منتدى عالم الأسرة والمجتمع - طلبت الطلاق مستجدات الرد (1139)

منتدى عالم الأسرة والمجتمع (http://www.66n.com/forums/index.php)

- المتزوجين (http://www.66n.com/forums/forumdisplay.php?f=6)

- - طلبت الطلاق مستجدات الرد (1139) (http://www.66n.com/forums/showthread.php?t=265059)

رد: طلبت الطلاق مستجدات الرد543

اقتباس:

المشاركة الأصلية كتبت بواسطة VANITY (المشاركة 3370465)

مهره انا حاضرة هنا دايما ادعي لك

يامال العافية وراحة البال والجنة الباردة 💜

حبيبة قلبي يا فانيتي.

لا حرمني من حضورج ودعائج فديتج.

الله يسعدج دنيا وآخرة.

رد: طلبت الطلاق مستجدات الرد543

الله يوفقك في الدارين و يرزقك راحة البال و يصلح لك زوجك و تعيشوا بسعادة و هنا و تملوا البيت اولاد و بنات fgn ويصلحهم و يرزقكم برهمfffsg
آمين

رد: طلبت الطلاق مستجدات الرد543

اقتباس:

المشاركة الأصلية كتبت بواسطة إستنكار (المشاركة 3370475)

نعم يختي؟!!!!! :D أولاد وبنات مين؟!!!!!

يالله باطوفها لج. ;)

الله يرضى عليج يا استنكار ويسعد أيامج.

رد: طلبت الطلاق مستجدات الرد543

ههههههههههه يلعبوا لك على الوتر الحساس يا مهرة..

رد: طلبت الطلاق مستجدات الرد543

ما أدري .. ما عندي شي جديد فعلياً.

إحنا من السنة اللي طافت كنا مخططين نعمل حفلة للبنتين .. بالعادة نعمل كل سنة حفلات صغيرة وعلى القد وتقتصر علينا وعلى ماما وعمات وأعمام عيالي .. لكن الخطة كانت أن ننتظر شما تكبر شوي ونعمل حفلة كبيرة ونعزم فيها أصحابنا وجيرانا.

بعد ما رجع دوامه بيوم أو يومين لقيت ماما تسألني: هاا أم سلطان .. متى حفلة البنات؟

بأمانة ما كنت ناوية أسأله من نفسي حتى لو تطلب الأمر إني ألغي الحفلة تماماً .. لكني عارفة إن ماما ما دامها سألتني فراح ترجع تكلمه وتسأله لما يتصل فيها أو يرجع من دوامه ..... يعني ما راح تسكت إلا لما تعرف إحنا شو بنسوي.

توكلت على الله وأرسلت له: ماما تسأل إذا بنسوي حفلة البنات.

رد على طول: إن شاء الله بنسويها طبعاً.

أرسلت: في البيت وإلا في قاعة؟ <-------- خيار القاعة كان مطروح من الأول بس ما كنا مستقرين على قرار بشكل نهائي.

رد: إنتي شو حابة؟

أرسلت: لو قاعة لازم نحجز من الحين.

سألني عن القاعات المتوفرة .. وقلت له: باشوف.
.
.
.
اكتشفت اليوم إن شما مشخبطة على جدار الممر اللي بين الغرف بالقلم الرصاص .. حاولت أنظفه وأمسحه بالمحاية .. لكن المحاية تركت أثر على الجدار.

وماما عندها عمال يشتغلون في بيتها .. ومن ضمن الشغل صبغ بعض الغرف.

بعثت له بالواتس أب: جدار الممر متبهذل ومحتاج ينصبغ. (كان في نيتي أطلب من ماما تبعث لي العامل اللي عندها عشان يصبغ لي الجدار)

رد على طول: إن شاء الله

وبعدها بحوالي عشر دقايق أرسل: بنصبغه ونعمل له ديكور جبس أو خشب.
.
.
.
العصر طلعت رحت الجمعية .. ولما بغيت أدفع بالبطاقة .. ما طاعت تسحب!

رجعت البيت وأرسلت له: إن البطاقة ما طاعت تسحب في الجمعية.

رد مباشرة: بكرة أتصل في البنك أشوف شو المشكلة.
.
.
.
المواقف بسيطة أو مب مهمة .. وأنا أرسل بشكل مختصر وأتكلم بطريقة رسمية .. لكني أشوف إن الحوار صار بنّاء ومريح بهالشكل.

مثلاً لو كنا في وضعنا الطبيعي كان عمل مشكلة مع شما وهاوش على حكاية الشخبطة .. وكان عاقبها حتى لو كنت أنا معاقبتها ومخلصة .. وكان ممكن من باب العناد يأخر صبغ الجدار.

رد: طلبت الطلاق مستجدات الرد543

اقتباس:

المشاركة الأصلية كتبت بواسطة الإشراقة! (المشاركة 3370501)

ههههههههههه يلعبوا لك على الوتر الحساس يا مهرة..

يختي ناقص أحطها في التوقيع عشان محد يلعب على هالوتر. :D

رد: طلبت الطلاق مستجدات الرد543

ما شاء الله
المستفاد كل ماكان الحوار اقل كل ماكانت له قيمة:d
عاد خلاص خفي طلبات:d

رد: طلبت الطلاق مستجدات الرد543

اقتباس:

المشاركة الأصلية كتبت بواسطة مهره (المشاركة 3370509)

صحيح يا مهرة..

الحمدلله إنه سليم معافى وبخير، خليه كدا أريح لك بعيد عنكم ، أتكلم من تجربة طبعا

الله يريح خاطرك حبيبتي دائما

رد: طلبت الطلاق مستجدات الرد543

اقتباس:

المشاركة الأصلية كتبت بواسطة إستنكار (المشاركة 3370513)

ما شاء الله
المستفاد كل ماكان الحوار اقل كل ماكانت له قيمة:d
عاد خلاص خفي طلبات:d

حواراتنا أبداً ما كانت طويلة ولا فيها زن وحن.

لكن فيه طبع سيء صراحة .. يحب يلعب بالأعصاب كثير ..... تكون نيته فعلاً إنه ينفذ الطلب لكن يتكلم ويعمل إيحاءات تحسسج إنه ما راح يسويه.

يتصرف بهالطريقة معانا كلنا .. حتى مع اليهال!!!

أقول له: طيب إحنا كبار ونتحمل .. لكن تلعب بأعصاب الياهل؟! .. حرام!!

فالمستفاد .. ما في حرق أعصاب والأمور تتم بسلاسة.

النتيجة .. أزيد طلبات طبعاً. ;)

رد: طلبت الطلاق مستجدات الرد543

اقتباس:

المشاركة الأصلية كتبت بواسطة الإشراقة! (المشاركة 3370519)

تسلمين لي فديتج.