|
الاخ بوكس مشكلته مو في العمر..مشكلته هي طريقة تفكير زوجته يعني غير عصريه في لبسها وحركاتها وطريقتها
واحب أوضحلك يااخ بوكس ان الطبع مايتغير ابدا يعني لو انت تزوجت وحده عمرها 18 مثلا وكانت بارده وغير مهتمه او فتاه عصريه زي مايقولون هي طبيعتها كذا لايمكن تتغير والله اني شايفه بعيني نماذج ..الطبيعه تغلب التطبع ممكن تتغير شهر ومن ثم ترجع اسوأ من اول لان صعب الواحد يغير شخصيته البارد بارد والجدي جدي والفرفوش فرفوش والانطوائي انطوائي طول عمره الا في حال جاهد نفسه واجتهد عشان يغيرطبيعته..وزوجتك من يوم عمرها15 وهي كذا والحل الان في يدك وضحلها انتقاداتك بدون تجريح وعاد هي وشطارتها وال يبي يغير في نفسه مايبيله وقت عشان يتغير لاتقول متى يمديها وعمرها 30 لا يااخي الي يبي يغير يغير في اقل من ساعه يعني من بكره تكون شخصيه ثانيه مع انه صعب انتحال شخصيه اخرى وباالنسبه لموضوع الحمل ليش ماتغير الدكتور او المركز ..انزل جده أفضل الاطباء المختصين بتأخر الانجاب موجودين فيها..الطب تطور وصارفيه حقن مجهري وانابيب ..وقدامها15 سنه تقدرتحمل وتنجب فيها... ولعلمك افضل سن للحمل الثلاثينات..و الاربعينات..اترك عنك كلام الاطباء الغرب الي يتفلسفون على الفاضي والمليان.. |
الزوجة تحتاج من زوجها تدليعا دوما حتى لوكانت كبيرة فانا مثلا عمري في الاربعين امنى زوجي يدخل على بحلوى او وردة
ولكن انت تنظر اليها انها كبيرة ولاتحتاج الى تدليع اعمل لها حركات في البيت طفولية الحقهخا بمسدس ماء او صد ارنب والحقها به ادخل في فمها لقمة ففيها صدقة وبهجة وسوف ترى نتائج مبهجة في حياتك ولاتنسى انك انت من طرقت بابها لتطلبها رزقكم الله السعادة وقذف الله محبتها في قلبك |
الله يعينك يا اخي مشكلتك مو بسيطة لكن ...
عليك ان تكون اكثر ايجابية و تجد الحل الآن صارحتها و تكلمت عن كل شي بقلبك لا تروح و تبكي و تعتذر ... اطلب منها التغيير..... ! لازم تتغير ، اطلب منها طلباتك بكل صدق و شفافية : 1- أريدك ان تهتمي بنظافة اسنانك 2- أريدك ان تعملي لي ليالي حمراء و كأننا عرسان 3- 4- 5- ..ألخ و لو انه كان الافضل ان تطلب منها الأمور هذه بشكل متدلاج كلما زبطت أمر تطلب منها آخر و بالمناسبة العمر ماله علاقة لا بالفرفشة ولا بالعقم البرود اللي بزوجتك سببه تربيتها تربت على أمور معينة و لم تعرف أمور الفرفشة هذه ببيتها في نساء وصلوا لعمر 30 و عقولهم كأنه 15 رجاحة العقل حلوة لكن كل شي بوقته حلو ان انعدمت الوسائل مالك إلا التعدد لأنه الموضوع متعلق بالانجاب ايضا مو بس انها لا تعجبك شكلاو طبعا الله يصبرك على تغيير زوجتك اعلم ان صبرك هذا مأجور بإذن الله ولا تنسى الدعاء |
اقتباس:
|
ياليت تراقب تصرفاتك ونظافتك ودلعك ورومنسيتك لمدة يوم وررررررررررررد عليا لاني مااتوقع انك احسن منها بس عشان مافي حب انت قلت صابر عليها بس من باب الرحمة
|
صغيرة زوجها
