلبها اولا بصدق وستبهرك ردة الفعل بعد احساسها بصدقك وثقتها فيك اتمنى لكم التوفيق |
الاخ الكريم الخرج حياتي ,,,
بعد ردودك الاخيرة اعتقد انه يجب ان تشكر الله كثيراً ان رزقك حمى مثل والد زوجتك ,, صدقني .. قلة من هم مثل والد زوجتك ,,, وجود مثل هذا الحمى يجعلك تشعر بارتياح كبير و يضيف مزيد من الاستقرار لحياتك الزوجية .. نعود الى مشكلتك ... بعد توضيحاتك الاخيرة انصحك بما يلي: 1- انسى وعدها لك بالمشاركة في الايجار و اخلافها لهالوعد , اعتبر انه ما صار و العفو من شيم الكرام. 2- تكلم معها بسياسة و هدوء و عطها كم كلمة من الكلام اللي تحبه الحريم من الغزل و الرومنسية مع هدية رمزية و وردة حمراء. 3- اعطها مصروف شهري و لو قليل حسب استطاعتك. 4- اطلب منها ان تنقلوا الى الخرج و تسكنوا عند اهلك حتى تقل المصاريف عليكم. 5- اطلب منها ان تقدم اجازة سنة او سنتين الى ان تتحصل على نقل للخرج او ربما وظيفة جديدة في الخرج. حاولوا تتحاورو بكل هدوء و احترام و تحلوا مشاكلكم بينكم بالايثار و التنازل للطرف الثاني حتى تصلون لحل وسط |
| الساعة الآن 07:43 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©