|
السلام عليكم ورحمه الله وبركاته
كل عام وانتم بخير اعتذر عن الغيبه لظروفي وظروف اختي انا نوره كنت اتمنى انزل موضوع بقسم ساعدني ولكن كل املي الشفاء للمستشار رجل الرجال ( لابئس طهور ان شاء الله ) للاسف حاله اختي ماتحسنت بل سائت والحمد لله على كل حال قبل حوالي اسبوع اغمى عليها و دخلت المستشفى فيها انيميا حااده الانيميا فيها من زماان بس ماكان لدرجه الاغماء والتعب مو هذا الموضوع السالفه خالتي جتها المستشفى واختي كانت هادييه ومافيه اي مشاكل لما دخلت خالتي وهي تقولها هلا بمرت ولدي ومدري ايش تقول يعني واثقه بالامر اختي انفجرت وش تبين فيني انا خربانه ومن الشارع وجايبيني من الزباله ( الله يكرمكم ) << حطوا عند هالكلمه مئه خط لحد ما افهمكم بالموضوع وانتم ماعندكم كرامه وحده ماتبيكم وناشبين فيها كل هذا واخوي وامي فيه وولد خالتي وابوي برى الغرفه دخلو على صراخ اختي امي حاولت تمسكها وتهديها بس دفتها ورجعت تعيد انا من الشارع وش تبين فيني حاولت اهديها ولا رضت ودفتني وابوي وجهه راح فيها لانه اختي تقوله مابي اشوفك انت بالذات واللي جنبك ( ولد خالتي ) لحد ما دخلوا لها واعطوها مهدي والطبيب قال انهيار عصبي بالتأكيد هاليوم اتوقع مافيه احد ماسمع صوت اختي حتى للاسف انا رافضتني وامي وابوي بعد ابوي على طول قال لولد خالتي مافيه نصيب البنت ماتبيك والله يعوضك و الاخصائيه قالت لازم طبيب نفسي لاختك الوضع مو سهل وممكن يكون اكتئاب فيها اختي الان في بيت عمي مو راضيه تشوفنا ابددا وحرصت على عمي مايخلي باب الشارع مفتوح بما انها قالت كلمه انا من الزباله والشارع بتكون فيه مشكله ثانيه وربي مدري كيف اقولها لكم اختي اصغر اخواني امي جابتها على ككبر وما توقعت يصير حمل وحاولت تنزل الجنين بس ربي كاتب لاختي حياة ولدتها امي ومن فطمتها عن الرضاعه خلت الخدامات يتولون اختي وكأنها ماعادت بنتها ( القصه امي قالتها لنا ولاختي بعد ) قالت لها جبتك بالغلط ( كلمه زي كذا ) يعني ماكنت ابيك ولاننا كنا اطفال الله يهدينا اذا نبي نعصبها نقولها جايبيك من الشارع - جايبينك من الزباله كنا نحسب كلمه بالخطا اللي قالتها امي يعني بالحرام وامي ماكانت تنهانا عن هالشي كانت مشغوله بشغلها اختي وربي كانت تنام مع الخدامات تقولي ياما اذوني خدامات وياما تعلقت بخدامات ثانيات تعدد لي اسمائهم وانا ناسيتهم اصلا امي تقولي ان الخدامه فلانه كانت تستخدم اختي لامور السحر اتوقع زي قربان وتكتب عليها باشياء في جسمها لما درت عن هالشي على طول سفرت الخدامه وبدت رحله اختي مع الشيوخ وقرايه وحاله بعدها صارت تنام مع جدتي الخدامات كانوا احن من جدتي !! اختي وهي صغيره تتبول على نفسها وهي نايمه وتجلس تبكي جدتي تصحى وتضربها وهكذا بعدها تعدلت احوال اختي الحمد لله وامي وابوي حسوا انهم ظلموها وجالسين يعوضونها كثير حتى امي تقول انتي الوحيده اللي ماخذتي حنان :/ بس الحين رجعت تنتكس انا خفت من انه يكون فض غشاء البكاره لان اختي وهي صغيره جتها التهابات و تستخدم غسولاات قبل عشان هالمشكله عشان كذا شكيت في الامر ولد خالتي متواصله معاه ع الايميل وزوجي يدري عن هالشي ( بس مايدري عن موضوع اختي ) ويمكن يروح لعمي بكره يكلمه بالموضوع هي المشكله كلها وربي ماني قادره انام من التفكير وش بيصير لاختي وش حالتها ليه كذا كيف ارجع مع اختي زي اول ع الاقل كذا اقدر اطلب مساعدتكم اسعفوني تكفون ماعندي اخوات اقدر اتكلم معاهم كلهم لاهين بحياتهم اسفه ع الاطاله |
الله يفرج همكم ويسـآإعدكم يـآإرب
والله يشفي اختك |
تقولي انهيار عصبي وانا اقول لك انفجرت اختك باركي لها عني
هيك كل واحد يوقف عند حدو وما حد يغصبها على شي ورح يعملو لها مليون حساب قلبي عندها المسكينه اتركوها على حالها حاليا ولكن انتي اقري سسورة البقره لها يوميا وحاولي تقريه على ماء واعطيه لعمك يسقيها من غير ما تشعر انو ماء مقري نازلين فيها اهانات من الصغر الحمد لله على سلامتها باركي لها سوم اثنان اسبوع شهر وترجع وحده جديده ان شاء الله انتي فقط اعملي اللي قلت لك عليه بسم الله عليها كلنا يقولو عنا جينا بالغلط متعودين على هالكللام |
اقتباس:
وياك اختي |
اقتباس:
بس واحنا صغار مافهمنا معناها زين ابوي بكره اكيد بيروح لها وامي شكرا لك قرين اختي عند عمي فتره لما تهدأ وترجع اكيد لمست انك معصبه ليه طيب ؟! |
الله يكون بعونها
قليل انهيار عصبي بحقها مثل ماقالت خالتوا نازلين فيها بالإهانات من الصغر الله يسامحكم ويشفيها |
الله يشفي اختك ويقومها بالسلامه وترجع لكم بصحة وعافيه .
