|
|
حبيبتي ندمانة عبري عن مشاعرك
قولي كل اللي تحسينه حتى لو كان حب وعاطفة تجاه زوجك لا تدرين كم تألمت لأجلك وبنفس الوقت فخورة بك كوني بخير حبيبتي |
اقتباس:
للأســف ايـه وأهلي كان يحبون ومدلعين زوجي كثير أكثر من أزوآج خوآتي وخوآتي كانوآ يقولوآ : وش معنى ؟ وش معنى ؟ وزوجي من حبه لي عملي حفله ترك كل الدنيا وكان يمشي ورآي ويشتري لي أغرآضهآ محد تدخل فيهآ كلها أهداء من زوجي لي حتى أبوه : قألي : أنتي وش سويتي بولدي ؟ حتى حفله حطها لك ومدلعك آخـر تدليع فعلن عيشني ملكه ... ولايوم رفع صوته علي والله والله مـاينام الا بعد مـاأنام أنا .. مـايأكل الا بعد مايوكلني أصحى من النوم وفطوري وقهوتي جآهزه .. صدق أنا عيب علي أنام كان المفروض أصحى قبله لكن ماتعودت على الحياة الجديده كنت أشوف بعيونه حزن على وضعي لكن ماكان يتكلم يقولي : أنتي عروس ماأبي أزعلك كان كل يوم يهدي لي هديه أقسم بالله العظيم لو أحكي لبكرى كيف كانت معاملته معآي محد رآح يصدق وربي مـاعمره رفع صوته علي لدرجه وأنا عروس طلبني وين نروح شهر العسل ؟ قلت : أبي مكه .. قال : سمي حنا لمكه والله حتى المسعى كنت دايخه وأخذلي عربيه وكان هو تعبان لأننا مواصلين و7أشواط كان يدفني بالعربيـه ... وأشياء و أشياء وأشياء آآآآآه بس لو أحكي ماراح تلوموني ليه أنا أحبه ؟ ليه أنا متمسكه فيـه ؟ بس تغيره المفاجيء صــدمنـــي والله صدمنـــي وهـ التغير أنا أحد أسبابه والله والله أنا أحد أسبابه لو كل العالم قالوا لي : مالك ذنب ماراح أصدق أنا كنت أحدى الأسباب كان المفروض اشيله بعيوني بس ماعطاني وقت ولا فرصه أنا والله والله أني مايوم رفعت صوتي بس كانت أكبر مشكله عانيته ( هدوي و خجلي ) المفاجأ امامه ... كنت أستحي كنت أستحي اسولف معه أستحي أستحي والله أستحي من الرجل ماتعودت على جل غريب بس لما يطلبني كنت أقوله : سم وآمـر بس فيه شي أنا ألوم أسرتي عليه ماعلموني كيف أتعامل مع الرجل ؟ يعني المفروض اصحى انا قبل المفروض والمفروض بس حياتي عند أهلي كنت أنا اخر العنقود ومدلعيني أهلي و تزوجت ودلعني زوجي وأنا كنت أتضايق من هـ الشي قلت لزوجي : فديتك لاتدلعني بشويش علي قال : انتي عروس ولك عيوني وأنا كنت أقول طلعت من بيت دلع لبيت دلع .. متى أحس بالمسؤليه متى ؟ متى .؟ كنت أبكي محد يدري ومره سافر زوجي لعمله وأنا عند أهلي : طلعت أتسوق وأشتريت كل أغراض المطبخ من أكل و و وأرسلت لزوجي : قلت متى تجي أبي أطبخ لك كنت مبسوطه أبي أعتمد على نفسي قآل : بعدين لما نستقر برمضان نطبخ مع بعض آآآآه بس أكتب وأنا أبكي والله أبكي |
أحنا نقول هذا شئ من مصلحتك ومحد يبي يجرحك بس تسمعينها منا ولايجي يوم وتنصدمين من مر الحقيقه اللي راح تواجهينها
