منتدى عالم الأسرة والمجتمع - كوفي شوب الصبايا (٣)

منتدى عالم الأسرة والمجتمع (http://www.66n.com/forums/index.php)

- مملكة المرأة (http://www.66n.com/forums/forumdisplay.php?f=90)

- - كوفي شوب الصبايا (٣) (http://www.66n.com/forums/showthread.php?t=261411)

رد: كوفي شوب الصبايا (٣)

طيب فيه عندنا املاك و ورثة
و لازم توكيل لواحد منهم ..

الي كويس .. يقول ماني فاضي و شال يده ..
و يقول خليني بعيد عنكم

التاني .. طماع و ما يخاف الله .. و ما يحترم الي اكبر منه
يقول وكلوني بس مالي دخل فيكم و كل وحدة تروح بنفسها

بعض من اخواتي ما يبغوا يوكلوه ..
و انا بعد الحركات الي عملها في العيد من عدم تقدير لأختي الي اكبر منه ..
هي قالت مابغى أوكله بس اخاف تغير كلامها بعدين
و بصراحة .. شلت فكرة اني أوكله ..

لاني ما اضمن تقسيمه و لا اخواتي يضمنوه ..

الاراضي حقة ابوي الله يرحمه صار لها اكثر من 10 سنوات
و انا مو مستعجلة على نصيبي ..

بس قاهرني ..
و فعلا غسلت يدي منهم ..

رد: كوفي شوب الصبايا (٣)

والله ثم والله لو نعامل بعض باحترام
بس "باحترام "
كان ارتحنا من المشاكل

رد: كوفي شوب الصبايا (3)

اقتباس:

المشاركة الأصلية كتبت بواسطة روح الطير (المشاركة 3291588)

خخخخخخ
اقرئي ردي عليك " الأخير"
تبون تسوون توكيل ؟!
ولواحد ما تثقون فيه وسيء معكم؟!!
شوفي ارجعوا للطيب وقولوا له بندفع لك اتعابك
وطمعوه بمبلغ حلو
على الأقل ينوكل حلالكم برضاكم، أحسن من إنه ينسرق وأنتم "موتوا بغيضكم"

رد: كوفي شوب الصبايا (٣)

روح أبعطيك قاعدة أمشي عليها في حياتي بالنسبة للتعاملات المادية
اثنين بالحياة يستاهلون فلوسك وحلال فيهم مهما سوو لك( هماهم يقولون الحرمه منانه) الوالدين وعيالك
واثنين حرام فيهم الريال " الزوج والأخ"
عشان كذا إيه ابعطي وأبسلف إن احتاجوا بس بشرط مبالغ زهيدة
غيره أنا وعيالي أولى فيه

رد: كوفي شوب الصبايا (٣)

موتوا بغيظكم

رد: كوفي شوب الصبايا (٣)

الكبير ماشاءالله عليه .. ما يهتم بالفلوس ..
و كريم جدا .. و ينضحك عليه بسهولة و عشان كذا يوثق في التاني

لكنه كسول و انطوائي و ساكن بمدينة تانية ..
و زوجته ما تبغاه يتحرك من جنبها .. و عشان كذا شايل يده بعد موت امي

.
.

التاني ..
ممكن يعطينا نصيبنا بعد ما يبيع الأشياء .. عشان يخاف من الكبير ..
لكن بعد ( ما يذلك ) و يحسس نفسه انه يتمنن عليك ..

.
.

هو يحترمني .. و يحسب لي حساب الحمدلله و يعرفني كويس ..
بس انقهر على اخواتي لما يقل أدبه عليهم و ينقهروا و يسكتوا له .. خايفين منه ..
و اكل في نفسي .. المشكلة قدامي في القروب و انقهر ..

لاني زمان لما كنت اتكلم و أرد .. و أوقف مع الحق ..
و احرجه ..
الاتنين يتصالحوا و أصير انا البطالة .. !!!

تجي اختي تفضفض لي لما هو يغلط عليها
بس يقهروني عالفاضي ..

تعلمت ما ادخل نفسي ابدا ..
بس قاهرني .. نافخ ريشه عالفاضي :(

لازم اخد دروس اكثر في التطنيش
و اخواتي يخافوا منه و يجوا يشتكوا لي .. :(

لو عصبت و قلت كلمة من القهر ..
بعد ما يتصالحوا .. يروحوا يقولوا له و يعملوا لي مشاكل معاه
عشان كذا مطرطعة و اكل في نفسي .. لاني ماسكة حالي و تعلمت ما ادخل نفسي ..

هو يحترمني ؛ عشان يخاف مني ..
و معايا جدا مؤدب .. لاني كم مرة ألزمه حدوده معاي و مع أولادي

دحين وحدة من اخواتي الي اصغر مني ..
هي صارت اقرب وحدة ليا من بين الكل ..
يمكن لانها تزوجت و بدأت تفهم الحياة و شافت كيف اخوات زوجها مترابطين ..

و هذه اختي صارت تعامل اخوي هذا .. برسمية
تقول لانه ما يحترمها و لا يحترم زوجها
و قليل أدب و يحط راْسه برأس اطفالها

دحين صار اخوي بس يحسب حساب لنا نحن الاتنين
البقية يذلهم و يطول لسانه عليهم ..

و قدام اخونا الكبير .. يعمل حاله طيب و بريء و مسكين ..
و يقلب الكبير على اخواتي

.
.

خلاص مالي دخل ..
خليني في أولادي و في نفسي ..

بس برضو قاهرني و رافع ضغطي ..

رد: كوفي شوب الصبايا (٣)

اخدت الموقف التالي :

اخوي الصغير اساء لأختي الكبيرة في الكلام و شتمها .. بوجود اخوي الكبير والبقية ..
ماقدرت أمسك حالي ..

و قلت لهم .. بأدب و احترام ..
انه ما يصير يا جماعة زي كذا.. لازم نتكلم مع بعض ما بيننا باحترام ..
و اني من امس متضايقة بصراحة من الي صاير .. و ما حبيت أتدخل بين اي طرفين

لكن اعذروني لاني حابة اخرج من القروب فترة و اريح أعصابي
لانه الي حصل .. جدا ضايقني و طير النوم من عيني ..

.
.

خرجت من القروب ..
عدم احترامه لها في القروب و تماديه في الشتم .. يعني عدم احترام لنا نحن الموجودين ..
و ماقدرت اسكت و أكون جبانة .. مع انهم لو يتصالحوا؛ بيتحدوا مع بعض و يقلبوا علي هههه ..
بس ما همني ..

المهم ..
معليه دوشتكم .. ^_^

رد: كوفي شوب الصبايا (3)

خلّونا في المكياج ..
:D

.
.

زهرة الرمان

سلامة زوجك .. كيفه دحين !؟

رد: كوفي شوب الصبايا (3)

روح .. أبداً في حصر وتوزيع الإرث لا تخلون أي شخص يقوم بهالمهمة
يفترض ان توكلون محامي أو محاميه يحصرون الارث
ويشوفون ويوزعون عليكم..

رد: كوفي شوب الصبايا (٣)

دام كذه الموضوع من جد مالك شغل بينهم بس صدق حسافه يكون الأخ زي كذه الله يعوضك بعيالك
كلام شوك واقعي للأسف في كثيييير من العوائل

وطابت جمعتكم أختي الصغيرة جابت بنوته اليوم الصبح وعقبال الكبيره الله يتمم عليها
اللهم امين