|
رد: اختي اخطأت باللعب ب العاب محرمه مستجد 62
المشكلة في اختك مو في الرجال
يا تبحث عن البديل و شكلها تحتاج لاهتمام و حنان و رعاية او ترجع له لا سمح الله لو فصلتي الموضوع هذا بموضوع جديد حتى تلقي حلول و تفاعل اكثر |
رد: اختي اخطأت باللعب ب العاب محرمه مستجد 89
بوجه كلامي لك عنك انتي بالاوليا ملكة
حاولي تفصلي مهامك عن بعض ولا تخلطي أمورك ببعض . وقت لاختك يكون تفكيرك لها ووقت لولدك ووقت لزوجك وهذا شيء ضرورة حتمية مو خيار تجدي الاسباب عشان ما تسويه . انت مثلا الان عند اختك وكلمتيها وعطيتيها من تفكيرك ووقتك .فلما تروحي بيتك اعطي زوجك حقه من وقتك واهتمامك .. اعرف راح ينشغل بالك باختك حتى وانتي هناك ولهذا اكتب لك انا الان .. عشان تحطي الموضوع ببالك وتحرصي على وقت زوجك وتبعدي التفكير باختك وبولدك بوقته .. واستعيني على ذلك ب 1. ان تكلمي اختك وتعطيها مثلا ربع ساعة لمرتين باليوم . وهذا راح يقلل قلقلك عليها .. 2. حطي ببالك ايمانك بالله وحسن التوكل عليه سبحانه .. ترى ربنا اللي قادر يريحها ويفرج همها مو شطارتك ... بعد المكالمة استودعيها الله واثبتي له سبحانه انك فعلا عندك ثقة فيه .. بخصوص اختك .. اشوف لا تكبري الموضوع .. البنت غلطت وتابت عن غلطتها منها لحالها باذن الله .. وهذا احسبه لها نقطة كبيييرة .. وكبرت البنت بعيوني .. وانتي كمان عززيها .. وما راح تقدري تعززيها وانتي من داخلك اهتزت ثقتك فيها... لو انها لا زالت عالغلط افهمك .. لكني مو فاهمه ليه فقدتي ثقتك فيها في حين نجحت بامتحانها وكسرت شريحتها بيدها .. كونها تشتاق للحنان شيء طبيعي . هذا قلبها يشتاق لكن عقلها غلب قلبها الحمد لله ومثل ما قالت روح الطير البنت عندها مشكلة فراغ روحي عاطفي سبب بكل مشاكلها . لازم تنشغل بنشاط يعززها ويملا روحها ... ضروري تلتحق بدار قرءان . مافي مثل القرءان يملا الروح ومافي مثل صداقة رفيقة تحفيظ او معلمه تملا عاطفتها . وتنافس بالدار يعزز ثقتها بنفسها ويشغل وقتها . اذا استحال هذا الامر شوفي لها نشاط مدرسي.. كشافه . نادي علمي . اذا لا هذا ولا هذا خل اشترك بنادي رياضي تفرغ شحناتها فيه ويرفع معنوياتها . فضفضة واحتواء لحاله ما يكفي حبيبتي دورك انتي تعزيز .. تعزيز . تعزيز .. وتوجيه للتركيز بدينها ودراستها . |
رد: اختي اخطأت باللعب ب العاب محرمه مستجد 89
ملكه صاحب البالين كذاب ,,, فما بالش وانتي بالش في ولدش ونفسش وزوجش غير اختش ؟
كيف ومن وين تستمدين طاقه تساعدش على كبر المسؤليه مرة اخوي طفلها متوحد وحياتها شبه متوقفه فقط لولدها كل امكانياتها وقدراتهالولدها والحمدالله اخوي متفهم ويساعدها كثير ومتعاون فما بالش انتي الي محتاجه حد يوقف معاش ويسندش ويساعدش ويعطيش الحافز ! اختش اوقفي معاها بشكل مؤقت لين ما تجتاز ازمتها شوي بعدها لازم اهتمام الاهل ومداراتهم واهتمامهم لها .. امش وابوش محتاجين صفعه تفوقهم عشان يدارون وينتبهون حق عيالهم |
رد: اختي اخطأت باللعب ب العاب محرمه مستجد 62
اقتباس:
والله انشل تفكيري تماما |
رد: اختي اخطأت باللعب ب العاب محرمه مستجد 89
اقتباس:
