|
الموضوع قلب شي ثاني
وشكل الرجال كتب من باب الفضفضه اعتقد يتقفل يكون افضل |
والله يا اخ خالد موضوعك هذا صار شيق بحكم انه الأعضاء ما عاد صاروا يعرفون ايش رح تكون تحركاتك !!! بحكم انها ما تخطر على البال و صبيانيه
انا ما قرأت مشاكلك الماضيه بس فهمت بالمختصر من الردود ايش كانت اولا: يا اخي من كلامك و عباراتك لمست انك مش ناضج فكريا بمعنى ... كم عمرك؟ كأني احسك لسه في اول العشرين كيف حبك للإطلاع و القراءه؟ الإنسان مارح تصير عنده اللباقه في التعامل و الحكمه إلا بالثقافه كيف مستواك التعليمي و مستوى زوجتك؟ هذا رح يوضح بعض تصرفاتكم و ردودكم هل زوجتك مستواها التعليمي او الإجتماعي اعلى منك؟ هذا ممكن يكون احد الأسباب اللي تخليك تضربها لأنها نجحت في شي و حققت شي انت ما وصلت له و موضوع الإنجاب زي ما قالوا الأعضاء لاعب دور في نفسيتك -ربنا يعينك و يعينها- اخاف ادعي لكم بالذريه يصير كأني دعيت عليها !! مالم تصلح نفسك ثانيا: اخي انت عندك مشكله مع نفسك تحتاج مساعده مش من دكتور نفساني لكن من محلل نفساني اقصد انت ما تحتاج علاج و ادويه انت تحتاج لشخص يسمعك و ياخذ معاك المواضيع وحده وحده لحد ما توصلون لعلاج نفسي بدون اللجوء الى ادويه ثالثا: تعاملك مع الجنس الآخر خطأ بدا لي من كتاباتك انك ما تعامل زوجتك كأنثى ضرب و تخطي عليها و تنرفزها حاول ان توسع معلوماتك عن الجنس الآخر اقرأ كتب عنهم مثل "الرجال من المريخ و النساء من الزهره" الكتاب رح يعلمك هم كيف يفكرون عشان ما تجي عندنا و سألنا ليش هيا تقول عطني بوسه و اسامحك و من هذا الكلام ما ادري فيه من الأعضاء يقول انك تحس بتأنيب الضمير و عشان كذا تكتب في المنتدى لكن انا احس انك ما عندك الإحساسس هذا انت تكتب تبغى تفهم تصرفاتك لكنك مش ندمان عليها انت تسألنا هيا ايش تفكر و ايش تقصد رغبة منك عشان تفهمها و تتحكم فيها اخي بالحب و العطف كل شي يصير سهل و تفهموا بعض ممكن تحلف و تقول انك ندمان بس داخل نفسك ممكن تحس انه زوجتك كانت تستاهل الضرب اللي جاها الله يهديك |
اقتباس:
ماشاء الله عليك حلفت على المصحف وخليت بحلفانك وجاي بكل قوة عين تتكلم وتقول كسرت يدها روح كفر عن يمينك وبطل قوة عينك شين وقوي عين |
لاحول ولا قوة الا بالله
الله يثبت علينا العقل والدين صرااااحه انت انسان مو صاحي ابداااااا طلبت بوسه واضاربت معها لو اضاربت معاك كان قتلتها يارب الطف بنا ولا تبتلينااااا اتمنى انك تعرض نفسك على طبيب نفسي الله يصبرها لو طلبت الطلاق انا اييدهاااا صراحه انسان لاتعاشر تختلق المشاكل |
يعني ان عصبت وزعلت ورفعت صوتها مو عاااااااااااااااااااااجب
وان نست وضحكت وابتسمت بعد مو عاااااااااااااااااااااااااااااجب صدق الرجال مايملي عينهم الا التراااااااااااااااااااااااااااب |
الحين بيرجع بجزء جديد كالعادة بيقول رحت بيت اهلها لقيتها ما جابت سيرة حق احد وقالت لهم طحت على يدي وتفاجأت من صبرها وكيف كتمت سري
|
اقتباس:
قمة الاستهتار مسرحيه مو زواج فين اسس الزواج وفين وفين ...... |
أرجو إني ماأكون أتـأخرت في المشاركة زووجتك رومنسية وتحبك ومضحية علشانك بالأمومة ويمكن أنت ماتدري إن البنت من طفولتها تظهر غريزة الأمومة عندها وتلاقي كل ألعابها عرايس وتلعب دور الأم قبل أن تحلم بالزواج والله تعالى ماقدرلك تكون أب والله يجعلكم من الصابرين وموهذاالموضوع إلي بيحرم زوجتك من السعادة لأنها مؤمنة بالله وتحبك لشخصك بس المشكلة في تعاملك معها وين الرفق واللين والحنان هذا وهي يتيمة ومحرومة من الأمومة يعني مكسورة والبكاء إللي ماتعرف سببه أتوقع إنها محتارة بين حبها لك ومعاملتك القاسية لها وش عذرك ووش ذنبها صدقني لو مامسكت أعصابك طلب زوجتك للطلاق ممكن تتفاجئ في يوم إنه صار فعل وواقع تذكر لماتعصب عليها طيبتها وتضحياتها وحبها وصدقني لو أستمريت كذا راح تخسرحبهها وبالتالي بتخسرها المرأة مهما كانت ضعيفة بتفأجأك في يوم بقوتها راجع نفسك ولاتفرط في زوجتك ولتكن حياه الرسول الكريم مع زوجاته قدوة لك صحيح أن الأولاد ليسوا محور الحياة ولكن الأخلاتق الحسنة والعشرة الطيبة وبالتوفيق
|
اليوم كلمتها
وقالتلي : انت ماكنت كذا طول الاربع سنوات انت تغيرت تقريبا الاربع شهور الاخيره وانا سئلتك وقلت ولاشي صدقني لو كنت كذا هالاربع سنوات ماكنت جلست معك ولادقيقه بس لانك تغيرت تغير جذري حتى صبري عليك بالفتره الاخيره لاني قلت اقول كل يوم انه بيرجع مثل ماكان لان الحياه اللي عيشتني اياها الفتره الاخيره حتى الحيوان مايتحملها مع ذلك ضغطت على نفسي انا اقولك الحين شف وش غيرك ان كنت انا مقصره معك بشي انا مانتبهت عليه قلي وعاتبني بس ماتتحول بالصوره اللي انت فيها انا اقولك الحين اذا عرفت وش مغيرك ساعتها اتصل وقلي وانا برجع لحالي لبيتنا من دون ماتقولي لاني مثل ماطلعت برجع بس ياريت يافلان ماتقول اني موضوع العقم اللي مزعجك لان اظن هالموضوع تعدينها باول زواجنا واحنا بنكمل خمس سنوات ولا اثر فينا هالموضوع شف وش السبب اللي مغيرك وقلي وصارحني فيه ولا ابيك ترد علي الحين راجع نفسك شف وش مغيرك |
اقتباس:
انا عمري 34 بالنسبه للقراءه الصراحه انا مالي بالكتب بالنسبه لمستواي التعلمي انا نعي بكالريوس وزوجتي معها ماجستير |
| الساعة الآن 06:22 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©