|
رد: هل احرك وضعي الراكد من 5 اشهر؟(مستجد رد 7
طيب حبيبتي حتى تاخذي قرارك لازم تعرفين وش تبغين بالضبط
تبغين زوجك وبيتك تبغين الطلاق والانفصال ومو شايفة مستقبل لكي معاه او انك شارية بيتك وزوجك بس مو راضية بشرطه في حالة عدم رضاك عن الشرط يعني حاولي توصلي لحل وسط انو المبلغ اللي طلبه هذا ال 1500 تندفع للبيت يعني تساهمي معاه في مصروف البيت وتتكفلي بطلباتك برضو ومصاريفك وشوفي وش رده وفي كل الاحوال سواء رجعتي اولا امني ع نفسك واشتريلك شقة من راتبك |
رد: هل احرك وضعي الراكد من 5 اشهر؟(مستجد رد 7
مرحباً أختي
سأقول رأيي والله أعلم إن كنتِ ترغبين الرجوع لزوجك من أجله هو... يعني تحملين محبة وقناعة للعيش معه... وليس كما تقولي ( ودي يكون عندي بيت وطفل ) فأرى... أن تتنازلي عن مبلغ 1500 الشهري ولابأس بذلك 1- هو لازال ملزوم بالنفقة عليك... وهذا المبلغ يعتبر مقابل فترة خروجك للعمل... ولابد من إفهامه هذا الأمر... أنه لازال ملزوم بالنفقة في جميع الأمور 2- الناس يفهمون ويقدرون لكل شئ قدره... وأخذ زوجك للمال يعتبر مذلة له في عرف الناس 3- أعتقد بشكل كبير أنه سوف يتوقف عن هذا الفعل بعد فترة بسيطة من أخذه... لأنه سيراجع نفسه ويجد أنه ينقص من رجولته لذاته 4- إستخيري الله وأكثري من الدعاء بصلاح الحال... ولامانع من تجربة العودة لزوجك حتى مع هذا المبلغ... فإما تستقيم الحياة وتزين بينكما وإلا سينتهي الأمر وستكون ملامة عليه تحفظ في تاريخه أعانك الله |
رد: هل احرك وضعي الراكد من 5 اشهر؟(مستجد رد 7
والى متى تجلسين وعمرك يمشي
احسمي امرك كلمي ابوك ان هالشرط مايمشي اذا مو مقتنعين فيه روحوا لابوه وكلموا رجال لرجال ياامساك بمعروف ياتسريح باحسان.. واذا مرة تحبينه وغالي عليك تنازلي عن ال1500.. بس لو اختي بمكانك بقولها ماتتنازل لان هذي هي الف باء حياتها معه ولافيها اشوف مااشوف.. ربي يهديكم لما فيه خير وصلاح |
رد: هل احرك وضعي الراكد من 5 اشهر؟(مستجد رد 7
من الصبح وانا ابكي اهلي يقولون تطلقي وش الذنب اللي استحق عليه الطلاق :jj
|
رد: هل احرك وضعي الراكد من 5 اشهر؟(مستجد رد 7
نصيحة لك من مجربة لطمع الرجال إذا بترجعين له قدامك واحد من ذي الحلول
1_ قولي له أعطيك 1500 لكن مالك كلمة على لأن القوامة صارت بيدي أنا المسؤولة عن مصروفي ومصروفك وانت اخترت هذا الشئ .. 2_ وافقي لكن قبل ما ترجعي قدمي إجازة استثنائية بدون راتب لمدة سنه ولا تعلميه وحطيه في الأمر الواقع ومنها تكون سنة تجربة تشوفي كيف حياتك معاه بعيد عن المادة 3 - إذا دفعتي له لا تسوى له ولا شئ من مسؤوليات البيت خليه يطبخ ويغسل لنفسه ... وتراك بتدوسي على كرامتك أنت وأهلك عشان شخص مايستاهل .. |
رد: هل احرك وضعي الراكد من 5 اشهر؟(مستجد رد 7
والله من الصبح ابكي
الي افهم ليش يصلح بي كذا ؟؟ ليش تزوجني والله اني عرضت عليه اساعده واشيل عنه مصاريف البيت ولا وافق وش مخه وش يحس فيه ؟؟؟ شلون ينام وضميره مرتاح ؟؟ اهل زوجي مو بس يبون ادفع 1500 يبون اهلي يرجعوني بيتي وحظرته ولدهم مايعتذر ولا يقدم ولا يأخر |
رد: هل احرك وضعي الراكد من 5 اشهر؟(مستجد رد 7
الحين ال1500منه والا من اهله؟!
ويوم كان يرفض وش كان مبرره..بصيغة اخرى هل هو متناقض والا كان يبي كاش وانتي كنتي تعرضين مساعدة مقننة؟؟!! اوف يهالعالم استغفر الله😤 |
رد: هل احرك وضعي الراكد من 5 اشهر؟(مستجد رد 7
مجتمعي يضطهد المطلقه
انا اعيش بمجتمع ظالم ما اقد اختار الطلاق لانه خيار مر حتى لو تزوجت المطلقه عندنا زوجها الثاني يصير يعاملها بقيوه اسم انها كانت عند واحد قبل |
رد: هل احرك وضعي الراكد من 5 اشهر؟(مستجد رد 7
اقتباس:
الملبغ له لاكن الاقتراح من اهله اللي هم اعمامه |
رد: هل احرك وضعي الراكد من 5 اشهر؟(مستجد رد 7
اعانك الله اختي ،، مااعرف وش اقول بس فعلا طلع ............ ومايستاهل دموعك والله ،،
|
| الساعة الآن 10:53 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©