المشاركة الأصلية كتبت بواسطة الإبنة الصغرى (المشاركة 2609924)

( أنتِ خنتِ الله قبل الأهل ...

أنتِ أذنبتِ ذنب عظيم ...

أنتِ اقترفتِ السبع الموبقات ..)

وتقول الأخت لكم : تبت لله ..

ونقول لها : هل بكيتِ بين يدي الله ؟؟!!

لا أدري هل من شروط التوبة البكاء بين يدي الله ؟؟!!!!

كل هذه المواعض تقال لها لو مازالت على الذنب ..

لكن الاخت تابت نسأل الله أن يتقبل منها .. ولا حاجة للتقريع واللوم بعد التوبة

اقتداء برسول الله صلى الله عليه وسلم حين رجمت المرأة الزانية , فسمع الصحابة يشتمونها
فنهاهم عن هذا وقال لقد تابت توبة لو زعت على أهل المدينة كفتهم .. "فيما معني الحديث "
وجه الإستدلال : انه لا يجوز سب وشتم التائب وتوجيهه لعظم ذنبه ..

ولا ننسى ايضاً الرجل الذي اقترف احد السبع الموبقات وهو " قتل النفس التى حرم الله إلا بالحق "
وهو قتل تسعة وتسعين نفساً , فقيل له لا توبة لك , فاكملها بمئة , ولكن الله تاب عليه ..وجه الإستدلال : أن الذنب وان كان من السبع الموبقات وان تكرر فعله أكثر من مرة
للعبد التوبة منه فالله غفور رحيم تواب لمن تاب واناب ..

والأخت هنا تلام بحجة أن فعلها أحد السبع الموبقات , وهو مره واحده قامت به لا تسعة وتسعون مرة .!!!
فنسأل الله أن يتقبل توبتها ..

المشاركة الأصلية كتبت بواسطة ليه الغرور؟ (المشاركة 2609945)

الاخت وتمت الخطبه...

انتي ذكرتي ان عندما نكتب نراعي غيرنا وان هناك قراء يقراون..ان كان قصدك المراهقين او غيرهم..

ونسيتي ان هناك مواضيع جنسيه فعلا...خادشه للحياء..حتى انا اخجل ان اقراها..ورغم ذلك تجاوبنا معها ولم تحذف من قبل الاشراف..ومحد قال فيها يجب ان نراعي القراء..

معك حق والله , والحجة إنهم زوجين عااادي , مع أن بعضها القصد منه الإثاارة فقط وهذا واااضح جدا
من وصفهم الدقيق لكل شيء ..!
ما دري وش المشكلة هنا ؟ ما ذكرت شيء ولا وصفت شيء بس لمحت للموضوع عشان يوضح ..

اختي صحيح كلامك هناك قراء يقرأون...لكن هؤالاء القرأء تتوقعين يطبقون نفس مافعلته الاخت صاحبة القصه..على اساس انه امر عادي.وافعلوا ماتشاءون.وانهم راح يتزوجون من بعض..هل تتوقعين ان القرأ يتجاهلون وما راح يحسبون حساب ماذكرته الاخت من سيل المشاكل الي حصلت والمرمطه الي صارت لها..من ضرب وسب وحرمان..نتيجة افعالها..والله انه انا نفسي حسيت بخوف وكاني انا بطلة القصه واقول كيف تحملوا كل هذي المشاكل.واي شخص ماراح يركز على افعال البنت والولد قد مايركز على نتيجة افعالهم.بالعكس انا اعتبر قصة الاخت غزلان...عظه وعبره لمن يعتبر..

صحيح ما عدي الموضوع بالساهل زي ما توقع الأعضاء الكرام ..
واكرر ندمت اشد الندم , بس خلاص الموضوع عدى وراح وما ينفع الندم الحين ..


ولو اني عندي بنت او لد في مرحلة المراهقه او معدينها راح اخليهم يقرأون الموضوع..
ومافي احد يرضى قطيعة اهله..

وانتي يااخت غزلان....اسمك حلو ..
لاتقطعينا خليك دايما معنا حتى لو رحتي بيت جدك..صراحه انتي الوحيده..الي حسيت اني ابي اتواصل معك..بس مافي طريقه نتواصل الا هنا..