بس الله خليك لاتقول انه خالتك وولدها لسعهم على موقفهم اش قال لما كلمه ابوك وزوجك حسب ماقلت رايح لبيت عمك بس اش راح يسوي هذا الي مافهمته اش حيسوي زوجك ويكلم عمك على ايش ولمى رافضه ترجع وتكلم احد . ارجعي للمتخصصه وخليها تشرحلك كيف تتصرفون معاها في هالحالة . مسكينه اختك شافت البلاوي من صغرها بحجة جبناها بالغلط استغفر الله بس لااهتمام ولا راعية ولاحنان ولامتابعه وضرب ورمي عند الشغالات وتحرش ما اتعجب هذا يصير فيها ( كلكم راع وكلكم مسئول عن رعيته) الله يسامح امك وابوك ويهديهم ويقدركم تعوضونها عن كل شيء . |
اخت نورة يمكن في ردي الاول حده وهجوم في الجزء الاخير سامحيني لا اقصد الاهانه لك او للوالدين الله يديمهم لكم يارب وتنالوا اجر برهم واولكم لمى اهلك كانوا في غفلة وفاقو وانتبهوا لما شافو وضع لمى بس انفعلت اختك كتمت في نفسها كثير لين انفجرت وانتوا مشغوليين عنها . لله يحفظها لكم يارب لا تنسي الدعاء اختي ادعيلها انتي وامك وابوك دايما واكرر كلمي المختصه النفسيه وخليها تدلك على خطوات تعاملكم مع لمى وهي في هذي الحالة ولما تخرج منها بأذن الله
اكرر اعتذاري وارجو ان تقبليه اختك كيلسي |
زعلت على اختك
عصبيتي على اختك خفت عليها كتيررررررررر كلنا نسمع كلمة بالغلط جبناكم ويضحكو مقهوره على اختك حبيبتي وقت تشوفيها شدي على يدها وقولي انو ما فعلته عين العقل وليس انهيار عصبي باركي لها شجعيهااااااا قولي لها اصبحتي قويه بالحق وهيدا عريس الغفله اللي مصر عليها يروح يشوف عروس غيرها ما خلت الدنيه معلش اقول عريس الغفله ما حد يزعل مني هو مصر عليها لنو ما قادر يوصل لها بالحرام يريد ان يثبت لنفسه انو قادر يوصل لها ويكسرها هذا هو معنى تصرفه وليس حبا فيها طالما وقفت بوج امك وابوكي ووقفت لحقها يعني الحمد لله رب العالمين انا ما احب السلبيه في البنت انتي اختها اهمسي لها انك تحبيها وما كنتي تقصدي عليها شي فرصه لك تتقربي منها ورح تكونو اصدقاء لآخر العمر ان شاء الله اقري سورة البقره كما طلبت منك لها وارسلي لها الماء تهدا ان شاء الله وكل من يتكلم ويقول :يا حرام انهارت اعصابها لازم يكون جوابك لهم : لم تنهار اختي انما الفيتامين نقص عندها ومن ثم وقفت لحقها ورفضت العريس دافعي عنهاااااااا فهمتي قصدي الناس بدها خبر وتنشرو وتتسلى فيه فهمت قصدي حبي انتي عليك تقولي : ما احلاها اختي ليتني مثلها قويه ما شاء الله عليها ما حد يقدر عليها توقف لحقها شو بدك اعلمك كيف تدافعي عيني شوفي اذا تقدرو تدخلو نادي رياضي انتي وهي الرياضه تهدي النفس |
اقتباس:
اخوي ولد خالتي هو اللي بيروح مو زوجي فهمت غلط الاخصائيه تقول خلوها على راحتها لما تفضفض هي تهدى من نفسها اجمعين صح كلامك عين العقل وادري كلنا غلطلنا بحقها ولا يحتاج اعتذار شكرا |
| الساعة الآن 07:36 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©