|
هي بس حسـت انك للحيــن شاري
ورجعــت لتصرفاتهــا القديمـه المعذره اخووي الاخلاق ما احب اكرر عليك الكلام لكن الاعضاء قالو طنشها قبل ونــت ماسويت هالشي هي الان قالت في بالهــا دامه جا لبيتنـا واخذني للأستشاره فأكيد انه يحبنــي ومايقـدر يعيش من دوني !! وعـادت حليمه لعادتهـا القديمه جيد انك هــددت بالعررس وتذكــر انك اذا وقفـت المبادرات من طرفــك تجي من عنــدهم يعني لو ارسلت لها رساله" انا قلت الي عندي " وانتظــر اتصالهــا من نفس جوالها ^_^ لو انا مكانـك كان نمــت مرتــاح لانــك سويـت كل شي عليــك وزيــاده وش تبي منـك اكثر !!! |
سبحان الله
القط يحب خناقه مثل يقال لمن هم في مثل حالتك |
اقتباس:
على مين تلعبها وين كسرت شريحتي كيف يعني تبيك تدق على البيت ويرد واحد من اخوانها او يصير التلفون محول على جوال اخوها وتطلب رجوعها وش سالفة ذا العائله بدال ما يحاولون هم الاصلاح ورجوع المياه لمجاريها يجي البطل اخوها يقول ليه تطلعين وليه وليه,,,,,,, الكبر والغرور يمشي بدمهم اخوي الاخلاق امش على نصائح الاخوان والاخوات والله ما قصر من بدايه مشكلتك من قالت لك مبروك الزواج مقدمآ اغسل يدك ما تعدلت ولا راح تتعدل اذا صار لها اخوان مثل كذا الله يرحم الحال ويسهل امورك |
تكسيرالشريحه ردة فعل..لانك جرحتهابكلمتك.(.بعد العيدبتزوج)
لوانك ماقلتها..الله يهديك..وخليتهالموقف آخريستحق انك تقول هاالكلمه عموما..اتمنى انك تتنازل يااخي وتروح ترجعها.. ..واخوهاماله دخل |
اتصلت علي من جوال أمها .....وقالت بتكلم أخوهاا اليوم ...وبتطلب مني الليلة إنها ترجع البيت..
|
اقتباس:
الحمدلله :25: اتمنى لك حياه زوجيه سعيده... |
الأخ الكريم يرجى عدم فتح موضوع عند وجود أية مستجدات ، بل واصل موضوعك هنا حتى لا تشتت أذهان الأعضاء المتابعين .
|
أخوي الأخلاق
شوف ياخوي النقاط اللي بأكتبها لك بإختصار و بسرعة : 1 - لا أخوها و لا أمها و لا أخواتها ، يقدروا يمنعوها ترجع لك ( بكل اختصار ، زوجتك تكذب عليك ) إن كيدهن عظيم و زوجتك بتعمل مكيدة عشان مصلحتها فقط .. و قلت لك من قبل ،، زوجتك تحب نفسها فقط 2 - شافتك في البداية مطنشها و ما نفعت محاولات الإستفزاز و كل اللي عملته .. فقالت أدخل له من باب ( الحب ) و ألين راسه .. قامت مشيت معاك ، علشان تستدرجك و تعمل لها اللي في راسها 3 - طيب إيش اللي في راسها ؟؟؟؟ تبغاك تجي ذليل في بيت أهلها ، و تطلب من الجميع إنك ترجعها وو تاخذها .. و تبان هي عند الكل إنها هي اللي قدرت تمشيك على عجين ما يلخبطوش .. معليه :D طبعا ماحد منهم يدري عن إنها قدامك قالت و بكيت وو إلخ .. التمثيلية اللي عملتها لك 4 - حكاية أخوها خاصمها و مادري إيش ( كذب في كذب ) أخوها شخص عاقل بشهادتك و شهادة الجميع ، إنه أهل زوجتك حريمهم هم اللي يمشوا رجالهم فين أخوها يوم إنها سافرت و ما استأذنت من أحد و يوم إنها تعمل اللي في راسها ؟؟؟ ماحد متحكم فيها ، بس مثل ما قلت لك من قبل ،، الزوجة إذا شافت زوجها يخاف من أخوانها و حاسب لهم حساب تبدأ تستقوى و تذله بهم ،. و من كم موقف إنت حكيته ، اتضح لي إن زوجتك من النوعية هذه فإنت يوم تكلمت مع أخوانها و كنت صارم و حازم في كلامك ،، الشئ هذا فاجئهم و فاجئها 5 - يوم إنها كسرت شريحتها و تصرف طائش جدا ، برضو كذابة .. عشان تدق إنت على البيت و تبان عند الكل إنك إنت اللي تبغاها ترجع لها ،، 6 - إذا فرضا ، فرضا ، فرضا .. أخوها صح خاصمها يوم إنها خرجت معاك فإحتمال كبير إنها كذبت على أخوها و قالت له و الله زوجي هددني ، و لا زوجي اللي اللي .. و رمت عليك كل شئ قدامهم ، فأخوها يسمع لها و كانت ردة فعله كذا .. يعني أخوها مو داري الحقيقة برضو ، إن أخته هي اللي تبغى ترجع 7 - بكل اختصار .. زوجتك اعتذارها مو من قلبها ، من طرف لسانها .. و هي إذا بترجع لك فتوقعي علشان العيد بيدخل قريب إن شاء الله ،. و متفشلة تقابل أقاربها و بنات العيلة و هي في بيت أهلها و الحريم راح يطلعوا كلام عنها إن زوجها أرسلها لبيت أهلها و بعد العيد راح ترجع لأهلها ، و في عيد الحج تعمل لك نفس الشئ و ترجع لك :D و تقول رزان قالت |
مبروك اخوي الاخــلاق
انــــت الان شبـه انهيــت مشكلتــك ولكــن انتبـه اذا رجعت معك للبيت اقعــد معهـا قعــده مصارحـه طويله ولو تجيـب ورقة وقلـم وتكتب الاشيـاء الي راح تعيشوون عليها اقتباس:
!!!!! استغرب من ارائــك اختي يعني الي تطرد زوجها من بيت اهلها !! وتسـافر من دون اذنــه !! وترسل نكــت سيئه تحـاول تجرح زوجهــا !! وترمــي بنتهـا بوجـهه 5 ايام !! استغرب دفاعك الشديد عن هالانسانه خلاص اغلطت حتى هي نفسها معترفـه بالخطأ |
زوجتك نَفسها طوووويل في الجدال و فبركة الاحداث ..
عندها سيناريوهات كثيره .. اذا ما نفع السيناريو الاول تروح للرابع و بعدها ترجع للثاني و هكذا ... مستعده تلف و تدور الي ما لا نهايه .. راح تدوّخك السبع دوخات .. كل ما اغلَقت باب فتحت عليك عشرة ابواب عشان تتملص من الاعتذارات و الاعتراف بالغلط ... امها و اخوانها ما يقدرون عليها .. و ما راح يفيدونك .. لانهم لو بفيدونك كان من زمان زوجتك رجعت عندك البيت .. زوجتك ما ينفع معها اسلوب الحوار .. زوجتك لازم ترصها في الزاويه لان شوكتها قويه و لازم تنكسر .. هي كلمه و رد غطاها ... ( ما بقى عندي كلام ... ارجعي البيت و نتفاهم) و لاترد على اتصالاتها ابدا .. |
| الساعة الآن 08:25 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©