المشاركة الأصلية كتبت بواسطة بنت الحكمي (المشاركة 2609948)

أول شئ يا أختي غزلان الأخوات إللي نصحوك هنا والله إنا نعتبرهم من خيرة العضوات الناصحات لإخواتهم وإخوانهم الأعضاء وهما مايقصدوا الإساءة أو التجريح في شخصك
الكريم ولاكن قصدهم نصحك وتوجيهك بسرد قصتك بشكل أفضل من سردها بهذا الشكل لأن فيه شباب وشابات مراهقين وراح يفكرون بأنهم لو عملوا نفس سالفتكم أنتي وولد عمك مع من أحبوهم قد يظنون بأنهم بهاذا الفعل أخضعوا أهاليهم لرغباتهم وشافوها طريقه أسهل للم شملهم مع بعض بالذات إن هناك شباب لايوجد لديهم وظائف وتجده يحب بنت خاله أو عمه ولو قدر الله ووقعت عينه على مثل هالكلام إللي كتبتيه فراح يظن إنه لو سوى نفس طريقتكم بيكون حط أهله وأهلها قدام الأمر الواقع الذي لامفر منه وراح يزوجونهم حق بعض .


( أنا ماني زعلانة من أحد , وقلت أحترم كل وجهات النظر , وكلاً نظر للموضوع من زاوية مختلفة ..

وعلى طريقة السرد أنا حبيت أوضح وقلت إنها مشفره بعد , يعني أغير الأحداث عشان لا حد يقلد ..

وما أظن ان الشباب أغبياء لدرجة ما عندهم افكار إلا أنا اعطيهم فكرة يطبقونها ..! وما أظن أني جبت شيء

خارق ما حد سواه من قبل ..؟!!)


وأنا عارفه بأنك إنتي ما كتبتي قصتك كامله إلا لأنك تريدي حل وماسردتيها كذا إلا إنك تريدي أن تكون الصوره واضحه وكامله لأعضاء المنتدى حتى يعطونك حلول مفيده في مشكلتك مع أهلك وأنتي لو ما قلتي السالفه كامله فما راح تلاقي حلول أو نصائح تفيدك المهم يا أختي مانقول إلا عفى الله عن ماسلف والحمدالله إن ولد عمك ماخذلك وراح مع أمه وأبوه وتركك و موقف زوجك طيب لأنه عالج غلطته وصمم عليك وتزوجك وهذا دليل حبه لك وخوفه عليك من الشماته فما قصر وأنا لي تعليق على سالفة أمك بطريقة معالجتها لموضوعك أنا ما أشوف إن له داعي كان ترو ح لولد خالتك وتطلب منه يتزوجك وين أحسن تاخذي ولد عمك إللي يحبك وعازب وفوق كذا هو كان السبب في مشكلتك ومستعد يتزوجك برغم كل الظروف وإلا إنك تاخذي ولد خالتك متزو ج ويخاف زوجته وعارف عن سالفتك ولو أخذتيه بتكوني مثل العلكه بفمه كل دقيقه يعايرك بفضيحتك ويتمنن بفضله عليك إنه سترك وتزوجك وآخر شئ بيرجعك مطلقة لبيت أهلك ولاتستبعدي إن إحتمال كان إتفاق أهلك مع ولد خالتك يتزوجك لمدة قصيره فقط ويطلقك علشان بس يغطوا السالفه إذا تقدم لك شخص ثاني من خار ج العائله يكون جوابهم له سبق لها الزواج من إبن خالتها وما إتفقوا وطلقها
بصراحه كره أمك لزوجة عمك أعماها عن شوفة الحل الأفضل إللي في صالحك بس الحمدالله إنك إنتي تصرفتي وأخذتي موقف بأسرع وقت وقدرتي تبعدي إبن خالتك من طريقك إنتي وإبن عمك وعالجتوا الوضع بأسرع مايمكن
صدقيني لو قدر الله وكان تزوجتي ولد خالتك كان بتعيشي كل حياتك في تعب ومعاناة وماراح ترتاحي معاه لامن إبن خالتك راح يعايرك بفعلتك على طول ما أنتي عايشه معاه ولا من زوجته لأنها شريه
وماراح تقصر فيك والحمدالله إنك أخذتي ولد عمك وتلملمت السالفه تعانين لمده من الزمن من عدم تقبل أهلك بزواجكم ولا تعانين الزمن كله بسبب غلطتك مع إبن عمك لو تزوجتي برجل آخر الأهل بيزعلوا ومصيرهم يرضوا ويقتنعوا بالأمر الواقع و يتقبلوكم إنتي وزوجك فلا تشيلين همهم أنتي بس واصليهم بالمناسبات والأعياد بالرسائل والمكالمات ولا تقاطعينهم فمهما كان هاذولا أهلك ولهم فضل و حق عليك وكمان إتفقي إنتي وزوجك إنكم كل واحد فيكم يتقرب من أهل الثاني بالعبارات والكلمات الطيبه إللي تحنن قلوبهم عليكم وبالنسبه لظروفكم المادية بإذن الله تعالى كل ماضاقت ستفر ج

