|
|
اقتباس:
ياحبيلك بعد تخيلي كان يبكي تحت رجليني يقولي : حسي فيني أنا أحبك حسي حسي عطيني أللي أبي أنا أبيك ام عيالي ماتزوجتك عشان أطلقك والله أحبك حسي بسنوات أنتظآري لك حسي بتعبي عشانك وأنا كانت هآديه جدآ ... مدري فجآه من ربي ماعطاني احساس أحس فيه وأحس بكل اللي عمله لي كان يبكي علي وأنا بكاه ماكنت أهتم له مدري وش أسوي وقتها .. هل أنا فعلن ماكنت أحس فيه ؟ أو سحر أو عين صابتني خلتني مـاألمسـه ؟ وهذآ اللي صآر ببداية حياتي معه ؟ ماني قآدره ألمسه ولا أحس فيه ولا أرآعي مشآعره كان يبكي كل لحظه قدآمي بالسياره بالبيت بكل مكان وأنا بغباء مني وعدم أحساس ماكنت أعرف كيف أتعامل مع تلك اللحظآت لأني أول مره أشوف رجل يبكي قدآمي .. وكنت بأول آيامي زوآجي ومستحيه وهذآ اللي وصل حيآتي معآه الى هـ النهآيه وهذآ اللي خلآه يقول : البنت مـاتبيني أنا والله أبيه وأحبه بس بـ البدايه ماني عارفه ماني عارفه والله ماني عارفه وش صابني أنا للحين مصدومه من تعاملي مع بكاءه وتذللـه لي بالبدايه واللـه أحبه واللـه أحبـه واللـه أحبــه ومـاأظن بحب وآحد غيره والله أكتب وأنـا أبكي والله كل يوم أبكي أكثر من قبل عسآني مـاأنحرم منه عسآنآ مانتفآرق يوم |
طيب ايش تفسيرين كلامه لما قال انتي انسانه مايونثق فيك
هو جالس ينتقم والرسول صلى الله عليه وسلم تعوذ من قهر الرجال طيب والله زوج اختي هذا كان يسوي مثل تصرفاته وكان لما ولدت اعزكم الله واكرمكم يحط وجه بالدم اللي باقي اثره على رجلينها من الولادة هذي الشخصيات انفعاليه وعاطفيه في نفس الوقت ولكن انتقاميه وحقودة |
الله يفرج همك ويرده لك يارب ويهديه ويحنن قلبه عليك
ادعولها يابنات |
غصب علي يابنات أبكي والله غصب علي مـاأبي أبكي قدام أمي وأبوي بس وربي غصب دمعآتي تنزل واللـه كل ماتذكرت أني أمس عروس واليوم مطلقه أتضآيق آسفه يآبنات وربي قلبي يتقطع كل ماشفت أغرآضي وأكثر من نصفهآ ماأستخدمتها قلبي يتقطع والله كل ماشفت صورنا أنا واياه قلبي يتقطع كل ماتذكرت ايامي معه قلبي يتقطع كل ماتذكرت لحظآتنآ مع بعض قلبي يتقطع فديتكم لاتلوموني وربي أكتب ودموعي على خدي كل ماتذكرت انه وعدني قبل الزوآج ببقى معك طول العمر ومراح يفرقنا الا الموت قلبي يتقطع كل ماتذكرت رسايله ووعوده لي قلبي يتقطع كل ماتذكرت اللي سوآه لي قلبي يتقطع أحاول أتذكر شي مو حلو فيه مـالقيـت أقصد لما كنا مع بعض آآآآآه بس فديتكم سآمحوني وربي قلبي يتقطع وحآبه أفضفض أبي أرتآح أبي أرتآح يآرب قوي قلبي يآرب أكتب لي الخير يآرب أنزل موآضع الرحمه والموده على قلبي وقلبه |
اقتباس:
لأنـه أحيآنآ يطلب مني طلبآت : مثل لاترسلين و أرسل مثل طلعة الشقه يمكن فكر تفكير سلبي وأنا ماطلعت له الا بعد استخاره وعلى أنه زوجي وتفكير الرجال سيء وأنا على نياتي يابعد عمري انا يالله على زوج أختك وش العمله ؟ حسبي الله عليهم أنـا أشوف زوجي انه حآقد وينتقم منـي .. وهذآ الاحظه خلال مكالماته لي يعني لما أقابله : رجل ونعم الرجال أما بالجوال : يالله لو أحكي لكم ماتتصورون قساوة كلامه كله حقد و أنتقام و و |
بقول كلمه اخيره واتمنى ماتزعلون مني ..
