اخي الكريم متفائل اللي يبغى يتزو ج ونيته صادقه ماراح يرده

شئ لامهر غالي ولا رخيص اذا كان طموحه يتزوج صدقني

لو ينجر الحجارة ليجيب المهر كم مابلغ قدره

بقول لك لي اخ اكبر مني متزوج وعنده عشرة عيال وموظف

وراتبه 3000آلاف ريال وله مع زوجته مايقارب 24 سنه عشرة

عمر ودقت في راسه إلا يعرس والا يعرس نلف فيه يمين ويسار

ياخوي تعوذ من الشيطان زوجتك مريحتك وماناقصك شئ

وبيتك مليان عيال ياالله تكفي على عيالك والله انه اذن من طين

واذن من عجين وراح وتسلف وتدين وزجته الأولى موظفة

راتبها مثل راتبه وعندها قرشين مجمعتها وضحك عليها وهفها

فلوسها اللي مجمعتها وماخلا احد من اخوانه الا وتسلف معاه

وآخر شئ سيارته بغى يبيعها وحنا جالسين نتفرج على اللي

يسويه والله انه جمع المهر وحق الذهب والقصر والذبايح

وزيادة زوجته الأولى زعلت وعطاها رضوة عشرين الف ريال

واعطاها ورقة وكفيل غارم في فلوسها اللي نسفها من ورى

ظهرها وراح وتزوج والحين عنده بنت وكلفته زواجته حدود

60000 الف ريال والبنت ثيب وغير ان امها باقي لها فلوس

عنده يقسطها لها للحين ولده الكبير خاطب من قبل ابوه له تقريبا

4 سنوات وترك الولد ماتمم له زواجه وهو بين ليلة وضحاها

حقق امنيته وتزو ج وابنه للحين خاطب بنت عمه ولا قدر يسوي

العرس لأن تكاليفه باهضة والمشكلة انها بنت عمه قريبته

يعني مافيه ارحموا عزيز قوم ذل طالبين الذهب لحاله فقط

50000ألف ريال والقاعة 23000 الف ريال غير الذبايح والتكاليف

الثانية وكمان امها لها 20000الف ريال وابوها نفس المبلغ

طبعا غير السميه وانا عمتها وسميتها وكمان عندنا عادة ينقال

لها عشاء لخوالها واعمامها مو عشاء اكل لا تعطي كل واحد

فيهم ان قلت 2000 الفين ريال وان كثرت 5000 الاف ريال

وفوقها كمان بشت ولا تنسى الجد والجدة كمان ماننساهم لهم

شئ يطيب الخاطر .


وكمان عندنا اللي يخطب بنت شيخ من مشائخ القبيلة او وجهائها

يطلب مهر ابوها بس لحاله مبلغ 100000 مئة الف ريال

هذا غير تكاليف الذهب وشروط امها وخلافه ابو العروس

لو ماطلب فلوس من العريس يشترط له شراء سيارة

من الوكالة جديدة وغالبا ماتكون جيب او شاص تويوتا

طبعا زمان كان مهور الحريم قطيع من الإبل و الأغنام لاكن

الحين بدلوها بالسيارات والفلوس

عندنا بالجنوب تدفع حتى روحك تتقطع ما احد سمى عليك

زوجي جلس 8 سنوات يقسط في ديون العرس ماخذ ثلاث

سيارات وبايعها وقابض ثمنها وعليها سلفيات من اصحابه وقرايبه

بس الحمدالله الله وفقنا وسدد الدين اللي علية زمان كان

اقساط السيارات من المعارض بكمبيالات مو مثل اليوم اقساط

عبر البنوك والله ان زوجي تعب في بداية مشوار حياتنا وتبهذل

بالديون لاكن الحمدالله ربنا اعانه وسددها وعايشين ومبسوطين

ونسينا هاذيك الأيام .


واللي يبغى يعرس راح يعرس ويجيب التكاليف وماهمه غير

انه يحقق حلمه ويتزوج وبعدين اللي يحب البنت والله انه لودفع

عيونه لها ماراح يحس الحين عندنا الواحد لما يخطب وينظر

النظرة الشرعية ويطلع من بيت اهل العرو س مضيع الطاسة

كل ماقالوا له شرط قال خلاص تم وابشروا وحتى فحص الزواج

اذا طلع غير ملائمين لبعضهم بعض الشباب يصروا على الزواج

ويصممون على اتمامها بالرغم من شدة مضار هالزواج

على الأطفال في المستقبل لاكن فيه هناك كثير من الأسر صارت

عندنا تؤجل النظرة الشرعية الى مابعد الإطلاع على الفحوصات

الطبيه وهاذا هو الأحسن والأفضل لاكن اللي ينظر قبل الفحص

نادرا مايتراجع عن إتمام الزواج سوا كان الفحص سلبي ام

إيجابي اهم شئ عنده انه يتزو ج البنت اللي شافها.

طبعا المهور تختلف من مدينه لمدينه ومن قبيله لقبيلة ومن عائلة

لعائلة فيه قبائل شيوخها يحددون المهور بمبلغ 50000 الف ريال

طبعا هاذا للعروس فقط والباقي كله على العريس

عاد اللي يبغى يعرس ينغنش جيبه ولا مافيه عروسه على

قولة واحد من إخواني نصوم احسن لنا ماعاد نبغى نتزو ج