( ولد خالي ماني خائفة منه حتى لو تزوجته شخصيته ضعيييفة , بس أنا ما بيه , لأنه أكبر , ولأن
عنده عيال , ولأن زوجته ما تنعاشر , والأهم لأنه بالسر , وعلى الطلاق أكيييد ومليون بالية إنه بيطلق
لعرفت زوجتة بالموضوع )

إنتي عندك شهاده جامعيه ومتخرجه وزوجك مثلك وإن شاء الله تتوظفوا وأموركم تتحسن وتصير حياتكم مع أهاليكم سمن على عسل إذا تضبط وضعكم المادي وإستقريتوا في حياتكم وسكنتي في أحسن بيت وأثثتي أحسن أثاث وظهرت النعمه عليكم صدقيني إن نظرة أمك راح تتغير لكم لأنها شكلها من النوع إللي تحب التفاخر بالمستو يات والمظاهر الحين إنتي وزوجك كل إللي عليكم إنكم تحطوا إياديكم ببعض وتصبروا على ظروفكم وتواجهوا ظروف الحياة القادمه بإصرار وعزيمه
وإتكال على الله في جميع أموركم والدعاء لله والصلاة في الثلث الأخير من اليل والدعاء بأن ربنا يفرج همكم ويصلح شأنكم و يتعدل حالكم وتزين ظروفكم وعليكم بالإستغفار فإن فيه خير كثيرا
ولاتنسين يا أختي إن يمكن ماتمرون به الآن من ظروف صعبه هي عقوبة من الله وتمحيص لذنو بكم إنتي وزوجك
فإكثروا من الطاعات والإستغفار وبإذن الله تعالى ستفر ج عليكم من أوسع أبوابه
وأعتذر عن إطالتي عليك وأسأل الله أن يلين قلوب أهاليكم عليكم إنتي وزوجك كما ألآن الحديد لداود عليه السلام وأن يرزقكم برهم وطاعتهم ورضاهم عليكم وأسأل الله عز وجل أن يرزقكم من واسع فضله ويصلح شأنكم ويعمر قلوبكم بالإيمان والطاعات ويوفقكم في حياتكم دنيا ودين اللهم آمين .

المشاركة الأصلية كتبت بواسطة أنيسة الروح (المشاركة 2609953)

ياجماعة الخير البنت تقول لكم تااااااااااااااااااااااااااااااااااااااااابت ليش هذا الهجوم كله عليها ؟؟؟؟؟؟؟
الله من فوق سبع سموات يغفر ويسامح العبد اذا تاب واستغفر .....
وهذا كله مقدر ومكتوب
الله كاتب هذا الشئ من قبل ماتنولد ومافي اكبر كبير يقدر يعترض على حكم الله
واهم شئ اتصلح الموضوع بالحلال واتزوجوا
وخلاص لاتعقدوا البنت اللي فيها يكفيها ...............
عزيزتي غزلان اتمنى من الله ان يسهل امرك ويرزقك من حيث لاتحتسبين ...........
ولاتنسي الاستغفار لانه يغفر الذنوب صغيرها وكبيرها ويفتح لك ابواب الرزق من كل مكان ................

تقبلي مرووووووووري .

المشاركة الأصلية كتبت بواسطة ليه الغرور؟ (المشاركة 2609958)

طيب ياغزلان...

انتي ليش تبين ترجعين لبيت جدك...اذا رجعتوا معناه ان زوجك راح يترك عمله ..طيب كيف تصرفون على حالكم اذا رحتوا هناك...
انا اشوف كلام زوجك صح..لازم يشتغل ويتحمل المسؤليه....وباذن الله تنفرج عليكم..ويجيه التعيين..

المشاركة الأصلية كتبت بواسطة ليه الغرور؟ (المشاركة 2609974)

المشاركة الأصلية كتبت بواسطة Beta2 (المشاركة 2609982)