|
اقتباس:
الله لا يحرمك الاجر قل امين |
اقتباس:
احفظ ما تبقى من كرامه هالعائله اللي أنت مناسبهم غريبين مدري وشلون طحت عليهم من بد العوايل :22: |
اقتباس:
^ ^ ^ ^ ^ القرادة وانا اخوك |
السلام عليكم الاستئذان 3 فإن أذن لك وإلا فارجع وأحسن الظن يمكن الأب مش في البيت
ولو مكانك أعلمهم قبل أجي وخذ الأمور بأريحية وأحسن الظن ترى إساءة الظن من سوء الخلق عادي إذا قدر الله وجيتهم إن شاء الله وانفتح الموضوع قل إيه جيتكم قبل بس الظاهر ماكان فيه أحد وأنت صادق يمكن ماكان فيه أحد من الرجال سواء كانوا معزومين عند قرايبهم أو جيرانهم أو غيرها ونصيحة لا تدعي على أحد لا جد ولا مزح (مثلا جعلهم الريح) أو غيرها الله يوفقك وييسر أمورك ويرزقك من حيث لا تحتسب قول آمين :) |
http://www.66n.com/pics/hosted/rceo8...wsdlwui05g.gif
أخي الفاضل فارس ... من خلال متابعتي لمواضيعك وردودك , تبين لي انك تتمتع بطيبة قلب وسعة صدر وحبوب ومسالم وهدوء اعصاب , وأظنك جنوبي النمط على بوصلة الشخصيه . زوجتك - ايضا - من خلال كلامك عنها , طيبه جدا وحبوبه واظنها من نفس نمط شخصيتك ولكن اهلها هم من يخرب عليها . هذه الصفات - اخي الفاضل - على الرغم من انها صفات نبيله , واخلاق عاليه وهي من حسن المروءه - بل هي صفات الكبار -الا انها للأسف واقول للأسف غير صالحه لكل زمان ومكان , وليس كل البشر يقدروا هذه الطيبه وهذا النوع من التعامل , بل ان البعض من الناس لا يعرف هذه اللغه من التعامل ولا يفهمها ولا يصلح معهم الا الوجه الآخر لشخصيتك . لا تظن ان تعاملك الطيب وسمات شخصيتك الرائعه هي شيئ سيء , بل بالعكس هذا شيئ رائع , ولكنه ليس صالحا لكل انواع البشر , وزوجتك واهل زوجتك - للأسف- ربما يصعب عليهم فهم هذه اللغه , فاعتقدوا انك ضعيف الشخصيه . يبدو لي انك كتاب مفتوح لزوجتك واهلها , ويعلموا الى اي مدى ستذهب و ما هو اقصى ما عندك , ولديهم ثقه بأن طيبتك وسماحتك قد تسمح لهم بعدم الاكتراث بك اطلاقا , وهذا ليس لعيب فيك ولكن لصعوبة فهمهم معاني الطيبه والمسالمه وسعة الصدر . انا متأكد -والله اعلم- ان زوجتك واهلها مستبعدين تماما ان تفكر مجرد تفكير بالزواج من اخرى , ولذلك يتصرفوا معك كما يحلو لهم وكأنك لا وجود لك , ولو يعلموا ماذا يفعل الحليم اذا غضب لحسبوا لك ألف حساب . ما الذي يجب ان تفعله الآن ... 1) اقطع اتصالك بهم تماما وبجميع الوسائل , ولا تبادر بأي بادرة صلح ابدا . 2) لا تعايد زوجتك ولا اهلها , لا عبر رسالة جوال ولا بمكالمه تلفونيه ولا بزياره اطلاقا . 3) غير من وضعك في الموضوع من مغلوب على امره الى صاحب قرار , واجعل القرار وزمام الامور بيدك لا بيدهم ,,, كيف يكون ذلك ؟ - أحط كل تصرفاتك وافعالك بهاله من الكتمان والسريه , ولا تسمح بوصول اي معلومه عنك لزوجتك واهلها مهما كانت صغيره , وتعمد ان تنشر اشاعات عن نفسك بأنك ترغب بالزواج وتبحث عن خطيبه , لا تقل ذلك بلسانك صراحة بل اترك الناس يتناقلونه عنك وانت بدورك لا تنفي ولا تؤكد , بل اترك الامور عائمه . - انشر اشاعه انك بتسافر للخارج تتمشى , مجرد اشاعه , وانت بدورك لا تنفي ولا تؤكد . انشر اشاعه بأنك ستغير مكان عملك وأنك ستسكن في مدينه اخرى وتتزوج فيها ولن تطلق زوجتك الحاليه , وانت بدورك ايضا لا تنفي ولا تؤكد . اذا عادت لك زوجتك مستقبلا ان شاء الله , انتبه تقول لها بأن هذه الافعال كانت خطه وانها مجرد اشاعات , بل اجعل لنفسك دائما مساحه بسيطه من الغموض , لكي لا تكون كتابا مفتوحا للآخرين الذين لا يقدرونك . 4) تعامل مع اهل زوجتك بعكس شخصيتك الحقيقيه , وازرع في رؤوسهم بأنك تغيرت الى الابد , وان فارس القديم قد مات والآن فارس الجديد لن يخطئ بحق ووجته كما انه "بيحش رجول" اللي يعتدي على حرمة بيته . 5) لا ترسل لهم الوساطات من اجل الاصلاح , ولا تذهب انت واذا قالو تعال لا تذهب ابدا , وقل لهم انا جئت وصار منكم كذا وكذا , وزبدة الكلام انا اخطأت على بنتكم واعتذرت منها وقبلت اعتذاري , وانتم اعتديتم على حرمة بيتي ولم تحترموني , ومن اخذ زوجتي من البيت يعيدها وانا لن آتي لكم اطلاقا . بعد كل هذا , اذا لم تعد زوجتك دعها لأهلها وشأنهم , ولو اني اتوقع انها ستعود بأذن الله وبالطريقه التي ترغبها انت ولكن اهم شيئ كما قلت لك أرهم منك عكس ما يعرفون عنك تماما ولا تتراجع عنه . وفقك الله تعالى . |
يااخي قول امين ......... الله يسعدك يارب ويوفقك ...
