|
أسيرة
يارب توووصلي بالسلامة، و انتبهي على نفسك و البيبي ^^ راحت الالتهابات و الحمدلله، بس الغريب انه الطلق توقف ؟ و الأعراض اللي كانت تجيني توقفت ؟؟؟ و اليوم خلصت الشهر التاسع و قلت لزوجي يجيب لي عشية كف مريم، و باشربها الليلة ان شاء الله مع القرفة.. و كويس امي بتكون مسافرة عشان عندها مراجعة و جالسة تدعي اني اولد و هي ماهي هنا،، امي صايرة خواااافة : ( و زوجي متضايقة منه و قلت له لا تجي المستشفى معاي،، x-( أبلة جرين ،، ماعرفها هذه ؟ يبغالي اسال و ادور عنها ^^ |
الحمد لله على سلامتك يا روووح ... الله يسهـــل عليك ويحفظك ويسعد قلبك بولادة البيبي سليم ومعافى يااارب والله يطول بعمر الوالده ويحفظها ويشفيها ويعافيها يااااارب تولهت عليك حبيبتي ... ربي يسعدك |
احسن طريقه ومجربه
انك تمسكي زوجك وتقولي له كل الي بنفسك وبعدها تلاقي نفسك استرخيتي وعلى غرفة الولاده كل ما اتعصبتي وكتمتي شدت العضلات ومسكتي بالبيبي وزوجك وراها يصيرمثل الحمل الوديع |
:* كيف حركة البيبي؟؟!! انتبهي لحركته لو حسيتي أنه جلس فترة طويلة ما أتحرك رجاءً راجعي المستشفى للإطمئنان الطبيعي يظل معك شوية تقلصات وتحسي بإنقباضات لأنك على وشك الولادة وهذه طبيعة الشهر التاسع الغير طبيعي أن يتوقف كل شيء ويسكن فجأة لا أريد تخويفك لكن أبغاكِ تنتبهي لنفسك ولجنينك أكثر وبلاش إنفعال وأنت على وجه ولادة بإذن الله وسعي صدري وخذي الأمور ببساطة وإريحيه ووفري أعصابك وجهدك لولادتك ولأنك بها الشكل تضري نفسك والبيبي معاكِ أي نعم بعض الرجال حركاتهم تقهر وتنرفز بس أنتِ الآن حاولي تتغافلي وتفكري في نفسك بس وغير نفسك أنسسسسسسسسيييييه خالص :* ولما تولدي بالسلامة وتتعافي ألتفتي له صح وخليه يعرف ماله وماعليه ويبطل دلع :* |
الغلط غلطي انا اعترف، و اتضايق من نفسي بعدين ..
لاني اذا احتجت شي، انحرج اطلب غير بااااااخر لحظة .. و لو ارسلت له رسالة بالشي اللي ابغاه، يرد علي ابشري .. و ينسى يوم و يومين و اسكت عشان اشوفه تعبان و نعسان و اقول يوم تاني، و بعدين انقهر يوم اشوفه مفضي وقته و صاحي من بدري عشان يخلص شغلة لصاحبه او اي شي و اكون انا مؤجلة شغلة ضرورية توصل لاكثر من اسبوع، زي دواء الالتهاب هذا .. كويس اني لحقت عليه باخر لحظة .. و اذا كلمته، بيقول طيب ليه ساكتة ؟ اقول له شايفتك تعبان او نعسان و تبغى تنام و انت تقول بكرة و تنسى و بطبعي اكره الزنننننننن، اتكلم مرة وحدة وبس،، و هو نساي و مرات يتناسى بالقصد .. بس امس تضايقت شوي منه و اليوم اعتذر لي و نسيت خلاص بس متوترة مع الحمل و أعصابي مشدودة امس رحت اخدت إبرة الحديد و عورتني الممرضة، غرست الإبرة بالعظم بالغلط و صحت و بكيت هههههه زوجي يضحك و يقول كيف راح تتحملي الولادة ؟ و اصلا عيوني دمعت لاني كنت مضغوطة من كل شي .. و عصبت عالممرضة، قلتلها عورتينييييييي .. خلاص مابغى إبرة و قالتلي معليش حبيبي خلاص و شكله مع شد الأعصاب، النونو مو راضي يجي النونو يتحرك بس مو مثل قبل، اخف بكثيييييير .. و الطلق اختفى بمجرد مااختفى الالتهاب ؟ |
