شهد أخوك يشرب الدخان طيب إسمعي أبغاك تتغافلينه وتاخذي مجموعة من سجائره وتفتحي بطن السيجارة وتشوفي كيف شكل المادة إللي داخل السيجارة شوفي هناك بعض الأشخاص يتعاطون الحشيش و يدخنونه بدل الدخان ويسبب لهم هلوسه
ياخذوا السيجارة ويفرغوها من محتواها بالكامل أو النصف ويتم حشوها بمادة الحشيش المخدر ومن ثم يدخنها حتى إللي عنده ماراح يحس فيه ولاراح يشم إختلاف في الرائحة
إذا تم خلط الحشيش مع محتويات السجارة حتى لو كان مايطلع من البيت تأكدي من يزوره من أصدقائه هو من يوصل له هاذي الأشياء وبعدين المخدرات أشكال وأنواع فيه الحشيش وفيه الحبوب وفيه الكوكايين والهروين الكوكاين لونه أبيض مثل البودرة وهاذا يتم إستعماله عن طريق الشم والشفط وفيه الهروين هاذا عن طريق الوريد يا خذه بالحقن وفيه منه عن طريق الشم وفيه الخمر المسكر هاذا يشربه شرب وفيه بعض المواد إذا تم إستنشاقها بإستمرار ولفترة طويلة تسبب تلف في خلايا المخ ومنها الغراء والمزيل حق الكتابة و الصمغ البوية ومادة البنزين فأنتي تأكدي وشوفي هل أخوك ما يتعاطى أي نو ع من هاذي الأنواع فحينها يمكن إنه يكون مريض فأبحثوا له وراء العلاج وأعيدي النظر في مشاركة الأخت الفاضلة كل الأسامي أنا أشوف إنه أنسب حل بالنسبة لوضعكم يكون في مشاركتها ولاهانوا الباقين شوفي جلوسك كذا مكتوفة اليدين ماراح يجيب لك حل ولا راح تستفيدي منه شئ أنتي لازم تتحركين ويكون لك موقف ثابت ويكون عندك ثقة وإصرار وعزم بكل خطوه تسو ينها إثبتي نفسك بهاذي المواقف وخليك سنعة ولك هيبة وإتركي عنك وش أسوي وما أقدر وأنا لحالي وبنت وحدانية وضعيفه أنتي ليش تحطي هالمفردات المحبطه إللي تحسسك بالضعف والوهن والخضو ع والخوف ليش ما تقولي أنا أقدر عندي قوة وعندي إرادة وعندي شجاعة لمواجهته ولإيقافه عند حده وما أخليه يتمادى بزيادة أنتي ليش ماتاخذي أمك وأختك وتروحي تشتكي لشرطة حتى لو أخذوا عليه تعهد بعدم التكرار والمساس بحياتكم إذا رجع وسوى غلط إتصلوا عليهم مرة ثانية وثالثة ورابعة حتى إما إنه يتأدب ويحترم نفسه أو إنهم ياخذوه و يأدبوه عندهم حتى إنه يصحصح ويترك الهبال حقه
إذا ماكان مريض فهاذا أمر وأدهى لأن خطره أعظم وأ كبر عندنا شاب كان يتعاطى حتى ذهب عقله وصار مثل المجنون قدام شهر ونص مسك له طفل عمره 4 سنوات وذبحه بمشرط وقطع بعض من أجزاء جسمه وحطه في كيس نفاية ورماه في الزباله أهل الطفل جلسوا يدوروا عليه ويحطوا صوره على المساجد وفي اليوم الثاني لاقوه البلدية في الزباله ميت ومرمي وبعد التحقيقات أتضح لهم الفاعل وقالوا إنه مريض نفسي ومرضه إللي فيه بسبب تعاطيه للمخدرات في السابق بشهادة أهل الحي إللي ساكن فيه القاتل والمقتول .
فأنتي أمك كبيرة سن وماعندها فهم في الأنظمة والقوانين مثلك وأختك طفلة صغيرة ماتقدر تدافع عن نفسها ولاتسوي شئ أنتي الحين عليك المهمة وعليك إنك تخلصينهم من بطشه وقوته وتروحي تقدمي عليه شكوى وهما يشوفوا إن كان إنه إنسان صاحي وجالس يهايط على كيفه فهم يأدبوه زين مازين وإن كان مريض فهم يحولوه لمستشفى الأمراض النفسيه وهناك يهتموا فيه و يعالجونه ومايطلع من عندهم إلا وهو متعافي .
أنا طولت عليك واجد سامحينا على الإطالة وطمنينا عن أخبارك الله يوفقك ويكون في عونك يارب .

اختي شهد الله يعينكم ويقويكم
شوفي طال عمرك . كل اللي قالو الاعضاء جيد وماقصرو
الخلاصه
اخوك يتعاطى الحشيش ويتعاطى حبوب هلوسه ( لاتقولين لا هذا مؤكد )
ربما فيه احد من عائلتكم ولو من اجيال سابقه مصابه بمرض نفسي وهذا وراثي . اخوك شافاه الله اصلا يعاني من بعض الاظطرابات النفسيه والسلوكيه بطريقه لااحد يشعر بها حتى هو نفسه . على اثر تعاطيه الحشيش والحبوب وادمانه يبدء المرض يظهر عنده بشكل يختلف عن غيره بطريقه اشد وملحوظه. لانه في الاصل يعاني من المرض فزاد نشاطه بواسطه المخدر . حاليا اخوك يعاني من ( الذهان ) وهذا جزء من مرض الفصام .
اخوك بالتاكيد يعتبركم اعداءه وايضا يتحدث مع نفسه وكأنه يخاطب انسان امامه . قد يتهيأله اشياء كثيره . واي شي حتى الحيوانات يشك فيها وليس اهله او غيرهم . قد يصل لمرحله يتخيل ان احد من اهله هو شيطان او عدو . وهنا تكمن الخطوره . قد يرتكب جريمه قتل او ايذاء احد من الاطفال . طبعا كل هذا وهو لايشعر يعتبر نفسه انه على حق . انتي قلتي انه كان يملك المال ومديون فهذا الدليل على تعاطيه للمخدر . لم يكن لرفض اهل البنت بالموافقه على زواجه اي تاثير على نفسيت اخوك وسلوكه ابدا . ومثله خطر يتزوج
الحل
يجب ان يؤخذ الا مصحه لمعالجه الادمان . واكمال مرحله العلاج النفسي والسلوكي عند طبيب او في مصحه نفسيه ولو بالقوه وعن طريق الشرطه .
لاتتهاونون في علاجه وربنا معاكم
مجرد اجتهاد مني :11:

تكفووون ردوآآآآ علي سوالي ..(من ينتمي للشرطه )