من جد ضحكتني وبقوة ... اوما عاد يطلون من الدريشه ومايفتحون .... الصراحه قويه جدا ... اللي قالوا انه عذر ابوها موموجود .... اسمحوا لي احسه عذر اقبح من ذنب .... لانه هو نسيبهم وزوج بنتهم يعني محرم للام وبنتها .... يعني يمديهم يفتحون ويستقبلون ..... يعني مافتحوا عادينه غريب ... وله ليه مايفتحون خير ان شاء الله ... اذا تبي رايي ارسل رساله قول ترى ياجماعه انا صبرت بمافيه الكفايه وجيت لين بيتكم ومتاكد انكم موجودين وطليتوا من الدريشه ومافتحتوا وطبعا هذا عيب بحقكم قبل لايكون عيب بحقي ... لكن بنتكم عندكم والشرع محلل اربع .... متى ماذكرت ان لها زوج وان لزوجها حق عليها دقوا علي وادعوا لي الله يوفقني .......... وبس ياطويل العمر ارسل هالرساله طنش وترى مايقهر الحرمه الا التطنيش والزوجه الثانيه .... |
فارس شكل أبو زوجتك ماشاء الله قوي ويبغى يعطيك درس من خلال هالدرس تحرم تمد يدك مره ثانيه
بعض العوايل كذا ومروا علي أعرف لك واحد ضرب زوجته وهجرها بالفراش شهر الزوجه ماتحملت وأتصلت على أهلها وجوا خذوها الادمي طنش الموضوع شهرين وبعد شهرين راح يدور الحرمه استقبله عمه وضيفه وجاب له أولاده شافهم الزوج وجلس يسأل وين هلي والاب مطنش ولما خلصت ضيافته وسأل عن حرمته مره ثانيه طرده وقال أنا مااتفاهم معاك جيب رجال اتفاهم معاهم والله المسكين تردد لهم وجاب رجال وكل شوي يرجعهم ويردهم وبالنهايه مارجعت الحرمه الا بعد مفاوضات وشروط استسلم لها الزوج والبنت تقول والله مالي دخل هذا أبوي00 الي أبي أوصله لك انو مو بس عمك الي كذا ياما فيه وياما سمعنا بعدين أمها قالت مانبي فارس لوحده يبون أبوك معاك علشان يكون الكلام الي يدور بينكم فيه شاهد عليه وعشان يأخذ منك كلمه ووعد وعهد قدام أبوك وأنت لما روحت لوحدك وشافوك بدون الوالد قال لهم طنشوه زي ماهو000 الله أعلم أتوقع أبوها خايف عليها أنو اذا ردها لك بالساهل بعد ضربك لها بترخص بعينك وبتتمادى وبصراحه هذا الي حاصل بأكثر العوايل بصراحه محتاره بأيش أشور عليك ماأقدر أقول طنش وتكبر المشكله وتتعقد بزياده ماأقول الا الله يسهل أمورك 00 |
والله ماأدري زوجتك كيف طاوعها قلبها ماتفتحلك البااااااب ؟؟؟؟!!!!!!!!!!
من جد عائله غريبه واحسهم مايستاهلونك الله يفرج همك ويكتبلك ألي فيه الخير |
أعانك الله على ما تواجهه
ليس لدي ما أقوله أكثر من هذا فقد كثر الكلام و أسأل الله أن يعينك على سلوك الطريق الصحيح |
اقتباس:
|
| الساعة الآن 12:06 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©