:* على كذا التقلصات إلي كانت معاكِ بسبب الإلتهاب وبعدين ياروح أنتِ كم صار لكِ متزوجة.؟ أتوقع مو أكثر من خمس سنوات شوفي ياحبيبة أنا لي الآن عشر سنوات متزوجة في بداية زواجي عندي خجل وعزة نفس لو أموت ما أطلب من زوجي شيء وهذا الطبع للأسف زي حالتكم وراثة بالعائلة خواتي وأخواني من هالصنف بس بعدين بدأ هو يرفض هالأسلوب ويجبرني أطلب منه بالبداية قال لي إذا تخجلي تقولي الشيء أكتبيه لي على ورقة ومع الأيام هو تدرج معي بالعلاج وأنحلت عقدتي وخفت حكاية الكرامة وعزة النفس وأرتحت لأنها كانت تتعبني لهذا طبيعي أنك لساتك ماتعودتِ تطلبي منه أو تموني مرره عليه ومع العشرة بيتغير الوضع للأفضل أنتِ تدرجي لحد ما تتعودي وعلى فكرة كل شيء بالبداية صعب ومخجل بعدين يصير إيزي إذا طلبتي منه شيء عشان ماينساه وعشان ماتحرجي نفسك أرسلي له رسالة بالشيء وأكتبي لاتنسى الله يعافيك تجيب معاك كذاا. . . إذا مو راعي رسائل أو مو من النوع إلي يفتح الرسائل أغصبي نفسك وذكريه وهو طالع ناديه وقولي له بهداوة الله يعافيك لاتنسى الموعد الفلاني أو لاتنسى تجيب الشيء الفلاني والله يعينا ويعينك :* |
دخلنا السنة السادسة من الزواج .. اول سنة مستحيل اطلب شي و كان زوجي مو عارف اصلا انه للزوجة حقوق و كذا
و كانت مفاهيمه غلط عن الزواج و تفاهمنا بعدين عليها يوم تحول الموضوع لاستغلال عيني عينك منه و من اقاربه و بالغربة سهل اخلص اشغالي من غير ما احتاج اطلب منه،. وقت كنا ننزل هنا بالاجازات، كنت اطلب منه شغلات ضرورية مرة مرة مرررررة لولدي، مو لنفسي .. لانه اخواني لاحظوا وقتها انه زوجي كان رامي كل شي عليهم ،، و مثل ماقلتي عن عيلتك، فعيلتي نفس الشي فيهم الطبع هذا، يقدموا و مايستنوا .. بس زوجي زودها حبتين وقتها، يعني حتى مراجعات ولدي بالمستشفى كان راميها على اخواني و كان يشوف انه هذا واجبهم لانه ولدي يصير ولد أختهم .. و بعدين صارحته و تكلمت معه و زي كذا بالتدريج .. الحلو بزوجي، انه كانت عنده مفاهيم غلط ( امه كانت زارعتها براسه قبل لا يتزوج و كان يحسب انها افكار صحيحة ، مثلا : الزوجة مالها حقوق و لا مصروف، الزوجة تنضرب و تخدم ام زوجها غصب، الزوجة ذهباتها لزوجها، راتب الزوجة للزوج و اهله، الزوجة اهلها مسؤولين عنها .. الخ ) ،، و انا ماكنت ادري الصراحة عن هذه الافكار، و كنت أساعده اول سنة و اسكت و اجامل اهل زوجي و اجامله على حساب نفسي ( ذوقياً مو غصب عني و هم يحسبوا هبل مني و ضعف و خوف ).. ماشفت تقدير و شفت العكس و قلت وقتها ( لحد هنا و كفاية ) لانه اهله بداوا يغلطوا علي كثير و يتجاوزوا حدودهم كثير و انا من الناس اللي ( اتق شر الحليم ) :D و ماكانوا يدروا انه خلف الهدوء و السكون هذا، بركااااان لو انفجر، يدمر كل شي :D فالحلو بزوجي، انه بداخله اصلا مستنكر افعال اهله و افكارهم، و بعدين من كلامي و نقاشي معاه وقت ماخلاص طفح الكيل، و امي و اهلي كانوا يكرموه كثير بدون مقابل .. اعترف انه كان فاهم الحياة الزوجية غلط و انه من جد ماكان يعرف ايش يعني حقوق الزوجة ؟ و اهله بس علموه انه اهله لهم حقوق عليه و زوجته مالها حقوق.. و من حظنا وقتها انه كان الوقت هذا هو وقت سفرنا للخارج، فزوجي ابتعد عن تأثير اهله عليه و تدخلاتهم .. و رسمنا حياتنا بالتدريج بديت امشي معاه بالتدريج .. و حبة حبة يتعود عالمسؤولية و فكرة انه مسؤول عن طفل و بيت و زوجة .. و هذه السنة الوحيدة اللي من جد بديت احس انه زوجي بدأ يشعر انه ( أب ) لولده ^^ و كان ممكن من زمان اجبره انه يتحمل مسؤولية ولدنا، بس ماراح استفيد شي لو ماكان الشي هذا نابع من داخله و من احاسيسه . . رجعنا السعودية و اجلت الدراسة و الغربة، و مافيش مجال اني اخدم نفسي و اسوق :D بس مازلت بطبعي، صعب اطلب شي .. بس اذا طلبت الصراحة اي شي لنفسي ما يقول لا .. و اذا طلبت شي لولدي يقول مو لازم .. تعرفي متى اطلب منه اي شي ؟ :D اذا عصبني و لا استفزني ،، تلاقيني اقول له : مالي دخل، زيي زي باقي المتزوجات .. انا مو اقل منهم و انت مقصر معاي و كل شي فوق راسي و انا مو رجال .. بعدين اقول له مثلاً ( مالي دخل، اذا جاء نونو تاني خلاص انت تتحمل مسؤوليته.. يكفي هذا تحملته و شلت كل شي عنك و التاني ماني مسؤولة عنه، انت ابوه ) او مثلا اقول له و انا وقتها متنرفزة منه ( مالي دخل انا ابغى عيدية .. من يوم تزوجنا ماعطيتني اي عيدية ) و خلاص تلاقيني تكلمت وقت زعل و نسيت .. و هو يعرفني،. مجرد ما افضفض، انسى .. فهذه السنة جاب لي عيدية اول مرة و قبل لا يجيب لي، مرررررررة انحرجت منه و كم مرة اقوله و الله مو لازم .. و ما ابغى و ماله داعي .. و كان اول خاتم يشتريه ليا في حياته و من ذهب ابيض، بس ما طالعت بقيمتها المادية و كانت عندي تسوى كثيييييييييير .. . . بس مستحيل اقول له بيوم، جيب مقاضي او محتاجة شي لنفسي .. و زوجي لو ماطلبتي منه، فما يجيب الشي من نفسه و حتى كنت مرات اتحجج اني ابغى اروح المجمع التجاري، و يحسبني اروح اشتري ملابس وومكياج لنفسي .. بس انزل تحت و اروح لكارفور او هيبرباندا و أعبي العربة مقاضي باللي احتاجهم بالبيت و ادفع و اترك العربة بالامانات و يوم يجي زوجي ياخدني، يتفاجأ اني مقضية و معبية العربة .. . . يعني اعترف انه عيب فيا .. يعني ممكن أتشجع و اطلب اغراض للنونو الجديد ،، لاني من يوم حملت قلت له: النونو كل اغراضه على ابوه .. بس لنفسي مااقدر اطلب شي و لانه جاب لي بعيد الفطر خاتم، حسيتها كبييييييرة مو عشاني موظفة و ليا راتب، بس هذا الطبع فيا من زمااااااان حتى مع اهلي كنت كذا و حتى مع امي .. و بدأت معاي الحالة هذه من يوم مات ابوي الله يرحمه، حتى كنت دايماً اردد مع نفسي : ( اللي ماعنده أب .. رحمتك يارب ) ^^ معليه طوووووووولت و قلت قصة حياتي بشكل ملخبط :D * |
امس كان ذكرى يوم زواجنا :D
|
روح الطير البعض يعتبر هذه الصفة نعمة
بس بصراحة وبدون زعل هذي سلبية كبييييرة منك روح حبيبتي إنتي اللي لازم تتعودي تغيري شوي من هالسلبية زوجك هو رجل البيت وهو المسؤول عن كل الواجبات واللوازم من إلى باستثناء كمالياتك الخاصة تدري لما جلستي تتكلمين عن المفاهيم الخاطئة براس زوجك من كلام أمه نفس معاناة أمي مع أبوي في حياتها وهذا كله جدتي اللي عبته براس أبوي ويمكن أزود من اللي قلتيه |
باستخير دحين اني اشرب الأعشاب اللي مجهزتها، و اتوكل على الله ..
بكرة ادخل الشهر العاشر و الطلق اختفى .. شكله كان بسبب الالتهابات من جد .. و اللي مخوفني انه النونو حركته صارت اخف كثير من قبل ؟ باستخير دحين بعد صلاة العشاء و الله يستر من الولادة .. |
| الساعة الآن 06:34 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©