الدنيا سلف ودين ولايغرك زهوها ساعة ولو ماصارت لك تصير ببناتك وشفناها كثير جوهرة العطاء ليش تمنين نفسك ياختي أطلبي أمي أم 55 الله يطول بعمرها لما يجي 25فارضة علينا فرض أنا وأبوي وأخواني الموظفين نجيب لها شوكولاتة أولكر شندويش ألذ على قلوبنا من العسل الله يخليها لنا قوالب أنا على طول دقيت على زوجي وطلبت منه شوكولاته<<<من تأثير الموضوع صاحب الموضوع مارجع إن شاء الله خير ابو جوري خير أم 30 دقة قديمة القضية ذوق وروح عندنا معلمات أفضل من بعض الطالبات مالها أي علاقة بالعمر ليه الغرور لا ممكن تتغير أعرف بنات تغيرو 180درجة بس بعد ماشالوا بعض قناعاتهم وخالطوا ناس من نفس النوعية مو كأني مسكت الموضوع<<<لأني داخلة ع30 فيهمني الموضو و |
اقتباس:
اخت ليه الغرور ,, احنا قاعدين نتكلم على زوجة صاحب المشكله اقري الموضوع كويس وراح تفهمي ليش قلنا دقه قديمه انا اعرف حرمه عمرها 45 سنه واولادها كبار وتدلع على زوجها الشليب دلع والله اللي يشوفها يقول بنت 16 سنه وتلبس وتحط مكياج ومهتمه بنفسها وهي بهالعمر العمر ابداً مو مشكله المشكله فينا احنا نقتل شبابنا وحيوتنا وكل شي نقول خلاص صرنا كبار عيب مايصير اسوي هالحركات وش بيقولون عني لالالا ,, مستحيل تصير مني هالحركات الله يسعدك ويوفقك ويحفظك لعيالك وزوجك |
اقتباس:
مع انه هو باالذات حلال عليه الزواج بغيرها لو ماانجبت زوجته ..وانا انصح اخونا بوكس اذا نوى الزواج مايتزوج من ذات 17 و18 و19 لانه راح يتعب واغلبهم في هذي الفئه يمتنعون عن حقوق الزوج خصوصا في الفراش ومايعقلون الا بعمر22 23 24 وانا انصحك اختصر الطريق وخذ من 23 و24 سنه هذا اذا لقيت وحده بهذا العمر تقبل تتزوج من واحد متزوج وهي صغيره الااذا كانت ارمله او مطلقه |
اقتباس:
دام انه مجهول الهويه ولا واحد فينا يعرفه معرفه شخصيه..ولا نعرف زوجته من تكون؟؟...ليش مايجي يفضفض ويطلع الي في قلبه لانه مايقدر يطلعه لاحد يعرفه ابدا ..وهذي مانسميهافضيحه لزوجته دام انهامجهوله باالنسبه لنا..ولا ليش اخترعوا هذا القسم ..اي شخص يقدر يكتب سره المكنووووون هنا وهو مرتاح لانه مستحيل احد يعرف شخصه او اسمه الحقيقي.. وموضوعه هذا غير كثير من الزوجات للاحسن..واستفدنامنه..وهو ايضا استفاد من نصائح الاعضاء |
معذرة على التأخير
بس من الحالة اللى صرنا فيها يوم الجمعة تم المصارحة (مثل ما سميتوها) يوم السبت في الدوام لوحظ المدير في العمل تغيري وشرودي الذهني الرجل كبير ومتعلم ولدية تجارب في الحياه قلت له بكل شيء قال خلاص الان دورها هي فلت شلون قال رحلها وقلها انا امس تكلمت وطلبت اشياء تتغير واشياء ابيها فيكي وقولها اليوم دورك قولي طلباتك اللى تريدين تغيير ها فيني والاشياء اللى تبينها فيني بالفعل توجعت للبيت امس ولم تتحدث معي طيلت يوم امس اتحدث فلا ترد الح في الكلام تبدأ بالبكاء رحت تركها الى ان حلت ساعة النوم انا بغرفه وهي بغرفة ذهبت اليوم للمدير واخبرته وقالت له بالذي حدث قال شيء طبيعي وهو الشيء الذي اتوقعه والحل قال اعطها ورقه وقلها ان تكتب ما تريد هي منك والاشياء التي تريد تغييرها بالفعل اعطيتها الورقة بعد الظهر لم تكتب شيء بعد العصر لم تكتب شيء بعد المغرب احضرت لي الورقة وهي تبكي وكانت الطامة (تزوج وفكني) ودمعتها على الورقة وكأنها دم مع العلم اني لم اتحدث ليلة الجمعة بشيء حول الزواج سا عدوني |
| الساعة الآن 03:04 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©