|
آخر المستجدات
اتصلت ومار دت رجعت اتصلت ثاني وماردت بعدين بعثت مسج قالت اسفة كنت بعيده عن الجوال رديت بمسج وقلت لا مش مشكله بس اليوم انا تعبان ومريض حلقي يعورني وراسي وفيني كحه حبيت اسمع صوتك ياروحي ردت سلامتك ياروحي رديت وقلت الله يسلم قلبك يا حياتي اشتقت لك يا احلى زوجه العلاجات مانفعت لي يومين وانا اتعالج وآخذ من هالأدويه وماجابت نتيجه لو انك عندي ياعمري كان طبت لأنك بجنبي ردت ماتشوف شر حبيبي ان شا الله ماتشوف الا العافيه ..انت بالدوام رديت لا مانيب بالشغل لو ان بالشغل كان انا الحين ميت تعباااان مرررره ردت : تيب حبيبي استمر بالأدويه ولاتقاطعها ان شاء الله تتشافى رديت : ما احب ألأدوية طعمها مرررررر .. حبيبتي وش فيك زعلانه مني ردت : لا ليه ازعل انت ماسويت لي شي رديت : طيب حبيبتي الادويه مجابت نتيجه شرايك تسمعيني صوتك وتسمعيني احلى كلام من احلى حبيبه ردت: الله يشفيك حبيبي وتقوم بالسلامه رديت : بس ماتكفي زيديييييني ردت :مافي احسن من ادعي لك رديت:بس كلام الحب منك هو علاجي ..كذا قالي الدكتور انتظرت ترد انتظرت انتظرررررررت قلت اتصل اتصلت وماردت بعدها ب10 دقايق ارسلت مسج تقول فيه: اسفه حبيبي نمت بس خلاص |
رفعت ضغطي زوجتك
بتتصل عليها تتفاهم معها ولا اتصل انا ـــ<< تحمست هههه الله يعينك ليتك تعطي خطيبي شوية من هالاهتمام الله يوفقكم ويسعدكم |
اقتباس:
اذا انتي ارتفع ضغطك اجل انا وش صاير لي |
اقتباس:
الله يخليها لك ياارب ششفت كيف اهتمت منك ووصتك على نفسك:17::17: يووم درت انك تعبااااااان... بالتوووفييق...... |
ضحكني رد الاخت مستقبل غامض اخوي بس في نقطه ليه تتراسل انت وهيا لما ترد عليك برساله اتصل عليها تتراسلون تقول اصدقاء مو زوجين انا جالسه بصراحه اقارن نفسي بايام ملكتي ماكنت كذا بس سبحان الله ممكن تكون خجوله ومستحيه بس كلنا كان فينا خجل وعادي نرد اذا اتصل حتى اذا نايمه يجلس يتصل حتى ما ارد اقولك خلاص لا تعب نفسك ملحق على زواج انت شكلك مره حاساس وعاطفى بزياده البات مو سوى على فكره في بنات ماشاء الله تتفاعل وفيه بنات خجوله مرره
|
الحين تأكدت أنها تستحي والله كل الشالفه خجل في خجل وأنت شكلك جرىء معها في الكلام واضح من أسلوبك وتحرجها بجراتك وتضطر أنها تصرفك أو تفضل هي أنكم تتواصلون بالرسائل انت سوو إلي هي تبيه وتواصل معها بالرسائل. الله يتمم عليكم
|
طيب ياعزيزي بدلت كل انواع الحب والشوق والهيام ومافي فايده
طيب حاول تغير اسلوب الحديث معها حاول تفتح مواضيع مشتركه بيننكم وتاخد رايها فيه , حاول تعرف اهتماماتها واللي تحبه وتكلمها فيه عشان تسترسل في الحديث مدري احس لمن تسترسل في ابداء مشاعرك بكثره راح تنفر منك !!! ( مجرد تخمين ) حاااااااول لمن تتكلم في امور هي تحبها ان تمدح طريقه تفكيرها وان تمدح طريقه كلامها واسلوبها ومن فتره لاخرى خلل كلامك بشويه من عبارات الحب والمديح والاطراء حاول تمدح كل صغيره في حياتها لكن لاتبالغ في المديح عشان يكون لها طعم ترى النفس البشريه تعشق المديح والاطراء فرق لمن تقل انسان كل يوم كلمه انا احبك وبس ولمن تسمعه كلمه انا احبك لانك كدا وكدا وفيك كدا وكدا امدح صفاتها الخلقيه ( بضم الخاء ) لانك لو بتمدح صفاتها الخلقيه ( بفتح الخاء ) وبكثره بتحسك مبالغ فيها لانها هي تعرف نفسها انه جمالها متوسط وعادي وانت حسب كلامك انك اجمل منها ( لكن مايمنع انك تظل تمدح فيها ) وان كنت تشوف انه وسيله الاتصال ماتجدي نفعا بسبب خجلها الزايد حاول تنتقل الى وسيله الرسايل او المسنجر وافتح معها موضوع بسيط واسمع رايها وتفكيرها وكن انت المتلقي المستمع وترك لها حريه الحديث وامدحها بين الحين والاخر على تفكيرها وطريقه كلامها ممكن ان شاء الله من دي الناحيه راح تستجيب معك وتشعر انت ياعزيزي انت البنت تحبك اخوي انا مادعي الخبره ولكن هيا مجرد افكار طرات على بالي وان شاء الله تسعفك وتبلغنا باخر مستجداتك |
اقتباس:
والله اني احبها رغم جفاها وتحجر مشاعرها ع قولتهم القط يحب خناقه |
اقتباس:
واذا ردت ماتطول وانقهر لأني ما اشبع من صوتها وانا فعلا حساس وعاطفي واتضايق لما تنتهي المكالمه |
اقتباس:
بعضها جربته وبعضها رح اجربه واشوف النتيجه بس مقدر ما امدحها ياخي احبها شسوي الحب من رب العالمين هي صحيح جمالها متوسط بس اشوفها قمر ومايملي عيني غيرها وبالنسبه للماسنجر مالها علاقه فيه لا هو ولا النت وسيلة ألأتصال فقط جوال لاغير |
| الساعة الآن 06:12 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©