ارضي بنصيبك وقدرك وارضي باللي الله كتبه لك أنتي ماتدرين وش الخيره فيه يمكن ربي بيعطيك شئ أجمل أحنا عارفين أنك أنتي تموتي فيه وتحبيه ولكن هو وش تتوقعين يحبك أو لا ؟؟؟؟ كل اللي أنتي كاتبته يدل على معنى واحد أنه مايبيك وجالس يتسلى فيك أنا ماأدري تبينه يتمادى في لعبته ؟؟؟ أحنا مانقول هشئ إالا من مصلحتك لكن أن شاء الله رربي يخيب ظنونا فيه ويطلع اللي في قلبك هو الصح ؟؟ |
والله فعلا احس زوجك كان معاك مثالي
وعدم تفاعلك معه خلاه سلبي اقتراح خذي اثر من الكل وغسلي وتوضاي هذي عين أعوذبالله الناس ماترحم والله ياحبيبتي قطعتي قلبي ماعليه فضفضي زيادة |
تدرون زوجـي مثل ميـن بتصرفاته مثل الأخ ( أحمد حيآة أفضل ) والله زوجي عاملني كمعامله أحمد لـ زوجته بس أنا والله والله مـاكنت مثل زوجته والله ماكنت مثلها بلعكس كان يتمنى مني كلمه خجلي تعبه .. بس كنت أعبر له عن حبي بـ الهدايا بـ ليالي رومنسيه بـ كتابات وأورآق بـ رسايل جوآل ماكنت مثلها والله ماكنت مثلهآ بس أهتمامي فيه قليل يعني ملابسه وكذآ مدري أحس إني ماأهتميت كثير يمكن لأني ماعشت كثير معه أو لأن ماسكنا الا بشقق مفروشه وكل يوم مسافرين بس واللـه زوجي كآن معآي كـ ( حيآة أفضل ) ونقطة التحول بحيآتنآ أنا و زوجي هي ( مصآرحتي له ) غباء مني والله غباء بس كانت نيتي غير اللي فهمهآ الله يسامحه لكن ببقى أحبك و لو قآلوآ لي : موتي لأجل زوجك بموووووت آخر زيآره له لأهلي : قآلهآ وأنا عند الباب أسمع : كان يقوول ياعم ياعمه << يقصد أبوي وأمي تدرون أني أموت لعيونهـا وتزوجتهآ عن حب لكن هي ماتبيني هي مو مرتاحه لي فهمي خجلي وعدم أعطاءي له حقه الشرعي بشكل كامل ( اني مـاأبيـه ) وأنا كل هذآ خجل حياء ماكان بمحله أبدآ آآآآآه بس آآآآه |
كان هو من قبل مايتزوج طاير فيني طيران عند ربعه عند أسرته كل العالم كانت تعرف بحبه لي وهو من النوع اللي يمشي ويحكي وكان مايخاف من العين ومو معترف فيها وأنا كنت أيام الملكه : يعني أسولف لأهلي وصديقاتي عنه و مدلعته للآخـر مايأكل الا من يديني وزآرني كثير كنت حاطته بعيوني عكس بدآية الزوآج أول ليله من زواجناكنا أجمل أثنين وثاني ليله : حفل زوآجنا نزل بـ 9 مواقع ألكترونيـه وكان هو منفعل ومبسوط لدرجه ماتتصوونهآ وكان الكل يحكي بزواجنا وحضروه شخصيات خاصه لكن فجأه أنا وهو تغيرنا يمكن من ثآني ليله بـ النسبه لي أنا : صرت أهرب منه مو كره فيه لا أعلم وش اللي صآبني هذا الشي فقط لما كنت معاه بالشقه أما لما نطلع نتمشى ونتسوق كنا مبسوطين فقط بالبيت شي غريب بيننا وبعد أٍسبوع من زوآجنا وجهي ووجهه أختلف اللون صار لوننا يتغير للأسود كانت وجهينا حزينه جدآ وتحملنا ومحد كان يدري .. جيت لأهلي أنا وقريت وحسيت برآحه بس هو رفض يقرأ .. وبعدهآ صآرت الأحدآث ! هذي قصة زوآجنا .. هذي قصتي أنا وزوجي كان نعم الزوج لي .. وكنت نعم الزوجه له مصارحتي عذبتنا أو خجلي دمرنا أو عين صآبتنآ .. لا أعرف |
