|
رد : * تحدي النحيفات..ومرحبا بالرويانات *
قبل شوية قلت لكم .. أعطيت الايسكريم لولدي الوسطاني
راح أشد شعرررررررري .. بس اقلب المواضيع من الجوال و ادخل موضوع اقرأه ولدي الكبير يقول لي : ماما شوفي ايش سوووووا اخويا في النونو دهن الايسكريم وجه اخوه الصغييييييير :'''( دحين أقوم اروووووووشهم الاتنين .. ابغى انتحر منهم |
رد : * تحدي النحيفات..ومرحبا بالرويانات *
روح اسلوبك مع أولادك فعلا هو سبب نحفك
اول ما ينحط الاكل كلي واغرفي لهم وجلسو كلكم على الارض مرة وحدة اشبعي وبعدها تفرغي لهم طبعا يكونو جنبك كلي لقمتين ثلاث وعطيهم وحدة وكذا وترى لما يشوفونك تاكلين بياكلون gggh لما تخلينهم قبلك ياكلون تشبعين وما تاكلين شي لان شهيتك وجهدك ضااعت مع الاولاد كانت كذا مرت أخوي وتزعل منها أمي أمي طبعا خبرة واحنا يوم صغار كلنا صحة ومدبدبين تقولها يا بنتي كلي وعقبها اكليهم بس لازم تاكلي علشان تروقين لهم تصير لي مثل مواقفك مع أحمد حبيب قلبي مرات اول ما يشوفني حطيت الغدا وجلست يجي بحضني ويجلس يعني أكليني هههههههههه أموت فيه يا ناس حبيبي الله يديم على عيالنا الصحة ومرات العكس اجيبه أوكله ما يبي اتركه وأكمل غداي ونجيب له الغدا مرة ثانية وقت ثاني ماعندك مشكلة حبيبتي روح اعتمدي شوي على الشغالة لا تخلينها تعتمد عليك تساعدو مع بعض وعامليها زين علشان الله سبحانه وتعالى ثم علشان عيالك بس لازم يكون لها دور انا اختي جابت عاملة جديدة جابت لها كتاب طبخ قالت لها كل يوم تسوين صنف مالي دخل والشغالة حليله وطيبة وفعلا جلست اطبق وتعلمت نزلي موضوع عن تعاملاتنا مع العاملات المنزليات وراح نفيدك تصدقين بنتي اللي ما عمرها جلست مع خدم تاكل من الشغالة وما ترضى تاكل مني ! مع انها طول اليوم تناقرها وتخرب عليها الشغل هههه والشغالة تشتكي منها بس مادري شسالفة الاكل فيعني لو ضبطي شغالتك راح تستفيدي منها مضبوط موفقة ياروح |
رد : * تحدي النحيفات..ومرحبا بالرويانات *
Queen
بجد والله .. نفس الحالة بالضبططططط .. و كنت أقوم اخر الليل و ادعي في سجووووودي .. يارب انحف على خير .. يارب انحف على خير .. يارب انحف على خير .، و سبحان الله .. نحفت بجدددددددد بشكل مو طبيعي المشكلة؛ اني كنت أشوف نفسي لسى دبة .. و الا الا الا ابغى أصير مثل عارضات الأزياء و كانوا هما المقياس الحقيقي للجمال و الرشاقة .. المشكلة انه انا و اخواني عندنا عقدة ضد السمنة .. اخواني معقدين حريمهم؛ ياويلها الي تزيد و تسمن .. يمكن لانه أمي الله يرحمها كانت هي الي وزنها زايد ما بين حالاتها و أخواتها !؟ و كان ابويا نحيف و مرات يمزح و يتريق و يقول أمكم دبببببة و كنا نصدق ،، فتعقدنا من السمنة مع اني اكتشفت انه أمي الله يرحمها كان جسمها رويان و حلو الصراحة .. . . المهم .. انت كويس عندك مواهب من تحت .. انا للأسف الشديد .. البنطلون صار يتزحلق مني .. و لازم البس حزام .. ابغى مواهب بجد .. انخسفت من بعد الحالة النفسية الي مريت بها قبل رمضان :'( |
رد : * تحدي النحيفات..ومرحبا بالرويانات *
مهرة
و كيف النتائج حقة الحبوب. !؟. و هل استمريتي عليها 6 شهور بالضبط !؟ |
رد : * تحدي النحيفات..ومرحبا بالرويانات *
بوح سماوي
