منتدى عالم الأسرة والمجتمع - كوفي شوب الصبايا (٣)

اقتباس:

المشاركة الأصلية كتبت بواسطة مبتعثة متفائلة (المشاركة 3331767)

هههه رينول كلكم معزومين العين اوسع لكم

ميمو بسالج عن الوسواس القهري
كيف اصبتي فيه وكيف تعالجتي
اذا يضايقك ابدا لا تجاوبي
بس ماشاءالله وحده مثل ايجابيتك وحيويتك تحسي ماعمرها اصيبت فيه

ضايق صدري من سالفه
مدري افضفض مدري اكبت
دعواتكم

حبيبتي مبتعثة بالعكس كتير عادي بجاوبك وبتمنى اني فيدك ولو بشي بسيط،
المهم الوسواس القهري ما بيجي بين يوم وليلة
بل بيبدأ بوسواس عادي بيروح وبيجي واذا اتخطاه الشخص بيكون اتخلص منو بنسبة كتير كبيرة

وبس الوسواس يتغلب على الانسان و بيتراكم وبزيد وبيتطور ليصير وسواس قهري وبيقهر الشخص وبصير مسير الو
والوسواس القهري متشعب مثلا وسواس بالنظافة او الطهارة او العقيدة او الموت او المرض او فقدان شخص او غيرهن
انا بدأ معي من 12سنة بالصلاة ووسوس بعدد الركعات بس مدة كتير قصيرة كم شهر وخلصت منها
بعدين بالوضوء كمان مدة كتير قصيرة وانتهيت من المشكلة

بعدين صار عندي متل حالة قرف مثلا اقرف من البيوت بسويسرا كون الناس ما بتطهر او بتهتم لهيك امور وكنت شوف اشيا بعيني تخليني اقرف
وكنت حس هالشي عادي لانو جدتي،بتقرف وخالتي كمان وناس كتير بعرفهن بيقرفوا
فكنت كمل حياتي طبيعي وما اتأثر بهالشي وضل اضحك وما اعرف اليأس بل ضل مشحونة بطاقة ايجابية
وكنت مهما مريت بظروف حياتبة صعبة كان يضل عندي امل انو بكرة رح يكون احلى واجمل
المهم من ست سنين بس ولدت بنتي من بعدها بكم شهر
مع اني كنت مش مصدقة انو ربي رزقني بنت
وكنت حسها معجزة من رب العالمين
صار يبدأ عندي وسواس الطهارة والنجاسة
وما اهتميت للموضوع او ما حسيت على حالي الا بعد تلات سنين كنت وصلت لمرحلة عذاب نفسي وجسدي واكتئاب من ورا هالشي
كانت الافكار ما تفارق راسي وحس كأنو مكنة وشغالة كل الوقت التفكير ماشي
مع انو اللي مش عايش معي بيقول ما بتعاني من شي
كنت مجرد ما اخرج من البيت ارجع وحدة تانية اضحك وامزح
بس بالبيت مع وجود اطفال وبيخص نجاسات وهيك امور كنت اتعذب بشكل مش طبيعي
لدرجة كانت امنتيتي الموت لاخلص بس من التفكير لانو حس اني وصلت لمطرح ما قادرة اني حارب
وكتير نصحني زوجي اني اتعالج من بعد ما استشار ناس بيوثق فيهن وانا ارفض وقلو هالشي مستحيل يروح مني
المهم بعد معاناة تلات سنوات ووقت وصل الوسواس لمرحلة مزمنة صار بدي اي شي بس لارتاح وريح عيلتي
وصارت مسيطرة عليي فكرة اني لازم اتخلى عن زوجي واولادي لمصلحتهن
فهون زوجي ما قدر يشوفني هيك ويسكت حكي مع اهلي واتفقوا روح لعند دكتور
ورحت وراح معنا بابا وماما وبالفعل صلي الدكتور انت كيف تاركة حالك لهلئ
فعملت فحوصات وصورة للراس وبعدين وصفلي ادوية كعلاج
ريسبال وسيبراليكس وذولدوكس
اول شي ما حسيت بتحسن بس بعد،شهرين بلشت اتحسن
لبعد كم شهر رجعت متل ما كنت قبل
واخذتهن لسنة وتسع سهور تقريبا
بعدين بلش الدكتور يخففلي العلاج
لوقفته من سنة او اكثر شوي
هلئ بعض الاحيان بيجي عالخفيف وبيروح
في تفاصيل كتير ببقى بكتبلك ياها لانو ما بقدر فسر كل شي برد
بل يحتاج لمجلدات
وبالنسبة للتفاؤل بحياتي هالشي من انا وصغيرة بحب اجواء الضحك والفرفشة
وعلى فكرة اكثر الاشخاص اللي بينصابوا فيه بيكونوا اذكياء😁😁