تحليلكم وأراءكم ... بعد ماطلعت اللي بقلبي وقصة زوآجنآ ؟! كم نسبة الخطأ علي وعليه في هذآ الزوآج؟! ماهي أخطاءه ؟ّ! وماهي أخطآئي ؟! |
الله يكتب لك اللي فيه خير
فعلا تصرفات زوجك كانت رد فعل لتصرفاتك معاه في بداية الزواج حبك له خلاك تتصرفين بشكل غريب مع ان الكل معارضك من الاعضاء الا انك ما سمعتي كلام احد بسسبب حبك وهو مثلك كان يحبك بشكل جنوني لكن تصرفاتك صدمته و خلته يتصرف كذا هو خايف يخسرك وخايف عليك بنفس الوقت اختي ارقي نفسك فالعين حق وخلي والدك يكون حازم معاه في المره القادمه صدقيني ان كان يحبك كل هالحب ماراح يتركك بسهوله اسال الله ان يسهل امرك ويفرج همك ويكتب لك الخيره في امرك |
يا قلبي عليك لله يفرج همك
اطلبي من اهله يقرأون عليه وانتي عاملي نفسك بالقراءة |
ندمااااانه ما تحملي نفسك الغلط لالالالا
انا زوجي اول خمس سنوات زواج مثل ما قلتي وكتبتي عن زوجك وانا لم اكن اقصر معه هو يدللني وانا ادللله والناس كانت تستغرب من طريقة كلامي وردودي معه لان كان يجرب امام الناس كلام وانا لم اكن انتبه كنت استوعبه فورا وتكون الناس ناطره حرب ضروس بيني وبينه لانهم يعفونه واانا فقط كنت المغفله بينهم ويصيرو يضحكو ويستغربو حتى مره في وحده من العيله قالت لي بالحرف الواحد : جايه اسكن عندك آخذ دروس بطريقة معاملة الزوج ندمانه عند اول اختبار زوجي كبرو الاولاد انكشف على حقيقتو انتي 25 يوم يا قلبي فقط لا غير كل اعمالو وحركاتو امام الناس تيشوفو كم هو يحبك ووقت يتركك رح يقول : شوفو ضحيت وعملت وتركت وهي لا تحبني ووهي وهي وهي اصحي حبيبتي انتي ما غلطتي كل عروس اول ايام زواجها تريد ان تتعرف على طباع زوجها ما رح تقدري تعامليه مثل وحده متزوجه من عشر سنوات وتفهم على زوجها من نظرة عيونو حبيبتي اكتبي واكتبي واكتبي وفضفضي طيقة تعامله معك لسه ما شفت انو يحبك موت كل حبه كلام فقط اللي يحب ما يعذب حبيبو اللي يحب ما يقول صرتي جاهزه للزوج الثاني اللي يحب يضحي ويحب اللي يحبو حبيبو ما يقول تركتك لاني احبك زوجك بياع كلام امام الناس يا خوفي ما تكوني حامل والقهر الكبير يقول :هي اللي اجبرتني نروح شقه ما ناقص الا يقول ضربتني وادخلتني غصب عني واغت.... فوقي يا بنتي وضعك صعب ولكن غصبا عني اكتب ما احبه لنفسي احبه لك انتي لست غلطانه اي فتاة اول زواجها مثلك وزعلتو وتخاصمتو يوم اثنان ثلاثه وخلاااااااااص لايجوز الخصام اكثر من ثلاث ايام بين الناس فما بالنا بين الازواج |
| الساعة الآن 05:50 PM. |
|
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©