انا ليت عندي وقت اني اعمل عصير فريش .. حاليا لازم اقضي صيامي الي فطرته برمضان و انا حامل فلازم راح انحف غصب عني هذه الأيام لكن بعد كذا احاول ألاقي وقت لنفسي .. الشغالة جات و الحمدلله بدأت اهتم اكثر و صرت اقدر أنام للأسف ما احب الطحينة الحلاوة بالقوة اقدر أكلها و لا احب الحليب أبدا أبدا أبدا |
رد : * تحدي النحيفات..ومرحبا بالرويانات *
أبشركم
امس وزنت و لقيت نفسي 44 ^_^ تحملوني معليه كل ما دخلت المنتدى و شفت الموضوع هذا .. تشجعت اني اروح اكل و تذكرت اني ما اكلت شي و نسيت حالي |
رد : * تحدي النحيفات..ومرحبا بالرويانات *
ام مريمي
ياللا في انتظار جدول اصحاب زوجك ^_^ لكن معلومة جديدة الصراحة عن الجري و بناء العضلات أخصائية تغذية و شكلها الصراحة - اي كلام - لانها ما اقنعتني بكل شي قالته قالتلي لا تعملي اي رياضة .. حتى لو شد البطن و قالتلي أخد حبوب فتح الشهية 3 مرات باليوم و قالتلي الحبوب هذه ما تضر البيبي لكن ما سمعت كل كلامها |
رد : * تحدي النحيفات..ومرحبا بالرويانات *
طيب ياروح..اما تاكلي قبل اولادك..او تاكلي اولادك قبل موعد وجبتك عشان تتفرغي وتاكلي بروقان..وحاجة ثانيه خارج الموضوع روح لفتت نظري اذا كان دخل عليك رمضان وفيه رمضان قبله ماقضيتيه لازم تقضيه وتكفري عن دخل عليك رمضان جديد وعليك قضا من رمضان اللي قبله ..بالتوفيق لك ويارب توصلي للوزن المثالي
|
رد : * تحدي النحيفات..ومرحبا بالرويانات *
المشكلة كنت حامل و فطرت .. لانه صيامي و انا حامل بولدي الكبير
سبب له أضرار عند ولادته بسبب سوء التغذية و فقر الدم .. فقررت أفطر و انا حامل برمضان لآني اتعب و النونو كمان المهم جبت ولدي في القعدة .. و احسبي 40 يوم نفاس + ثلاث أشهر لخبطة في الدورة الله يعزك و بسبب اللولب .. مرة نزيف و مرة مادري ايش و حبوب كنت أخد عشان اللولب .. المهم .. صرنا تقريبا في ربيع تاني ! و علي صيام 30 يوم .. كنت أرضعه طبيعي؛ و ما يرضى يأخذ صناعي .. و أصلا ماعندي حليب .. اضطر أخد حلبة حلبة حلبة و اغصب حالي عالاكل .. حتى اروح العمل و اخرج من 7 من البيت و ارجع تقريبا 1 الظهر و تقول الشغالة يبكي و ما يبغى يشرب شي .. بالقووووووة تقول يشرب نقطتين و ينام من الجوع اليوم الي أصوم فيه؛ ما اقدر ارضعه و ادوخ .. ما كنت أخد فيتامينات .. المهم .. شفت انه المرضعة كمان يجوز لها تفطر .. حاولت اقضي على ايام متفرقة .. بس مو على حساب النونو صارت 15 يوم .. طبعا مع النفسية السيئة في رمضان هذا .. جاتني الدورة الله يعزك مرتين و طولت بسبب اللولب .. و شلت أشياء ثقيلة ماعندي شغالة وقتها ضيفي 15 السابق مع 15 دحين .. صاروا 30 يوم :'( |
رد : * تحدي النحيفات..ومرحبا بالرويانات *
ياحياتي ياروح الله يكون في عونك يارب ...المهم انتِ انتبهي لصحتك واكلك عشان نفسك واطفالك ..وكمان اسألي شيخ افضل عشان يفيدك عن وضعك وهل يلزمك كفارة ؟..واذا يلمزك كفارة كم يكون قدرها..لان اخاف يلحقك اثم بتأخير القضاء.. ...واما نظامك الغذائي فيه دكتور محمد الجزار ..كثير يثنوا عليه بعد فضل الله تتحسن صحتهم مع النظام اللي يعملهم اياه..هو في جده طبعا..الله يقويك ويعطيك العافية وكل ماترجوه نفسك.
|
| الساعة الآن 03:57 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©