|
منتظره فرج ربها الله يوفقك
بالنسبة لإنصراف الأزواج فهذا سحر أوعين تصيب الفتاة وتصرف عنهم الأزواج وأنصحك ألا تنامين ألا على شريط عبدالعزيزعبدالخالق الحمدان أسمه الأستشفاء وسترين الأثر بعد أول مررة من سماعه وسيذكر لك الأسباب وصوته جميل جداً |
وش قصة ردك أبكاني ثاني وحدة تكتب الكلام هذا اليوم فيه مشاركة للأخت مرة 1
كتبت نفس الكلمه ولها مشاركه جديده اللهم أجعله خير يارب مجرد ملاحظة والسلام عليكم |
الله يجزاك خير
ببحث عن الشريط هل يوجد بمحلات التسجيلات الاسلاميه؟؟؟؟؟؟؟ مدري فعلا لما اقرا ردك بالذات تنزل دموعي مع اني مسويه حالي قويه!!!!!! انا الزواج الاول مايشغل تفكيري ولاحتى الزواج من اصله كل الي ببالي ابي اسمع كلمه ماما ابي اذا كبرت اومرضت يكون بجنبي ولدي او بنتي او احد احفادي ابي اسولف مع صديقاتي وزميلاتي عن تصرفات اطفالي واختيار ملابسهم تصدقون مع الوقت ماصار فيه اي موضوع مشترك بيني وبينهن فصرت اغلب الوقت ساكته |
الله يوفقك أخوي بندر :14:
والزواج والطلاق كله قضاء وقدر من رب العالمين وسبحان الله على أن الطلاق قد يكون خيرة للعبد ( وامر المؤمن كله خير ) إلا أنه مرررررر ليس لنظرة الناس أهمية عندي ولكن الأيام اللي انقضت وعشتها مع هذا الإنسان اللي كان كل شيء بالنسبة لي يشكل ألم وحسرة وخصوصاً في وجود طفل يربطنا ببعض بعد ( الطلاق ) حاول تبدى من جديد وتستفيد من أخطاء الطرفين السابقة لتعيش أحلى حياة زوجية وألف مبروك :15: |
الشريط موجود بالتسجيلات الإسلامية
وبالنسبة للأطفال وكلمة ماما وبابا فقد تمنيتها قبلك رغم أني كابرت وقلت لطليقتي أريدك تستعملين حبوب منع الحمل ولكن رفضت بحجة خوفها من العقم فوافقت وأنا كنت أتمنى سماع كلمة بابا وكان هذا هو كل تفكيري وغيره لايهمني أما بعد الطلاق فأقسم بالله الذي لايحمد على مكروه سواه أنني لوكنت غير راضي بقسمة الله وغير مسلم لتمنيت عدم وجود أطفال أثناء الإنفصال كون الطلاق بدون أطفال رحمة وسبحان الله غاية الناس لاتدرك أنتي تتمنين عيال وغيرك يتمنى أنه ماجاه أحمدي ربك على العافية ولاترى فرحة العيال في وقتها وبعدها الهموم والمشاكل والخوف عليهم وطاعتهم وغيره وغيره مآسي بالعكس تدرين أن عدم وجودهم أحيان رحمة وأنشدي الي مجربين وراح تقولين أنك صادق من أصل 100 حالة ولاده يومياً يطلع 3 كويسين والبقية بين مشوه أو مريض أوعاق أو غبي الخ الخ والإنسان مايقصر عمره ولايقتله الا هموم عياله وشوفي حال العجز وتدركين الحقيقة لذة الطفل سبع سنوات وبعدها تكبر همومه ومطالبه ومشاكله التي لاتنتهي رزقك الله بالذرية الصالحة عاجلاً غير آجل |
مشكور من بكره ان شاء الله بشتريه
واسمعه وبالنسبه لطفلك الله مقدر لك هالطفل والحمدلله يمكن ماينفعك الا هو الله يصلحه لك ويعافيه اخوي بندر تراه طفل ماله ذنب بشي انت بتتزوج الله يهنيك وهي كمان يمكن يجي نصيبها وتتزوج انتبهوا تحرمونه من حنان امه او ابوه اوتخلونه كوره بينكم اعرف وحده مثل ظرف ولدك وبعدين اهلها تزوجوا وكونوا اسر ورموها على جدها تتربى مع خالاتها وتزوجت البنت وجلست مع زوجها سبع سنين وهي رافضه الانجاب تقول تخيلوا لو اتطلق منه عيالي وين يروحون؟؟؟؟ اخر شي تطلقت الله المستعان |
المشكلة ليست مني وأتمنى اليوم الذي يحق لي شرعاً ضمه ولكن المشكله في أمه الله يصلح شأنها كل ما أطلب أشوفه تصرف أهلي بكره رايحين وبعده جايين البنت صغيره وتتوقع أن أسلوبها هذا سيشكل ضغط علي وأسترجعها ولاتعلم أنها بسلوكها هذا تبتعد عني كثيراً
وهذا الشئ يضايقني وأحيان أجلس شهر ماشفته إذا تذكرت أن أمه بتجلس تصرف كل شوي وأقول الله يزوجها وأرتاح ولكن يبدو أن الأم رافضه الزواج قطعياً وصدقيني منيب أقصر لامادياً ولامعنوياً إذا شفته بس مافي اليد حيله تجاه عدم وعي الأم بأهمية أخذ الطفل على حنان أبيه وحتى ترفض ينام عندي ولو ليلة فقط مسموح لي شهرياً يوم واحد وساعتين آخذه للبيت وأرجعه وأنا إنسان لا أحب محاكم ولامشاكل حتى طلاقي ولله الحمد تم بهدوء جداً وبدون مشاكل وفضايح وحسب الشرع |
الله يعينك
انت لاتقصر وانا اختك من ناحيتك ابدا وحتى بعد زواجك عشان ماتعطيها فرصه تسمم افكاره عليك اتوقع انه بعد زواجك بتسمح لودها ينام عندك الا كم عمر ولدك؟؟؟؟؟؟؟؟؟؟ المهم انتبه انه ينقل تفاصيل حياتك الجديده لها |
منتظره فرج ربها مادام الاب يعرف اشلون يتعامل مع ولده ما اعتقد انه يظن في ابوه الا الظن الحسن مهما قالت الام ويبدو ان الاب حكيم ويعرف كيف يتعامل مع ولده
|
هلا اخت ريشه
والله اتمنى للاب والام والولد والزوجه الجديده كل السعاده الله يجعل الوفاق بينهم اللهم ارزق بناتنا وشبابنا الازواج والذريه الصالحه المعافاه |
| الساعة الآن 01:34 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©