اعرف زين ان نيتكم طيبه .. لكم المشكله البعض مايراعي كلامه المهم عنده يفرغ مافي نفسه وان كان من حرص ولكن مايراعي نفسية صاحب الموضوع .. اوكي كم شخص دخل وانتقد زوج ندمانه .. وفهمت ووصل لها الكلام طيب ليش كل وحده تدخل وهاك تقطيع بزوجها ..؟ نذل .. ولد شوارع .. .. الخ الخ .. اوكي صح تصرفاته ابدا ماتصح بس وش له تكرهونها فيه ليش تحسسونها اكثر بقهرها .. اللي راح راح المهم اللي جاي .. والله العظيم اني مريت بظروف مشابهه جدا لظروف ندمانه ولاكانت يوم ولا يومين ولا اسبوع والله شهوور وكنت قريبه من الحاله النفسيه لاختي ندمانه .. وها انا معلقه قاربت على السنه .. ومع هذا مانزلت موضوعي على العام .. لكني استشرت بشكل خاص .. ومن الاسباب اللي منعتني .. إني مااقبل احد يسب زوجي ولا يتكلم فيه ولا يكرهني فيه حتى لو انا سبيته ولااقبل احد يقلل من شأنه .. ولا احد يفرغ تجاربه او نظرته عن الرجال عن طريق زوجي .. زوجك فيه وزوجك فيه ولو انا منك كان سويت وسويت اتركيه وخليه عنك وفيه وفيه ...الخ بدل ماتخففون من الالم ترشون عليه ملح ..؟ وهالامر لاحظته كثييير بالمواضيع المطروحه .. فيه فرق كبيييير بين الانتقاد والتوجيه وبين سب والتقريع .. المرء يحتاج الى من يهدئ نفسه ويفكر معه بعقله قبل عاطفته .. اعذرني اخيت ندمانه اني خرجت شوي عن موضوعك لكن ادعي ربك وفوضي امرك اليه والله اتمنى لك السعاده من كل قلبي .. اتمنى محد يعقب على كلامي لاني ماارح ارجع للموضوع .. اللهم يفرج همها وهمي وهم الجميع يارب .. |
حبيبتي فضفضي وبس..
طلعي كل اللي بخاطرك هنا .. طلعيه كامل والحين حتى ترتاحي ولو شوي.. طلعيه .. يارب بحق دمعاتك وشوقك له يلين لك قلبه ويغيره يارب.. انه قادر على هداية من يشاء .. |
اقتباس:
اختي ندمانه والله العظيم اني تأثرت بكلامك وحسيت فيك وفي خاطري كلمات كثيره لك ولكن في قلبي غصه وقهر لما قرات وكلي همومك لله سبحانه وتعالى يارب يثلج صدرك ويبدل حالك الى احسن حا ل ويجعل ماصابك في ميزان حسناتك حاولي تتأقلمي مع وضعك وتكون ثقتك بنفسك كبيره يارب حقق رجائها وطمن بالها واستجب دعوتها يارب يارب |
والله مانلومك
والله كلامك حزين وبكاني واقدر ظرفك أنا حاسه فيك وكلنا بالأصح أسأل الله لك رضا يملأ تفسك ملاحظة كنتي تقولين لأحد اين كان زميلات أخوات مايفعله زوجك معاك فخذي اثرهم قدتكون عين ماصلت ع محمد صلى الله عليه وسلم |
أنــا واللـه مـاكرهته وعمري كل ماراح أكرهه ولا أرضى بأي شخص يسبه مهما كان هذا زوجي .. حتى كلامكم عنه ماأثر فيني بس إني سآكته ولأنكم مـاتعرفونه فمتقبله كل اراءكم .. لكن ولاشخص بهالدنيا يقدر يكرهني بـ زوجي طول العمر كله ببقى أحبه مع كل تصرفآته اللي عملهآ فيني يظل زوجي اللي حبيته ولا أقدر أستغني وأنا مع إني نهاية هـ الأسبوع بتأخذ قرآر نهآئي معـه بس الأكيد بحآول قد مـاأقدر إني اقابله أمام أبوي وأخوآني وأحيانا أقول : تصرفآت زوجي آلآن ردة فعل من فعل ( اللي هو تصرفاتي ببداية زوآجي ) ولا ألومـه على كل تصرف وأحيآنآ أقول : حتى لو فعلي خطأ كان المفروض هو أكبر مني يوجهني ويحتويني ويعطيني آمآن ويصحح أخطآئي بس ردة فعله عنيفه جدآ .. مـاتخيلتهآ أبدآ أبدآ أبدآ ومع ذلك حبه بقلبي يزووووووود الله يسامحه علقني فيه صرت أحب كل الأكلات اللي يحبهآ صرت أتصرف مثل تصرفآته صرت أحكي مثل حكيه صرت أشرب مثل اللي يشرب صرت أتصفح مواقع مثل اللي يتصفحها صرت أحب الكوره مثل حبه له آآآآآه بس آآآآآآآه |
| الساعة الآن 12:15 AM. |
|
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©