السلام عليكم
تصدق اخوي انا قريت موضوعك من زمان بس ماقدرت اشارك ولا بكلمه لانى صراحه تفاجئت من تفكيرك سبحان الله
اكون صريحه معاك لي قريبه جدا لي وقعت في حب واحد اصغر منها واتفقوا على الزواج
وكان عارف انه هي اكبر منه لكن في النهايه قالها مااقدر اتقدم وابوي وامي غاصبينى على قريبتى وانتى اعتبرك مثل اختى الكبيره وانا اعتبرينى مثل اخوك الصغير
يعنى بدا بالمعايره بعد ماتاكد تماما انه ماراح يكون بينهم نصيب وابلغها بخطبه اهله لقريبته وعلى موعد زواجه ايضا
صراحه قمه الوقاحه جدا مع انه مر اكثر من سنه على السالفه والرجال تزوج قريبته والمسكينه الى الان مسيطره الصدمه من رده فعلا وعايشه في حزن ليل نهار تفكر فيه الى الان
والله الدنيا دواره راح يلاقيها في اخواته اذا منت قد الكلمه من اصله توعد بنت الناس ليه وتعشمها انك بتخطبها وانك تحبها لا والمصيبه انه هو اللي طلب منها الزواج
سبحان الله مع انى اعرف تجارب من حولي ناجحه بالزواج بفتيات اكبر منهن التوفيق ماله دخل بالعمر
عمر الكبر والصغر ماكان شرط اساسي لنجاح الحياه الزوجيه ابدا ابدا
قلما شاب ماشاء الله يفكر مثل تفكيرك الواعي
والله ادعيلك انه الله ييسر لك زواجك منها يارب
ان اشوفها قدامي انا اكلمها واقنعها باسلوبي كفتاه ان توافق لانه صراحه هذه كلها قوانين فرضها البشر ماانزل الله بها من سلطان
وقدوتنا في ذلك نبي الامه عليه الصلاه والسلام
لكن للاسف شباب هذه الايام لا ينطبق عليهم هذه القدوه والتفكير البته الا من رحم ربي