يصحى ولدي الساعه اربعه الفجر وهو مانام الا وحده يعني نام اربع ساعات اصحى معاه اهتم فيه اراقبه اسوي له جلسات افطره الفطور ياخذ مني ساعتين الى ثلاث لين يخلص وجبة الافطار اخلص ارتب الحوسه فطور لزوجي مااسوي يركض بالبيت رايح جي وممكن ياذي نفسه بااي شي انا معاه اراقبه لانه مايفهم اي شي محتاحني بكل لحظه حتى لو ضرب بشي ويتالم مايعلمني وين الالم او ليه يبكي تغيير وملابس وغسيل ملابسه نخلص ناخذ قيلوله ساعه ويصحى يراااكض ويخرب ويسحب الاسلاك وانا معاه ركض حتى ماء مايطلبه الغداء مصييبه ياخذ مني اربع ساعات ونصف وممكن خمس انهلك كذا وينفذ صبري اخلص اغسل وانظفه وتبدا المعاناه العب معاه واشاركة عالمة الغريب المخيف مايخلص يومنا الا وحده الفجر وانا هلكانه استنفذت طاقتي وقدراتي وامكانيتي ماعاد طلعت زيارات للمعلوميه لازم يطلع مشوار يوميا ويركض ويطلع كل طاقته وانا ابذل جهدي كله مع دور الحماية من ابوه المتوحش معاه الي يندب حظه على انجابه متى اقدر اطبخ اكلنا وقهوتنا وغسيل ملابسنا لان غسيل ولدي له شامبوا خاص عشان تحسس جسمه كل جهدي لولدي طفل التوحد يذبح ويعور القلب اختي بسوي الي قلتي لي تصدقين انه مواصله من امس لما نام البارح جلست ارتب حوسته وكراكيبه لين الساعه سبعه صباحا لبسنا ورحنا مركزه للاسف وقفوا اختباره لانه يبكي ويبغى ينام وهو صاحي من اربع الفحر |
رد: اختي اخطأت باللعب ب العاب محرمه مستجد 89
اقتباس:
ملكه كذا راح تهلكين على الاقل جيبي خادمه تساعدش تحمل شوي عليش |
رد: اختي اخطأت باللعب ب العاب محرمه مستجد 89
انتظر ردك ملكة بخصوص سؤال كوكي عن الخادمه
اعذريني ما كنت فاهمه وضع ولدك تمام.. ظنيت بانك شاكه انه عنده توحد ولسه تراجعي وتفحصي عشان تتأكدي . بكل الاحوال زوجك مثله مثل كل الرجال .. مو عيب فيهم لكنها طبيعتهم اللي ربنا خلقها فيهم عشان يقدروا يقوموا بدورهم مثل حنية المراة وحجم صبرها ربنا جبلها عليه عشان تقدر تقوم بدورها وحتى ما تخسري زوجك وحتى ما يخسر ولدك ابوه حاولي حبيبتي تلاقي طريقة تقومي بواجب زوجك قدر الامكان والخادمة تساعدك كثير |
رد: اختي اخطأت باللعب ب العاب محرمه مستجد 89
اذن ظهر السبب الحقيقي لكل الموضوع ،،
عزيزتي ، خالة بيتا والاخت كوكي كلامهم ممتاز فاخذي به .. الجزء الاساسي للعناية باختك هم والديك وحتى لو حاولتي التعويض ماراح تتعوض لان اختك تحتاجهم هم ، تحاول لفت نظرهم هم فلابد من الجلوس مع والديك واطلاعهم على ماحصل لحتى والدتك تقلل فترات جلوسها على الهاتف ووالدك يتعلم التواصل اكثر مع اختك والا فتوقعي حصول الاسوء حتى بمداراتك المتواصلة لها ! ابنك ، ان توفر عاملة صحية لها خبرة بالتعامل مع اطفال التوحد فهالشي ممتاز وانصحك فيه لانها حتى بتعلمك و تعلم زوجك .. اما الخدم العاديين ماعتقد لهم القدرة على التعامل مع الطفل وممكن يسبب لك مشكلة |
رد: اختي اخطأت باللعب ب العاب محرمه مستجد 89
اقتباس:
عالعموم كلها اسبوع ويدخل مركز او حضانه حسب التوصيات الي راح يطلعها لنا مركز الابحاث واكيد راح ارتاح كثير |
رد: اختي اخطأت باللعب ب العاب محرمه مستجد 89
اقتباس:
فكرت كثيير اجيب خادمة بس متخوفه منها احيب خادمات بالساعات يسوون تنظيف عميق للبيت والله احاول اجتهد واقدم له بعض الواجبات مو كلها وان يمر ايام مااطبخ وحتى اسابيع لان وقتي لولدي وانا بالمستشفى حصلت اطفال توحديين بس كلهم مع مربياتهم ولا ام شفت الا ثنتين والباقي مربيات يعني الى هالدرجة هالفئة متعبه قلت لزوجي لو لاحظت كلهم مربيات حتى الامهات الي جايين معاهم مربيات لعيالهم احس ظلمت نفسي بس ان شاء الله يقدر زوجي هالشي |
| الساعة الآن 06:17 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©